خائنه دفعت الثمن

part 3

خائنه دفعت الثمن
بقلم زهراء الموسوي

ام عباس.... والنعم من اصلج يعني هسه افتهم من كلامج الموافقه
ام رحيم ... يي خيه كبعي واخذي انتي صدك جذب وين اكو احسن منكم
ام عباس .... بل امبارك لتخافي عليه اخليه بعيوني
ام رحيم ... بعد هي مثل بناتج حاله من حالهن

كلمات امي جانت مثل الصاعقه بل نسبه الي ماتحملت اكثر رحت ركض الغرفتي خليت ظهري عله الباب وكعدت ابجي ليش يربي ليش هيج يصير صعبه عليه ماتحمل ليش ماكو واحد يفهمني يعني انتهه كلشي خلص راح انتهه حبنه اني وحسين هو وينه وين حبه باعني وراح

سمعت صوتهم ديودعون لشويه واجتي امي دكت الباب مسحت ادموعي فتحتله الباب باوعتلي بنضره ماعرف افسره حب كره كعدت بل غرفه وكلتلي
ام رحيم .... تعاي يمه كعدي يمي اريد احاجيج
سحر ... ها يمه
ام رحيم .... شبيج ليش تبجين
سحر ... ماريد ازوج يمه
ام رحيم .... بعد امج تره مو اول وحده ولااخر وحده تزوج اول وتاليتج تزوجين
سحر ... يي بس موهسه بعد وكت بعدني صغيره
ام رحيم ... لا مو صغيره البكدج ابنه بطوله يله كافي بجي هسه ابوج واخوج عله جيه واذا شافوج هيج شيخلصج بعد
سحر ....يمه حبابه غيري رائي ابوي والله بعدني صغيره عليج الله
ام رحيم ... كافي لج مو اجيت حجيت وياج كلمتين حلوه كمتي تتامرين وتستغلين انجبي وسكتي
يله كومي سوي عشه فضيه لو نبقه عله مرت اخوج سبوع مناكل منين اتلكاهه منج منه
يله رايحه اقره قران قبل لياذن

سحر ... كمت كمت لو خدامه هم متشتغل بكدي طلعت من الغرفه انوب اظكرت المبايل
كلت هايهيه بعد لازم اخلص من التلفون كلبي ناغزني انو اخلص منه احسن اخذته وياي وطلعت لكيت امي جاي تقره قران
رحت بسرعه للحوش اكو منهوله فتحت المنهوله ذبيته بي ورسن سديته
رحت للمطبخ كلبي يدك الف بل ثانيه من الخوف

اوووووف يربي كمت سويت العشه وبالي كله مشدوه شراح يصير بيه وحسين يعني راح اصير الغيره حياتي شنو مصيره ويه انسان مااحبه حته كرهته قبل لا اتعرف عليه وعيت من صفنتي عله صوت امي اتصيح عليه
ام رحيم ... ولج يمعزايه وين صافنه احتركت الطماطه
سحر.....يوووو والله مادري يمه ماجنت منتبهه
ام رحيم .. حقج من هسه كمتي تصفنين وقبل شويه تبجين بل غرفه صغيره وصغيره تربات ايدي انتن ماعرفجن قابل
سحر ....يمه خو ليش متكولين من القهر صافنه لو اله اسويه دراما من الفرح
ام رحيم ... سكتي لج فوك شينه كواه عينه جددي الطماطه يله
سناء ... خير خو ماكو شي فزيت مخروعه من الصوت
ام رحيم ... والله زين من كعدتي يل مسعده
سناء ... ليش عمه شكو
ام رحيم ... شعدنه هنا فندق اكل ونوم ذابه الشغل عله سحر وانتي من الصبح الليل بس غذا طابخته
سناء ... عمه والله الجهال متعبيني ميخلوني اشتغل
ام رحيم ... دوخري من وجهي اكول الرحيم وهو يعرف يتصرف وياج

سناء ... اكول اشبيه عمتي ليش اصيح
سحر..... واني شعليه روحي سئليه اله الله يخلصني من هل عيشه وارتاح منكم
سناء ....مابقه شي هي كم اسبوع وتزوجين اشوفج نسيتي الحب
سحر ....ماينسه الحب بس بعد انتو وظلمكم شبيدي عله نفسي
سناء ... ظلم امج اني شعليه
سحر ... اكلج اشو هواي جاي تتجاوزين عله امي انتبهي النفسج
سناء .... مجذبه اني قابل
شوكت اخلص من ظلمه الامج وارتاح همات
سحر .... لج انتبهي الحجيج لااجي قسما بالله اسحلج سحل
سناء .... جربي خلي انشوف
متحملت بعد دفعته ع الكاع وكعت وضربته عله بطنه ولزمته ملخته اتملخ من شعره وهي تضرب واني اضرب عله الصوت اجتي امي
ام رحيم ... عزه العزاجن هاي شكو يا ماتستحن
سحر ... يمه تغلط عليج والله
سناء...امشي لج ام الولد لكفته تحجي ويه الولد بل مبايل وتضربني لان اريد اكلج
سحر ...جذابه يمه ماكو هيج حجي تريد اسويلي سالفه
سناء ... جذابه موووو هسه اطلعلجياه المبايل
ام رحيم ... شدتحجين لج تتهمين بنتي انعل ابوج اليوم اذا طلعتي اجذبين دقيقه متبقين هنا
سناء ... يي تعالي ونشوف منو يجذب
راحت الغرفتي وامي لحكته اني اهنا نزل ماي بارد عله كلبي هم زين ذبيته كلبي جان حاس بس من التوتر جسمي كله يرجف لحكتهن لكيته نابشه كنتوري نبش انوب اجتني
سناء .... وين ظميتي ها وين احجي
سحر ... انجبي لج اني اشرف منج ياكلبه تتهمين بيه اني اعلمج
اجتي يمه امي ظربته راشدي عله حلكه ولعبت بيه لعب ملخته تملخ
ام رحيم ... خلي يجي رحيم واعلمج بتل كلب بسيطه
كامت تشهك بكل قوته وتباوعلي بحقد باوعتله بنضره شماته وكلتله
سحر .... يله طلعي رجاء اريد ارتب غرفتي
جان بده تاكلني طلعت خليت ظهري عل باب اوووف ربي الحمدلله عده سلامات
لشويه واجوي ابويه ورحيم اني رحت حميت العشه شويه وسمعت مصايح رحيم ومرته واضح امي كلتله شويه وطلعت سناء تبجي طاحت عله امي
سناء .... عمه والله اعتذر ماجان عندي قصد اسفه
ام رحيم ... ولي لج اني اليتهم بنيتي وبيتي ماله كعده هنا
سناء ... ابوس ايدج عمه اذا طلعت يطلكني رحيم والله
ام رحيم .... بهاي سوالفج تستاهلين الكتل مو الطلاك
سناء ... فدوه عمه الخاطر الجهال موالخاطري
ام رحيم .... وهو شكاسر ظهري غيرهم تولين كعدين بفرفتج ماريد اشوفج يصعد ضغطي لو اكلج ولي للمطبخ نكعد نخدمج قابل يله
سناء ... حاضر عمه

اجتي يمي بل مطبخ باوعتلي بنضر كانما دتتحلفلي عفته ورحت صبيت العشه تعشينه اني وامي وبابا ورحيم هيه متعشت بعد الاحسن شويه و
فتح ابوي الموضوع الزواج
ابو رحيم ....اكول اليوم اجو بيت شاكر
ام رحيم ... يي اجوي فتحت الموضوع وكالت رايده سحر ال عباس وكتله اموافقين كالت اذا هيج اخبر ابو عباس لان ماعدنه شي كلشي مكملين
ابو رحيم ..... يي خابرني شاكر كال الجمعه نجيب مشيه والبراهه الزواج

رحيم ....شنو السالفه مو مستعجلين زياده
ام رحيم ... اسكت انته مالك دخل موجاي يكول كلشي مكملين وعلمود سحر كالت باجر اجيب الافلوس نطلع نشتري هذا الاسبوع الذهب والنيشان والاسبوع البراهه نحضره علمود العرس شعدنه قابل
ابو رحيم .... هايهيه خليه ابره امك والك الصافي
يحجون ويتناقشون ولاكانما هاي حياتي اني لازم اقرر مو همه يقررون كلشي لو بيدهم يكلولي كطعي النفس همات
كملنه العشه شلت الاماعين خليتهن بل مطبخ مالي خلك شغل طبيت للغرفه خلي راسي عله المخده الي لو عده لسان جا كالت كافي دموع كافي بجي
الثاني يوم كعدت الصبح بين الشغل منا منا للعصر اجت ام عباس جابت الافلوس ٣ ملايين علمود النيشان
"""اختصار للحداث """
كضينه اسبوع الاول كل يوميه نروح اني وامي نشتري هدوم وذهب ومكياج وهاي السوالف ماكو شي ماخذته امي اجيب واتخلي فرحانه اكثر مني وهذا يلوكلج وهذا حلو عليج شسوي بل لبس الحلو واني مال نفس بي للجمعه كلشي كملنه نصب ابوي جادر بل باب لان بيتنه ميكفي واجوي هواي زلم حسب كلام ابوي قروا الفاتحه شويه وراحوا

قروا الفاتحه وتمنيت انا الشيطن
وعلي اله اعكد لسنهم باول الايه

ابو رحيم ... ام رحيم وينج
ام رحيم. ... هاعيني هنا شرايد
ابو رحيم .... اسمعي باجر يجون ياخذوكم علمود تعقدون بل ٤ همه هنا باجر مومن وعكبه محكمه مفهوم
ام رحيم ... هذا هو صار
الثاني يوم يوم العقد بدلت وحضرت نفسي
لل ٤ همه اجوي مقبلو يدخلون عاد طلعنه اني وامي كعدنه وره وهو وامه كدام لا ارادين باوعتله مبين طويل اسمر شعرهه شويه بي رده عمره بل ٢٥ اكبر شويه ملامحه حلو يعني ميتعيب عليه لاحظت هو هو يباوعلي راسن دنكت راسي من الخوف لطشت اب امي وصلنه للكراج طبكنه السياره ونزلنه اتمشينه علما نوصل للامام طبينه جوه اتوجهنه للغرفه الي بيه السيد لكينه اثنين يعقدون مبين عليهم واحد يحب الاخ من الابتسامه مافاركت وجوهم صفنت عليهم يربي ليش مو اني وحسين هسه هنا مثلهم لاارادين ابتسمت عله ابتسامتهم
فززني من صفنتي صوته
عباس ... شكو توزعين ابتسامات دنكي راسج

..... يتبع