صقر العمليات الخاصة ٢(انتقام الابنة)(صابرين كامل الدويب)مگتملة

🍁الفصل الثاني 🍁

في مستشفى جواد  للمخ والاعصاب التخصصي
جوري :لو سمحت انا دكتورة جوري المنياوي ممكن اعرف فين مكتب دكتور جواد
الممرضة:اخر الطرقة يا دكتور ومشيت
راحت جوري لاوضه جواد وخبطت
جواد:اتفضل
دخلت جوري : السلام عليكم
جواد رفع عينه: وعليكم السلام ورحمه الله اتفضلي
جوري:انا جوري المنياوي دكتورة متدربه هنا يا دكتور وقالولي هبقي تحت إشراف حضرتك
جواد:امممم جوري المنياوي  اتخرجتي من ٧شهور بس وجايه تشتغلي بواسطه مين بقي بابا ولا ماما
جوري بهدوء:لا بابا ولا ماما احب اعرفك يا دكتور حاجة رغم انك مش لازم يعني تكون عارفها أن بابا عميد في العمليات الخاصة وماما توفت من ٥سنين اما بالنسبة بقي هشتغل ازاي بالسرعة دي احب اقول لحضرتك اني كنت متفوقه وعملت مجستير واجتهدت فيه ودا كمان بشهادة الدكاترة بتوعي
جواد:تمام اووي انك من غير واسطه دي اول حاجة هتخليكي تبقي مهتمه بشغلك
جوري:علي فكرا لو حضرتك مش متقبل فكرة وجودي هنا انا ممكن امشي عادي
جواد: ههههههههه لاء عادي اتفضلي علشان اعرفك نمط الشغل هنا ايه وكمان لو فيه حالة جديده اشوف هتعرفي تشخيصها ولا لاء
جوري بثقه:اكيد
************
في كليه الهندسه
دخلت العقرب بطلتها الواثقة علي مكتب العميد وبرده من غير متخبط
العميد:ايه التسيب دا انتي ازاي تدخلي كدا من غير اذن وفين الحيوان اللي علي الباب يا
رقيه:اقعد
العميد :نعم
رقيه: اقعد بقول اقعد ايه اطرشيت
العميد بحرج:احم مين حضرتك.
ليان:العقرب يا دكتور العقرب تسمع عنه
العميد :اكيد دا اشهر من نار على علم دا فخر  العمليات الخاصة
ليان: ههههههههه دا قصدك دي وشاورت علي رقيه
العميد برهبه:احم نعم قصدك ايه
ليان : قصدي أن العقرب تبقي بنت مش راجل وكمان اختي
العميد وقف:احنا اسفين يا فندم دا غلط غير مقصود خالص
رقيه: هو ايه الغلط دا بقي
العميد :اننا نجيب اخت حضرتك هنا
رقيه :انت شايف أن دا غلط
العميد : امال
رقيه :دا الصح يا دكتور
ليان:رقيه
رقيه بصتلها بصه اخرستها
العميد:يعني حضرتك مش زعلانه
رقيه قامت:لاء مش زعلانه بس فين الولاد اللي عكسوها
العميد:عند دكتور الجامعة
بصت لليان :عملتيلهم ايه
ليان:تقريبا كدا واحد رجله انكسرت وواحد تقريبا سنتينه وقعوا
العميد: تلاته يا فندم تلات سنات
رقيه:ضربيتيهم بايه
ليان:بكرسي الكافيتريا
رقيه :اممم انت عندك محاضرات تاني النهاردة
ليان:اه عندي واحدة بعد ربع ساعة
رقيه :اوك وبصت للعميد:يا ريت يبقي فيه انضباط اكتر من كدا في الجامعة
العميد:اكيد يا فندم
**************
في كليه الصيدله
مصطفى راح ناحيه الشابين
مصطفى:بتعملوا ايه
الشاب الاول:ها ابدا وعينه علي اسيل برده
مصطفى راح ضربه بوكس في عينه : علشان تعرف تبص كويس لحاجة غيرك
الشاب التاني:هي اللي قالت لنا نعمل كدا علشان الشباب يعرفوها ويحبوها
اسيل:انت بتقول ايه يا حيوان انت
مصطفى:اسكتي خالص  وبص الشاب وشده من لياقه قميصه :تعالي يا حيلتها أما نشوف الموضوع دا واخده قدام الدفعه كلها وضربه ضرب شديد اووي
مصطفى:اللي يفكر بس أنه يبص لحاجه تبع مصطفي الراوي هيبقي مصيره كدا واكتر وانتوا الاتنين هاتشرفونا سنه كمان واطلعوا برا يلا
***************
في كليه الاثار
اسيا ماشيه وسمعت:يالهوووووي علي دكتور مالك دا مز اوووى ياه بس لو يبصلي ياه
اسيا:ويبصلك ليه يا بتاعة انت
البنت:وانت مالك هي تلقيح جتت ولا ايه
اسيا:نعم يا ختي هلحق جتتي عليكي انت يا معفنه
البنت: امال مالك يا ختي غيرانه مني ليه ولا علشان دكتور مالك بيحبني انا وانت لاء
مالك:بحب مين يا حجة سمعيني كدا تاني
البنت وشها بقي قوس قزح:احم دكتور مالك
مالك:اه دكتور مالك ها قوليلي بقي بحب مين وبكره مين بقي
اسيا:بتقول انك بتحبها يا مالك
البنت:مالك الا علشان كدا زعلتي اتاريكي مدوراها معاه
اسيا راحت ضرباها كف حولتها
مالك:احسن  احمدي ربك انك بنت لولا كدا كنت ضربتك انا بنفسي وعرفتك ازاي تتطلولي علي خطيبه مالك يوسف
الكل:ايه خطيبتك
آسيا بقي كانت فرحانه اوي وراحت قالعه دبله كانت في ايدها الشمال ولبستها في اليمين وراحت جنبه ومسكت أيده :اه خطيبته ورفعت أيدها
البنات كانت غيرانه منها اووي والشباب بيتحسروا عليها
مالك:يلا يا اسو علشان نروح وأخدها ومشي
*************
في مستشفى الرحمه للأمراض الباطنية
خلصت عائشه العمليه بنجاح  وخرجت
الممرضة:لو سمحتي يا دكتورة عائشه دكتور براء عاوز حضرتك
عائشه:حاضر جايه
وراحت مكتب براء: خير يا دكتور حضرتك طلبنتي
براء :اولا مبروك نجاح العملية ثانيا انا هقولك كلام الوقت مهم اووي يا ريت تسمعيني للآخر
عائشه:حاضر يا دكتور اتفضل
براء: المستشفى دي بيتم فيها عمليات مشبوهة
عائشه:ازاي
براء: سرقه أعضاء

***************
في مكان مظلم ملئته الوحوش المخيفه
(ايه الهبل اللي بقوله دا شكلي اندمجت 😒😒)
حسام :حاسب يا مراد دول بقوا مع بعض لازم تخاف الاتنين أقوي من بعض وغير كدا العقرب لازم تنتقم لأهلها
مراد مقهقها : ها ها ها ها ها ها شكلك كبرت وخرفت يا بابا انت مش عارف أن ابنك اسمه الشيطان ولا ايه والشيطان بياذي ميتاذيش
قوم نام يا حج قوم (حج في عينك دا ابليس)
حسام : يا خوفي الزمن يتقلب والشيطان هو اللي يبقى الضحيه يا مراد وسابه ومشي
مراد:الزمن يتقلب ههههههههه ميتقلب وماله
وراح ماشي علي مكان مجهول
مراد : ههههههههه شفتي حسام بيقول ايه بيقول أن الشيطان ممكن يتغلب ههههههههه كان اتغلب من زمان بس انت عارفه احسن حاجة الوقت انك معايا دي احسن حاجة طب والله رغم اللي بيتعمل فيكي لساكي قمر زي مانت وحط أيده علي وشها
الشخص :اوعي يا ابن ال**** ورحمه ابويا مهرحمك ولازم تعرف أن جاه وقتك يا مراد جاه وقتك والطور لما بيقع بتكتر السكاكين وانت خلاص علي حافه السقوط يابن حسام
مراد: لساكي برده زي مانت صقر بس هما خلاص نسوكي
صقر: ههههههههه نسوني لاء يا مراد عمرهم ما نسوني عمرهم والدليل بنتي اللي بقت عقرب بمعني الكلمه علشان تنتقم لموتي بس ههههههههه خاف يا مراد خاف اجلك قرب
ههههههههههههه اه انا عاوزة اشوف نظرة الخوف دي علي طول في عينك من بنتي يا مراد لازم تخاف دي بنت الكينج والصقر يا مراد
مراد:هاقتلها يا صقر هقتلها وادامك وهتشوفي أن الشيطان لا بيخاف ولا بيرحم وسابها ومشي

استووووووووووووووووووووووووووووووب
البارت خلص
يا جماعه فرحتوني اووي بتفاعلكم علي الفصل امبارح ودا هديه متواضعه مني ليكم وان شاء الله هكتب كمان بارت بعد الفطار

يا رب تكون الأحداث مشوقه
☘ صابرين كامل الدويب ☘