الحب ديره وانا ياخوك في ادروبها
تايه وانا فالهواء تايه ومدري ل وين
ليل ماهوا من ليالي نجد وهبوبها
لا مرحبا به وشمسه يا عساها تبين
ياديره حبها من حب رعبوبها
وشلون تنسى يدين فارقتها يديك
والناس قلبي درا وش قالت اقلوبها
الشخص هذا ماهوا لايق نشوفه حزين
من قال لي وين رايح قلت صوبها
قد بان حبي مثل ما بان ف الاولين
وغنيت ليلً ماهو من نجد وهبوبها
لا مرحبا به وشمسه يا عسها تبين
والله لولا العرب والحكي واسلوبها
لاخذ يديها واشبك فاليسار اليمين
لكن تعرفونهم شالو وقالوبها
شماتت ياعسى ماحن من الشامتين
هي قاطعت وصف من صالو وجالبوها
الفرق ربي فرقها من يسار ويمين
هذي هي اللي لها خصرً رسم ثوبها
والبطن جايع وردفينه من الشابعين
والصدر نقطه عنابرها ما غنوبها
لو شافها عنتره غنوبها الاجمعين
والوجه نورً يكفينا عن اغروبها
والثغر مثل الحلا والطعم طعم الحنين
والخشم سيف العقيد ان دنت حروبها
فرقٌ مابين السيوف وبين سيفً وبين
والعين شيهانةً لا ضفت جنوبها
ونظراتها سحر والله سحرً مبين
يالله لطفك بحالٍ طايح دوبها
تعالي خذيني ولا اقول الك لا تاخذين
ودعتك اللي له الكعبه وصلوبها
وانه على طاري الفرقا يروف ويعين
قصيده ؛ ليالي نجد
أداء المنشد ؛ يحيى القحطاني
كلمات الشاعر ؛ عبدالرحمن بن شفلوت
#klode123
