بنت الشيخ لأبن الشيخ

البارت الثاني عشر

هلاو حبايبي رمضان كريم عليكم
وان شاء الله من عايدين
قصة بنت الشيخ لابن الشيخ
الكاتبه بنت الشيخ
البارت الثاني  عشر

مهند//شبيج تحجين ويا روحج 😒

هنادي//جاي اشرب ماي وسمعت واحد يكلي شبييج تحجين ويا روحج  درت لكيتها مهند 😓 كتله بارتباك  ما بيه شي

مهند//شني ما بيج شي جنج مسودنه تحجين ويا روحج تسودنتي😒

هنادي تحجي بينها وبين روحها//شبيه تخبلت برطمت من حجيه كتله يي تخبلت انت معليك😤

مهند يحجي بكلبه وهو دايخ بالي كباله/شلون برطمت جنها جاهله باوعتلها 😒 كتلهاا لا تبرطمين جنج جاهله

هنادي// باوعتله هيج 😟 وكتله لا ما ابرطم

مهند//يي عفيه صيري سباعيه..يله معلينه تعشيتوا انه جوعان كلششش

هنادي//لا بعدنه ما متعشين خالتي و ريم بالغرفة

مهند//هاا يله ميخالف صبيلي عشه وصعدي الي فوك لأن كلش جوعان وتعبان

هنادي/هااا اني😨

مهند//يي انتي شبيج مو مره  لو شني ما تعرفين تصبين عشه شكبرج

هنادي//هااا لا  راح اكل لريم تصبلك

مهند//معلي  كلي لأي واحد المهم العشه اريد يصعدلي فوك وبسرعه

ريم//ضلينه انه وخالتي كاعدين بالغرفة ومستحيه منهاا حيييل أوف تمنيت الكاع تطمني ولا انحط بهذا الموقف يعني وعد ما لكه غير لصيااح يي طبعا هو ما يهمه شي انه الي اطيح بيهااا اوووف يا وعيد شكول
عليك حطيتني بموقف ما انسى طول  عمري...😳هسه شحجي شكل لخالتي

أم محمد//خاله ريمه اعرف انتي خفتني من صيااح هذا وعيد بس يمه لا تخافين هذا وعيد ما يعرف الأصول ويمه احنه نطيناج لابن عمج

ريم/هااااا😢 لا خاله ليش ما كتلولي قبل لا توافقون

ام محمد//يمه الحجيه انطتهم لحجايه بعد ما حاجتج وانتي من ستحيتي عبالها موافقه والسكوت يبنيتي علامة الرضا وانت ما راح تلكين احسن من ابن عمج من لحمج ودمج ويمه إذا هسه رجعنالهم خبر ما تصيرين الهم يمه يعيبونج وما نخلص من عدهم و يكاومونه و من لسان الناس ما نخلص يا يمه وهذا وعيد مردوده عدنه وبعد ما يفتح حلكه وانه رايدتلج الخير
 

ريم// وهي تحجي بكلبها...عمر السكوت ما جان علامة الرضا لا لا السكوت خوف وقهر وغصه بالكلب ما تكدر تطلعها السكوت..ناار تاكل بكلبك وعقلك وبس تطلعه راح يحرك الكل..... عمري كله ما راح انسى هذا الشي اللي صار وياي...لبنيه ب مجتمعنا تنظلم بدون أخذ رأيها تنزف لشخص ما تريده.. وما هاوي كلبهاا جم بنيه وبينه بمجتمعنا ضمت حبها بصندوق وقفلت عليه...من وره أهلها اللي نطوها بدون رئيها وانه راح اكون وحده من هذن الي ما كدرت وتجرئت انو تكول ما اريد هذا الشخص...
ابد ما فكرت  شلون راح انزف لشخص ما احبه  ولا حبيته وابد ما اجه بالي هذا انو افكر بهذا الشي  
بس اجه بالي الكره يييييي الكره ييي الكره كرهت مره ما تهتم لا أبنها ولا بنت أختها اليتيمه ما هتمت بشنوو يحسون لو بشنوو يفكرون لو هما راح يرتاحون لو لا بس فكرت بحجي الناس الي عمره ما راح يخلص حجي الناس اللي قتل أمنيات هواي من بنات بأسم العيب  ييييييييييييي العيب...مع الأسف احنه مجتمع يهتم للعيب قبل الحرام...عدنه العيب أهم من الدين....