صلوا علي من جلس علي ركبتيه يواسي طفلا مات عصفوره
###################################
#حُب_وكبرياء ♥
يوم السبت اللي فات في حلقة القرآن ، صاحبتي سألتني : هو ممكن فعلا نقابل ناس زي اصحاب القصص !؟
قولتلها بيقين : اكيد جدا بإذن الله المهم حسن الظن ، وردت صاحبتنا التالته ان الرسول قال الخير في امتي الى يوم القيامه ، ف اكيد في شباب في قلوبها #خير ....
وقبل م الشيطان يتمكن من عقلي انا كمان ، كانت القِصه دي وصلتني ، ووصلني منها #الرساله والامان ♥
&&&&&&&&
كالعاده 🙈 #هاشتاج باقي القصص 👇
#قصص_واقعيه_لهدير_ابراهيم ❤❤❤*********************************
من اسوأ الشخصيات اللي ممكن تقابلوها ف الدنيا هو الشخص المغرور اللي شايف نفسه #مثالي ومفيش حد زيه ..
انا كنت الشخص دا ، كنت شايف نفسي اكتر م مثالي كمان ..
شاب متخرج من كليه م اعلى الكليات في مصر واللي مش بسهوله شخص ممكن يدخلها ، مركز اجتماعي عالي جدا ،وفوق كل دا شايف نفسي شخص وسيم جدا ودمي خفيف – ع الرغم ان بشهادة اللي حواليا عمر م الضحكه عرفت طريقها ليا – وفوق كل دا ودا اخلاقي عاليه جدا ومتدين جدا جدا – متسألنيش ايه دخل التدين م الاعراب هنا وسط كل دول – بس اللي هو شايف نفسي ف كل حاجه انا رقم 1 وبس ،
يعني كنت شايف نفسي بإختصار اني حققت معادله صعبه ، وبالتالي لما حان وقت اني افكر ف ارتباط كانت مواصفات البنت اللي هرتبط بيها اكتر م #خياليه بشويتين تلاته ...
اكتر شخص كان هيتجنن مني هي #والدتي ، ابويا كان بيرفض يتدخل ليا ف اي مشروع زواج لانه كان شايف اني هاجبله الشتيمه 😃 وبسببي بيخسر علاقته الطيبه مع الناس ..
انا في الحقيقه كنت انسان بشع جدا #مشوه نفسيًا ، مش عارف ايه اللي وصلني لكل دا ، مفيش بنت اتقدمت لخطبتها الا وكنت بتكِرِه قبل م اخرج م البيت ، كنت عامل مواصفات قياسيه للجمال وكنت ببقى مجهز #اختبار ف ورقه بأسئله دينيه ، انا كنت فوق الاوڤر ، دا انا كنت ببقى مخصص لكل سؤال درجه وكنت محدد درجه صغرى ودرجه عُظمى ، تقوليش واحد من الصحابه رايح يجوز 😂
اتشهرت بين العائلات المقربه منا وبقيت عالمي ، لدرجة اني بقيت اترفض لمجرد سماع اسمي بس ..
ومش دي المشكله ، اللي كان هيجنن اهلي وكل الناس ان مفيش حد لا في عيلتي ولا م المقربين متدين ، اشمعنى مخصص اسئله للتدين بالذات ومش اي اسئله دي اسئلة من نوعيه ممكن تجلط اي حد ، انا فاكر اني مره سألت بنت عن ابن القيم الجوزي قالتلي ان اخرها الجوز اللي بيتاكل وبس 😃
علشان كدا كان الكل بيقول عني اني هقع تحت ايد بنت هتطلع عليا القديم والجديد كله وقد كان واتكعبلت فيها ✋
بنت غيرت كل حاجه ف تفكيري وبدون اي مجهود منها ، علاقتي معاها من البدايه كانت عجيبه جدا وكانت بتكرهني كُره عمى حرفيًا ، لكن من اول يوم شوفتها وقلبي بدأ يتعلق بيها جدا لأنها اول بنت تخليني اضحك من قلبي ، مش بس م اول مره عرفتها لا ولحد يومنا هذا مفيش مخلوق ع وجه الارض بيقدر يتحكم ف ضحكي ويخرج الضحك من اعماق قلبي زيها ... !
والبدايه كانت عكس كل دا وكانت خناااااااااااق 😁
معرفتي بيها كانت في وقت أمي وكل اللي حواليا يأسوا م اني ممكن اتجوز ، اولا مجرد م حد هيسأل عني ويعرف اللي عملته في بنات الناس هترفض ، وفوق كل دا انا مش موافق ابدا اني انزل اي صفه م المواصفات اللي محددها للبنت ،
وفي يوم لقيت والدتي بتقولي انها لقيتلي عروسه وربنا يستر وميسألوش عنّي ، سألتها مين هي البنت وعرفتها ازاي ومواصفاتها وهل هي م الناس اللي نعرفها او لا ؟
قالتلي انها خارج دايرة المعارف تماما ودا اللي مخليها مرتاحه شويه ، وقالتلي ان العمر بيمر عليا وانا بعقدها ع نفسي اكتر بالمواصفات اللي طالبها دا غير الاسئله المستفزه اللي بسألها ، ف طلبت مني اني افكر المره دي بعقلانيه اكتر ، ويليه كلام الأمهات اللي م نوعية دا انا نفسي افرح بيك قبل م اموت ، دا انا نفسي اشيل ولادك واخدهم ف حضني قبل م اقابل وجه كريم – والدتي كانت يأست خلاص مني –
وافقت وحان وقت اللقاء ✋ واتهدت اول صفه عندي وهي ان البنت طلعت من بيئه متوسطه نوعًا ما ، ولما حبيت اعترض سمعت م امي جملتين التثبيت اللي فوق 😐 كملت ومجرد م دخلنا بيت البنت شطبت ع الصفه اللي بعدها وهي ان البيت بتاعها كان واضح انه غير ملتزم – ونسيت ان انا اهلي اصلا مفيش حد فيهم ملتزم وفعليا ولا حتى انا –
قولت هعصر ع نفسي لمونه لحد م اخلص الرؤيه دي وانفد بجلدي ، شويه ودخلت البنت وبدخلتها حسيت ان موانع واكتر م حاجز بيتهد جوايا ،
انا كنت عارف انها #منتقبه لان دا كان شرطي ، عاوزها جميله ايوه وجدا ، بس جمالها ليا وبس ،
هي كانت داخله من غير النقاب ، من النظره الأولى مقدرتش ابعد نظري عنها ، هي مش جميله اللي هو الجمال المتعارف عليه ، ممكن تكون بالنسبه للبعض مش جميله او جمالها عادي ، بس ف نظرتها حاجه لمست قلبي جدا ، ومش البراءه لأنها للنهارده مفيهاش ريحة البراءه ، بتكون بريئه مع الناس كلها وعليا انا بتقلب حد تاني مش عارف ليه 😂
لما حانت لحظتي وقعدنا مع بعض ، امي قبل م تبعد كانت نظراتها كلها ليا اللي هو ابوس ايدك يا شيخ م تخرجنا م البيت دا بفضيحه 😂
خرجت ورقة الاسئله بتاعتي وامي حرفيا بدأت تلطم وتستعد للكوارث اللي جايه ،
بدأت انا في الكلام وسرد الأسئله وانا كلي يقين وثقه انها مش هتجاوب حتى لو كانت مختلفه عن اللي قبلها واحتلت جزء طفيف م قلبي ،
ومع اول سؤال سألته بدأ قلبي يقع في حبها تدريجيًا وبإنتهاء الاسئله اللي هي بالمناسبه مجاوبتش ع سؤال واحد فيهم حتى كان قلبي اعلن ان هي دي البنت ، مش بس اللي نفسي اكمل معاها ، لا دي كمان اللي اهلي كانوا قالوا عنها قبل كدا – مسيرك هتقع تحت ايد اللي تطلع عليك القديم والجديد كله – وخلاص قابلتها ✋
أنت تقرأ
قصص واقعية (لهدير ابراهيم)
Spiritual^-^ صلوا علي حبيب الله^-^ قصص واقعيه بسرد الاشخاص الحقيقين لهذي القصه اكيد كتير وهو داخل يقراء عارف من هدير وايه هي قصصها قصص منها من يبهرنا ومنها من يجعلنا نحمد الله ومنها من تشعرنا بالسعاده والامل جميهم اشخاص تعلقو بالله لينعمو ^-^صلوا علي حبي...