سلام انا أسمي مجاهد
عمري 22 سنة
و صاحبت لي ناس ما كان مفروض اصاحبهم لانهم ودوني في ستين داهية 😔
مجاهد صلاح محمد
صلاح محمد والد مجاهد
فاطمة احمد والدة مجاهد
مجاهد وحيد عند امو و ابوه و ما مقصرين معاه
عثمان : راجل طيب ما عندو ادوار كتيرة في الرواية بس هو جد احمد
احمد زول سفيه و قليل ادب و بتاع بنات
و قليل حياء
(انا بحكي ليكم قصتي و العبرة منها حاجتين
و هي لازم تعرفوا كيف تختاروا أصحابكم و
الثانية هي ان المواد المخدرة سيئة بصحة
الانسان و بتعرفوا كلامي دا لي قدام)
انا بكتب ليكم كلامي دا لانو انا ملان بالوجع
لانو اقرب الناس لي و صديق عمري و
طفولتي خاني و دمرني و انا هسي ندمان
علي معرفتي ليهو هسة
نبداء الرواية:~
قصتي بدت لما كان عمري 15
لكن البداية الحقيقية كانت لما كنا أطفال في حلتنا
فلاش باك:~
احمد عليك الله ارح نرجع
احمد:و الله ما ارجع الا أشوف الزول دا
حيوصلني وين
(احمد كان حيقلع ليهو قروش من ولد صغير في حلتهم)
كان بيحب يقلع قروش الاولاد عشان يشتري السجار من الدكان الجمبهم
احمد هو ولد منفتح علي الدنيا واصبح متنمر و متوحش نسبة لظروف عيلتو و هو قاعد مع جدو لانو امو و ابوهو منفصلين
مجاهد : عليك الله خليهو زول مسكين ما عندو ذنب
احمد:ياخ انا لي يومين داير لي سجارة و جدي ما بديني قروش
مجاهد:انت اقعد باري لي السجاير لمن تكتلك المهم شال القروش من الولد و مشي ضرب
سيجارتو بي مزاج
بالرغم من صغر سنو هو بشرب سجاير
لكن ما كان بيشربا حرفيا كدة كان بجر الدخان و بنفخو مرة اخري شراب السجار كان بحسسو انو كبير و عندو هيبة و راجل لكن دا ملو غلط في غلط
و دا ناتج عن التفكك الاسري يا التربية غير الصحيحة
و زي ما ذكرنا قبيل انو عائلتو متفككة
و يا جماعة الطلاق ما كويس لانو بضيع الاولاد زي احمد دا 😔
و يا ناس الطلاق (ابغض) الحلال عند الله
يتبع...
