في احشائي شيعيا"

الاخيرررر

#في_أحشائي_شيعيا
بقلم ام مصطفى الحسني
#بارت٨والأخيرررر
سمر😊😊
علي اموت ع ضحكاتج يروحي يالله كومي خن نتغدة جعت واذا تبقين اهناا اكلج
سمر امم لاااااا
يالله خن ناكول جوة
علي 🙄

امم جووعان 💏💏

سمر طب سبح واجى اباوع عليه يارب اني بحلم لو حقيقة واخيراً لكيت انسان يحبني ويقدرني ويخاف ع مشاعري بس السواه اليوم مواشوية ليش بس يضحك بوجهي استسلمله وارضى عنه
علي بوية سمر ليش صافنة
سمر اريد اكولك شي
علي كولي يروحي امري .
سمر اني زعلانة ماشي السويتة اليوم موشوية وأذيتني
علي ههههههه شنو اذكرتي تونة اصالحنة
سمر همم مارضيت اني ماا ما
علي خلص بويه ارجع ارضيج يكللبي 😜
سمر اجة يمي باسني من خدودي انوب اتقرب اكثر💏 كافي علي رضيت ههههههه كافي
علي لا بعدج اني اعرفج بعدج ماراضية
سمر ههههههه وخر والله رضيت نزلنة جوة وضحكتي تارسة وجهي
الحجية كلووووشششش بالخير
علي الله يسلمج يمة
سمر لبست اتراك ماروني وبي اسود مخصر وونزلت شعري كحلت اعيوني وحطيت حمرة سحريةاجيت كعدت يمه ورنا كعدة يم ماما
علي احم شنو هل ملاك
سمر 😊
اعيونك الحلوة حبي
علي اخ فدوة شنو هل عسل
الحجية احم يمة علي
علي بلي حجية كولي
الحجية يمه اشوكت يجي خالها لرنا الخطبها
علي والله ماأعرف خلي اتمر هل ايام
رنا علي اني ماريد عرس وزفه وكذا ماما مصارلها هواي ...
  بس يكطعون مهر
علي انشالله خير اخيتي.اكول سمر
سمر يروحي
علي راح اطلع رايدة شي
سمر سلامتك يقلبي 😊
رحت نضفت البيت وسويت عشة ويا زهراءورنا اساعدنة بالشغل حجتلي قصتها وحرمانها من ابوها وقسوة امهة الله يرحمها انو هية هم مجانت تقبل تتقرب ع والدها وكذا
الحجية يمة سمر تعاي خن احاجيج
سمر كولي يمة
الحجية يمة ماوصيج ابني كبير مو زغير واني بعد مابيه حيل اصبر اريد اشوف بزرته يايمة
سمر انشالله يمة 😶😶
الحجية يمة لاتستحين مني اني امج....
علي السلام عليكم اشبيها ابنيتي خجلانة
وعليكم السلام
الحجية هههه والله يمة جاي اسولفلها اكلها اريد اشوف جهال ابني قبل لاياخذ لله امانته
علي الله يطول بعمرج وتزوجيهم واشوفين احفادهم
سمر امين رب العالمين حضرنة العشة وتعشينة اجى عمو ابو حسن وحسن وبدت النضرات
علي سمر روحي سوينة جاي
سمر ماشي درت وجهي لكيته وراي
علي سمر احنة شحجينه
سمر خير علي شكوو
علي روحي بدلي
سمر علي مابيه حيل ماطب راح اسوي جاي واصعد للغرفة
علي لا روحي بدلي من اصعدين عود البسيه
سمر اوك......
سمر خلصت احلا شهر بحياتي.
وفد يوم من نهاية الشهر والساعة ٨ الصبح اندك الباب
علي خير منو الجاي يدك الباب
سمر طبو زلم للأستقبال والغريب صوتهم مألوف ورة ساعة ضليت بقلق
علي سمر اصعدي البسي عباتج وتعاي اهلج اجو بالأستقبال
سمر علي اشعدهم جايين اني اخاف اتقربت ع علي وختلت بحضنة
علي رفعت وجهة اني وياج ويمج ماشي انتي امريتي واليمسج بكلمة يمسني يعني احسب الله ماخلقة يالله روحي لبسي وتعاي
سمر لبست عباتي وحجاب كامل لكيت علي منتظرني ع الدرج لزمت ايدة وصرت وراة لزمني من جتفي ودارني عليه
علي باعي انتي بريئة واكفي ورفعي راسج ماشي بكل ثقة اني وياج لاتخافين
سمر لزمت ايدة والابتسامة ترست وجهي احس نفسي قوية بعلي هو سندي طبيت وصرنة عين بعين
بابا سمر بنيتي تعاي الحضني يابة
سمر ضليت اباوع كعدت بين عمو ابو حسن الخابرة علي واجة وبين علي باوعت بوجه ابوية ورجعت درت وجهي ع علي
علي سمر مرت ابوج اعترفت بكولشي سوتة بيج قبل لتموت وتطلب منج اسامحيها
ابو حسن بوية سمر انتي الله شاهد بنيتي ومني وبية انتي مرت علي وتدرين علي شكد عزيز اعز من ولدي وادري بيج اشكد اتئذيتي واتهمتي بشرفج والبنت ماعدهة غير شرفها ترفع راسها بيه ولله الحمد نعرفج انتي شنو بس بوية سامحي بعد اتوفت واعترفت بذنبهة وابوج اجة اليوم وعمامج يردونج اسامحيهم
سمر على شنو اسامح ع موت امي بسببة لو ماعندة ثقة بية لو من اتوسل بية وأكلة بابا والله ماأعرف شي يكولي اني بري منج ليوم الدين على شنوو اسامح عمي الأكثر واحد جنت اسولفله همي هو نفسه  الطعني وبكل برود وعافني لنفرض اني متت انتم اتكدرون اسامحون روحكم واني ماأسامح  انتة مسؤؤل امام الله ماوفق ولا اسامح يابابا وياعمي اهناك اريد الله ياخذ حقي من كل واحد طعني بشرفي اني كولشي ماأعرف وتوسلت بيكم وتدرون هند اشكد جانت امئذيتني جايين وبكل بساطه اتريدوني اني اسامحكم يي راح اسماحكم من ذبيتوني بمكبرة وهيمة بنص الليل واني اتوسل بيكم واكولكم اخاف ههههههههههههههههه انت اتبريت مني اشعدنك اجيت .
بابا بنيتي خليج بمكاني والله مابرد كللبي عليج والله جاي اتئلم من داخلي
جبار سمر اني ماراح اكلج سامحيني ولا اكادلج ماغلطان بس اريدج تعرفين شي انتي قطعة مني وتدرين اشكد اتئذة من الكه دمعه بعينج بس شنو انكول اذا انتي الكدامج شفتي بعينج
علي بنيتي الله كريم دعي الأمور ع الله الغفور الرحيم يسامح العبد اذا اخطة
سمر عفوا بس اني سمر مو رب العزة عود اسامح اعذرني علي انتة اغلى شي بحياتي اغلى من كلشي انت ثقيت بيه بيوم اهلي الربوني مثقو بية بس كللبي وعقلي مجاي يتقبلهم اني عندي عائلتي علي وماما وأختي زهراء مامحتاجة اي شخص اتركوني انتم كالتو انتي بالنسبة النه ميته من زمان فاني متت وانتم بالنسبة الية هم متوووو
يزن بنتي احنا ناس عدنة اهم شي شرفنة اني غلطت من ماصدكتج بس بعد غيرتي عمتني يابوية
سمر  😭😭علي اريد اروح بغرفتي
علي روحي بوية
سمر ماراح اسامحكم لا لا لا تعبت تعبت
ماما بنيتي اهدي لاتتوترين ولاتبجين اسكتي
علي بوية سمر  وينج راحو اهلج
سمر شبكته وكمت ابجي احس نفسي تعبت ومن كلشي حتى من انفاسي اتوجع اجه شهر رمضان الكريم وابوية يجي ويروح كمت اسلم عليه بس هاذ ميعني انو اني سامحتهم
علي بوية سمر اني رايح للجامع رايدة شي.
سمر سلامتك يروحي ردلي سالم 😘حضرت الفطور والعصير واليوم سويت برياني ودجاج شوي وماما خبزت واللبن وترتيبات احب ارتب السفرة العلي مع أنو هو مياكل اهواي اكله  قلليل
علي السلام عليكم
الكل وعليكم السلام
الحجية خيرك يمه شو جنك ضايج
علي والله يايمة شريك محمد صديقي تخاربو
الحجية ياا هاذ محلهم البالكرادة
علي يي يمة والله صارت مشاكل كوة حالينهة بقت كم يوم واروح ناخذ الفلوس
سمر حضرت السفرة والأكل كعدت زهراء ورناا...
ورنا طبعا راح ياخذوها بالعيد
علي سمر بوية ليش متاكلين
سمر ماأشتهي نفسيتي مسدودة شربت عصير وكمت كملت صلاتي اجى علي كعد اكبالي دخت حسيت الدنية دارت بيه وعلي صار اثنين وكعت من طولي وبعد ماحسيت بالدنية
علي ابنيتي سمر بوية اشبيج سمر احجي
الحجية والج يمة اشبيج كومي
علي يمة جيبي العبائة خن ناخذهة للمستشفى
سمر صحيت واني بالمستشفى
علي دكتور كولي اشبيها
الدكتور زوجتك حامل مابيها شي
الحجية كللووششششش يمة بالخير كرت عيونكم يمة كللوووووش
علي الحمد لله 😊
مبروك ابنيتي
سمر الله يبارك بيك احس نفسي اول مرة افرح بحياتي رجعت للبيت
زهراء يمة راح اصير عمة
رنا مبروك انشالله يوم التمام
سمر الله يبارك بيج يروحي صعدت فؤك واجى علي وجايب وياا علاكة
علي هاا بنيتي اشلون صرتي
سمر تمام الحمد لله
علي خفت عليج يروحي وكللبي وجعني من شفتج واكعة
سمر اسم الله ع كللبك يروحي
علي يالله ابنيتي اكلي عالمود يصير بيج حيل اشتاقيتلج ليش عايفتني هم
سمر اتقرب من يمي وحسيت بنفسة وحضنة الدافي 💏
اخ وجعتني علي
علي همم شيوي جوعان واريظ اكالج 😜
الحجية يمة سمر
علي طبي حجية
الحجية هاج اكالي شويتالج هاذ اللحم وحطيتلج ملح ع اللبن والكرفس كله اكليه ماشي كلة ينوكل وبعد ماكو صوم عندج ضعف كالت الدكتورة
سمر ماشي ماما اكلت وشربت اللبن وعلي كاعد اكبالي وابتسامته تارسة وجهة
سمر اذا ابنية اسميها ع اسم ماما
علي ههههه ماشي بس كون تطالع تشبه امهة عسل عالمود يصير عندي اثنين عسل
سمر ترة اذا اضل هيج ادللون بيه راح اتعود مو تتغير بعدين
علي هههه الله يخاليج لية وادللج واشبعج دلال ياروحي وبنيتي ياضحكتي انتي روحي
سمر مشة الوقت وبطني كامت تتحرك
علي يمة اليوم وره الفطور راح انروح نزور ونبقة اهناك نتأخر الباجر نجي ورة الفطور هم  علمود انحل المشكله وياخذ افلوسة وتفض المشكله
حجية انشالله يمة خير
سمر حضرت الفطور وياا البنات  وكعدت وعيون علي علية
علي بوية سمر اكلي وديري بالج ع روحج
سمر ☺
انشالله يروحي حضرت اهدومة
علي سمر اليوم راح ابات باجر اجي نامي يم امي اليوم
سمر ماشي بس لا تتأخر ماأتحمل انتة مو يمي
علي لايروحي والله ماأتأخر اكو واحد يعوف روحة 😘
سمر راح علي وراحت روحي ويااا مادري اليوم حيل بطني توجعني واحس مغص عندي
الحجية يمة اشبيج
سمر سلامتج يروحي مابية شي وجع ابطني قليل مغص
الحجية يمة راح افورلج ازهورات
سمر اني كاعدة اجتي الحجية جابتلي ازهورات شربت ونمت اتحلمت جن امي كاعدة يم راسي من اليمنة وعلي من اليسرة ويمسح بطني وامي براسي كعدت من النوم وكللبي يدك حيل 😭😭😭
الحجية خير يمة اشبيج
سمر علي يمة خابريلي علي
سمر الوووو😭😭
علي هاا سمر بوية اشبيج تبجين اسكتي اشبيج
سمر علي ارجعلي فدوة ولله ماأكدر من دونك اموت اتحلمت بيك كاعد وياا ماما اخاف  اتعوفني ارجعلي فدوة
علي ياروحي انتي مابيه شي لاتاخافين خلصنة ورا الضهر نرجع عالمود انضل ع اصيامنة
سمر بس لاتتأخر سمر كللبي ابد مامرتاح خايفة من كلشي وأكثر شي اخاف علية هو علي حضرنة الفطور واني ماصايمة وعلي اتأخر خابرناة كال راح ورة الفطور يجي لان الولد طالع يسوك ومالاكينة
الحجية الووو هاا ابو حسن اشبيك خوية شنووو
سمر شكو يمة كولي اتخربطت الحجيه ولج يمة احجي شالت الموبايل وصاير انفجار بالكرادة واندك ع علي مغلق
لا علي لا يروحي منو الية يكللبي كمت اصيح بعد فقدت اجه ابو الحسن وحسن واخوه والدنية انكللبت بينه وينك علي تعالي والله ماأكدر بدونك تعالي
ابو حسن احنة راح انروح لبغداد عود نشوف جثتة
سمر عموو علي مامات علي ماعافني لاتكول مات فدوة عموو علي كلي ماعوفج كلي راح اجي عمو وبعد ماحسيت بروحي فتحت اعيوني والكيت روحي بالمشتشفى
ابو الحسن بويه حرام عليج انتي حامل ادعيله وين الله وأهل البيت يرجع سالم احنة كلنة احتمال وخلي ايمانج بالله قوي
سمر يا ابو الفضل العباس يادائما تدعي بيك عمتي اني مو منكم شيعية بس ما عندي غيرالله  وغيركم ..الله وعلي ردولياة سالم فدوة 😭😭
رجعت للبيت وعمتي اصلي ورنا تبجي وزهراء تبجي وعمة ام حسن تدعيلة واني احس روحي بغير عالم حطيت حملي عليك يابو فاضل واذا صار عندي ولد اسمي ابو الفضل واذا ابنية اسمهية ع اسم اختك العقيله سمر نمت واني انشغ وابجي ومتانانية خبر اجى ابو الحسن وحسن واخوه وكالو ماكوو بالمستشفيات ولا اله اثر وزاد البجي والم بطني موتتني لبست حجابي وعباتي وحجيت وياا حسن
حسن كولي خوية
سمر اريد اروح للأمام علي
حسن خوية الدنية ليل
سمر اذا مخذتوني اروح وحدي رحنة اني وزهراء وحسن دخلت للامام دخيلك ياعلي ردلي علي والله اذا رجع اصير منكم
😭😭😭
يارد يوسف ليعقوب ردلي علي سالم ماعندي غيرة ردة لو اخذني وياا فدوة بجيت وأحس روحي طلعت وبلاعيمي موتتني من البجي رجعت للبيت فتحت الباب وطبيت والكينه الكل بالأستقبال والبجي زايد احس رجلية بعد مايمشن فدوة وصلني فتحت الباب وشفت علي
علي هاا بنيتي تعاي
سمر احس الدنية صارت سودة بعيوني فتحت اعيوني هاذ علي مهمني الناس الموجودة حضنتة دخيلك ياأمير المؤمنين.
الله والأمام علي والعباس ردوك الية
علي ابنيتي كافي بجي ارتاحي ماكو شي من صار الأنفجر صار ازدحامات وتأخرنة بالكرادة
سمر صبح الصبح وبدت الذبايح ماكلكم ما أنقهرنة ع الراحو واحنة اكثر ناس حسينة بيهم وللحمد لله
سمر شهدت وصرت شيعية بس ماأنسة اصلي احبهم وهمة مني وبيه واجة ابو الفضل وصارت عندي زينب وازوجت رنا وزهراء انخطبت الحسن وماما حجت وسامحت بابا بعد رجعت علي بالسلامة وحالياا اني حامل وفي احشائي شيعياا

الكاتبه أم مصطفى الحسني