الي يموت يكطع بنفسه صح غالي وعزيز وماينسي بس بمرور الأيام يبقى مجرد ذكرى قبل سنة توفى باقر واليوم الذكرى السنوية اله اليوم مجبور أحضر العزيمة ابوي حذرني انو اذا ماحضر انو بعد ميحجي وياي ليوم الدين لبست دشداشتي ورحت وياه اني غير اللون الأسود صاير مايعجبني وصلت بيت عمي كاظم آخر همي احجي ويه أحد كل ضني قصتي ويه حور خلصت صح مستحيل تصير لغيري بس هيه ماعادت ذيج الي عشكه كل حياتي حور اليوم آخر همي سنه مشايفه ولا الي نية اشوفه جنت كاعد بالحديقة لأن اكيد عمي طه بالمضيف وعمي الي كال
انته من اليوم لاانته ابن اخوي ولا اعرفك وحتى الشيخة ماعدت الك عمي الي طلك مرتي مني دون رضاي عمي الي طفني من بيته ونكرني عمي اله فضل الكل عليه مو هين يجمعني بيه مكان
جنت كاعد وفاتت من يمي بنيه وماشفته لأن جنت مدنك راسي وكملت طريقه بس ماعرف شصار من مرت من يمي رفعت راسي ماشفته لأن دخلت للبيت شويه واجه سجاد كال
-أسد ادخل للمضيف عمي طه يريدك
-آسف خويه عمك طه ماله أمر عليه اني اجيت لخاطر ابوي لذالك اني ضيف هنانه اديت واجبي وراح أسلم عله جديتي واطلع
ما اعرف عمي شيريد مني بس مو هين الي سواه بيه وشلون الكل وكف ضدي ومحد نصفني وأخذوها مني طبيت الصالة مال بيت عمي جانت مليانة نسوان صح كلهن بناتنه بس اني آخر همي أسلم علا أحد كلت أسلام عليكم ورحت سلمت على جديتي بست رأسه ويده وردت اطلع جان تكول
-شنهي سلامك ثكيل شيخ أسد شنهي مانيتك تحن وتحضن جديتك وتوسد حضنه مثل كبل ولك يمه كلبي ملهوف عليك
-حجية هاي اني كدامج شني القضيه سويته دراما
جنت احجي ويه جديتي وطب شيخ طه الكل وكف الكل اني ردت اطلع كال
-شنهي ماعاجبك تسلم علة شيخك
-لا حشى شيخنه بس الي ادري بيه وسمعته شيخ طه كال المكان البي اوكف ماريد أسد بيه
عمي سكت مارد وإني طلعت من طلعت ابوي وعمي سمعت صوتهم عله بس مرجعت لأن ابوي حقه اني ابنه الوحيد بيوم جنت شيخ العشيرة والكل بالكل واليوم سلام مايرضه شيخ طه يرد عليه طلعت وماعرف شصار بس من أجه ابوي باليل جان وضعه ماعجبني سألته كال عمك يريد يزوج حور هنانه كتلة
-أي بوية شكو بيه بنته ويريد يفرح بيه
ابوي ستغرب أني صعدت أخذت سلاحي وبلحضه غضب ماحسبت حساب هذا التصرف وطلعت البيت عمي اول ما دخلت لا كأني فيصل وكال
-بروح عزاز كلبك اسد ارجع وراسك مصير لغيرك
-وربك اليوم اسويه دمايه والبادي اضلم
عمي طلع على صوتي العالي من شافني رفع تليفونه واتصل عله ابوي وكاله
-خالد ابنك وصلت بيه يهد عليه بسلاحه بديواني بنص بيتي خويه ماكدر ادوسك واسويله شي خويه رد ابنك لا وروح ابوي اني اصرف وياه أسد حسابه ثكل
أنت تقرأ
لو بدله عرس لو جفن هيج عشقنه
Romanceمن قبضت ايده رادت تنكسر ايدها حط عينه بعينه وكال بالطيب بالغصب انتي ملكي رغم الالم رغم عيونه الي تجدح نار كالت بالطيب لا مو كفو تكون ويه حور وانكتب على اسمك وبالغصب لا حشى مو بت الشيخ طه الي تنغصب حلم بعيون الكل اني وانته حالك حال الكل ضغط...
