انت حلمي

نظرة اولى

#انت_حلمي
حلقة (( 1 ))
للكاتب / محمد مالك
.
قصة حقيقية  في عام 2003
.
.
.

السلام عليكم قصتي باذن الله حتكون خفيفة وجميلة واتمني تكونو تستمعتو بكل حرف وكل لحظة كانكم عايشين معاي

اهلين أسمي ياسمين بنت عمري 17 سنة نقراء شهادة ثانوية من لحظة هادي تنطلق قصتي

ياسمين: اهاا بنروح علي رجليا
مودة: به معا سلامةة يا سمينو
ياسمين: معا سلامة حبيبتي

حطيت شنطتي ع كتفي
عدلت وشاحي

وطلعت من المدرسة كانتت قريبة من حوشنا يعني مش مسافة طويلة

ماشية ودنيا زحمهه ومحلات كان في محل فيه قفاطين عراس وفيلوت كنت نحب لما نخطم من قدامه نوقف نتفرج ع الي معروض برا وكان المرش يعكس ع وجهي كاني اني لبست ونبتسم تلقائي ونقول في خاطري

يااارب اعطيني هالحظة ياارب ويفرحني ويفرح كل بنت نيتها صافية وتبي الحلال

وقفت اتفرجت بس مقدرتش نعطل لان خوي الكبير ايوب طبعهه واعر وكلمته في الحوش متنزلش الارض مهما صار حتا بابا يقتنع بكلامه

وصلت شارعنا هدوء زي كل يوم
قربت من باب حوشنا شفت خوي اكبر مني حتا هوا ويسام

لقيت واحد واقف في فم الباب طويل ابيض لابس نظرات وسروال جينز وسورية بيضاء

وكنت نسمع في ضحكته كانت مميزة ونسمع في صوت خووي يهدرز معاه

ويسام : هههههههه شفته ولاا
حلمي : ايه هرررب هههههههه

اني وصلت لي جنب الباب وقلت : احم ويسام

الولد تحشم حول من جنب الباب ومشي بعيد وقف طلع دخان وولعه

في احساس داخلي غرريب والله

ويسام: جيتي خشي هي
ياسمين: من هوا هاده ؟
ويسام: شن دخلك انتا خشي خيرلك
ياسمين: باهي توا تشوف يا رمضان
ويسام: خشي وسكري فمك

مشي ويسام لي حلمي

ويسام  : هات ولاعة
حلمي دخل ايده في جيبه وطلعها : هاك
ويسام طلع باكو دخان وولع وعطاه ولاعة

حلمي : مني بنت جيرانكم هادي ؟؟
ويسام: هادي اختي الصغيرة
حلمي..طلع دخان من فمه : وين كانت مروحة ع رجليها
ويسام: مدرسةة
حلمي: عيب عليك يا راجل اختك تخليها تمشي ف شارع شن فيها ولع سيارتك وبرا مش حتنقص منك حاجة
ويسام: قريبآ المدرسة وتروح معا صحباتها مش بروحهاا مرات خوي ايوب يروح بيها ولا بوي
حلمي: دير رايك بعدين تصير حاجة تقول ياريت روحت بيها

حلمي رمي الدخان وعفس عليه برجله

حلمي: هي نتلاقو بعدين
ويسام: مية مية وقت المبارة توا تلقاني
حلمي: تمام