ضحيت من اجلهم بقلم روجمان الناشربارق العراقي

البارت الاول والثاني

#عنوان_القصه_ضحيت_من_اجلهم
#بقلم_الكاتبه_روجمان                                         #الناشربارق_العراقي

المقدمه ـ نعم نملك مشاعر ونملك احاسيس تجعلنه نحلم بما ليس من حقنا وحتى اذا اقترب مننا حلمنا سوف تجبرنا مشاعرنا المضطربه بالتخلي نعم انا امراة واني بسبب مشاعري ضحيت من اجلهم من اجل سعادتهم تخليت عن سعادتي لاجلهم فقط...                                                                                                                              

الناشربارق_العراقي
#الكاتبه_روجمان
البارت الاول-

اني اسمي جميله من عائله حالتها الماديه ضعيفه احنا عائله مكونه من ثلاث بنات وولد اثنين الولد اصغر من البنات والدي متوفي ووالدتي معلمه وساكنين بيت ايجار وعايشين على تقاعد والدي الله يرحمه وراتب والدتي ويادوب مكفين العيشه بدايه قصتي من وصلت ١٨سنه طبعا مكدرت ادخل كليه خلصت سادس وكان معدلي٨٨ بس بسبب وضعنه المادي مكدرت اكمل كليه ولان بهاي الفترة اخويه الصغير تمرض وجان دائما يتخربط  ويحتاج علاج لهذا السبب كامت والدتي تصرف عليه دكاترة وادويه واني قررت انو ماادخل كليه وبهاي الفترة اجه خطبني واحد عن طريق احد اقاربنه مكنت رايدة ازواج ولكن كانت حالته الماديه جيدة والدتي كانت تقنع بيه لان كانت تريد تخفف من المسئوليه الي على عاتقها واخير شي استسلمت للامر الواقع وزوجت الي ازوجته كان اكبر مني تقريبا ٨ سنوات كان يملك بيت وجان هو واخوته مشترين عمارة بالشورجه ومسويها محلات مال اجهزة كهربائيه هوكان ايضا موظف معلم المهم انو اني ازوجته وبدات حياة مأساويه طبعا مقبل نكعد بيته كان مأجرة وكعدنه بيت اهله وصارت مشاكل الها اول ماالها تالي يوميه مشكله جديدة واني ادوس على نفسي وامشي واكول ميخالف وكنت لمن اشكي لاامي دكلي ميخالف بتي تحملي وصبري وبعدين اصير سوالف المهم انو اني اول ثلاث اشهر صرت حامل وجبت ولد سميته مصطفى ميشبه ابو يشبهني الي طبعا متكلمت عن شكلي اني طويله رشيقه لون شعري اسود عبالك فحم عيوني عسليه وبيضه وملامح وجهي حلوة عندي غمازات كلش ضايفه جمال لوجهي المهم انو اني اكتشفت برجلي انسان شكاك تهام بخيل يحجي عليه بلاسبب يضربني حتى كدام اهله يعتبرني حيوانه موانسانه اعترضت كم مرة وطلعت زعلانه ولكن اني اعرف ظروف بيت اهلي ووضعهم التعبان وامي صعب تتحمل رجوعي ويايه طفل المهم انو اصير مشاكل واطلع زعلانه وارد ارجع وبعدها فترة حكمني الا تحبلين وفعلا خلاني اصير حامل وابني بعده مصاير سنه ونص وهالمرة جبت بنات توؤم متغير بقه هو نفسه نفس سوالفه اتصورت انو الاطفال يغيرو ولكن بعده يشك ويغار بدون مبرر طبعا حرمني من انو اروح لااقاربي حرمني اعتني بنفسي حرمني من صديقاتي مااطلع ابد بس على الدكتور لو الحاجات الي كلش ضروريه وبس حتى الملابس للاطفال هوكان يروح يجيبها وبعد مصارن بناتي عمرهن سنتين هم كلي الاتحبلين لان انتي جبتي بنات واني اريد ولد وخلاني احبل واجيب ولد وصار عندي اربعه مسئوليتهم وقهرها وتعبي والمشاكل ويااهله جعلت مني امراة محطمه صرت شبه انسانه فقدت الثقه بنفسي وحتى بالناس...                                                                                                           

بتبع ..........

#الناشربارق_العراقي
#الكاتبه_روجمان
البارت الثاني
                     
للاسف حسيت انتهت حياتي قبل حتى متبدي حسيت هذا البيت كبري مااطلع منه الاوشايلني على التابوت تحملت لخاطر جهالي ومو لخاطره ولامحبتن بي لان محبيته ولاخلاني احبه اكو اشخاص بطيبة قلبهم بلسانهم الحلو بتصرفاتهم يزرعون بداخلنا الحب واكو اشخاص يخلوك تكرهم وتكره وجودهم اني جنت اكره وجوده حتى لمساته حتى لمن يتقرب مني احسه واجب وأدي ماااعشت لحظات حلوة المهم انو بهاي الفترة كامت اصير هوايه مشاكل بيت اهله وياااخوته علمود الجهال واحنا صرنا ست اشخاص وكلنا بغرفه وحده وقرر انو يشيل المؤجر ونكعد احنا بالبيت البيت كان بنفس المنطقه مال بيت اهله بس يبعد كم شارع المهم شال المؤجر وكم يوم وانتقلنا سكنه بهذاك البيت طبعا مقبل يأثث ووين ماكو شغلات مكسرة وتعبانه راح جابها من بيت اهله اني مكنت اهتم لان لايعجبني هو ولاحتى تعجبني حياتي وياه بس مثل الي عايش بس  ليومه ميدري باجر شنو وطبعا فوك تصرفاته السيئه كام يسوي علاقات ويه النسوان ويصرف عليهن واني من اريد منه حاجه ميقبل ويذلني عالفلس ومرت وياه حياتي ١٥سنه كضيتها ضيم بضيم جهالي كبروو وهمي كبر واصبحت انسانه ميته مجرد انو حياتي اطبخ انظف اقري الجهال كل شهر اروح مرة وحدة لبيت اهلي ممنوع كلشي اسوي همزين الهوا بيدالله ولا هم جان منعه عليه...
يتبع ......

ملاحظه النشر حسب تفاعلكم متابعيني
الناشربارق العراقي