#انت_حلمي
حلقة (( 6 )) الأخيرة
للكاتب محمد مالك
.
.
.
.
.
.
.
طلعنا من البوابة
درست سيارة قدامنا ونزل حلمي
انيق وجنتل
اقسم بالله قلبي ينبض بسررعة غريبة ف الحظة هاددي مصدقتش روحي والله 3 سنين مشفتاش وكل ليلة نذكره والله لدرجة كرهت الرجالة كلهم كان كل شئ بالنسبة ليا كانه حلم ومش قادرة نوصله وتوا واقف قدامي
مودة: خيرك وقفتي هياا
ياسمين: لا مودة بعدين حبيبتي هاده حلمي
مودة: هاده حلمي
ياسمين: ايه
قرب منا وان معا كل خطوة ليه قلبي ينبض اكثر واكثر لدرجة ايدي ترعش والله مش خوف هاده كله حب
حلمي..حول النظارة : السلام عليكم
ياسمين: وعليكم السلام
مودة: نمشي نحجز اني توا نجي
مودة هربت وخلتني
ياسمين: شن يا حلمي ؟
حلمي: مفهمتش
ياسمين : شن تبي
حلمي: نشوف الانسانة الي حبيتها
ياسمين: اول مشكلة مشيت طول لي ايطاليا محاولتش انك تخطب ثاني
حلمي: صعب وصلت دوة ان انتي متبيش مش ويسام
ياسمين: علاش رجعت بعد هالسنين تبي توجعني ثاني
حلمي: لا نبي فرصة ثانية
ياسمين..نزلت راسي
حلمي: نحطبتي قصدك ؟
ياسمين: لا
حلمي: متقوليهاش تجوزتي
ياسمين: لا
حلمي: علاش زعلانة ونزلتي راسك ؟
ياسمين: اهلي
حلمي: مش تبي نحارب ع خاطرك اني بنحارب ع خاطرك وانتي حاربي وباذن الله النصيب اقوة من كل شئ
ياسمين...ابتسمت والروح رجعت فيا : حقاا مش حتسيبني ثاني ؟
حلمي...شد ايدي : نوعدك مش حنخليك لنهاية الحياة
ياسمين..ابتسمت
يا ناس الحب مش حلو الحب يعذبك من داخل يقطعك تقطيع مش تستريح وتوصل في الي تحبه 😭💔
حلمي..اعطاني ورقة فيها رقمه : اليوم العيلة بيجو يخطبو ثاني ونبيك اديري مشكلة وتقولي لي عيلتك انهم حيجو
ياسمين: تمام
اتصلت بي ويسام وروحت لي حوشنا وخشيت تغدينا
خشيت المطبخ كان بابا يغسل في ايديه ويسام مقعمز ع طاولة وماما تساوي فالمطبخ
ياسمين: بنقولكم حاجة
بابا سكر المياه: شن قولي
ياسمين: اليوم بيجو يخطبوني
ماما: حقاا مني ؟؟
ياسمين: حلمي واهله
ويسام: شكله متفهميش يا بنت حلمي لا
ياسمين: انتا مدخلكش فيا قرار بابا واني اخترت نكمل حياتي معاه
ويسام..ناض من الكرسي متعصب : كيف مدخليش بيك
ياسمين..دموع ينزلو : هيثم صاحبك يطلع عليا في دوة في الجامعة لحد علمك ويقول بتاع ولاد وانتا لما قال ان حلمي قال دوة عليا صدقته لانك غبي وتصدق في انسان خبيث
ويسام ..رفع ايده بيضربني
بابا...وبصوت عالي : ويساام نزل ايدك
ويسام: اني غبي ؟؟
بابا: اطلع برا مليكش علاقة انتا
ويسام: تي كيف معنديش علاقة
بابا: انهئ الدوة واطلع برا مليكش علاقة اني نقرر اهني
ويسام طلع متعفلق بكل وسمعناه قربع باب الحوش
أنت تقرأ
انت حلمي
عاطفيةقصة حقيقية مكونة من 6 حلقات فقط صارت في ليبيا بتحديد طرابلس عن وقوع فتاة ليبيه بحب صديق خوها شن يصير وشن رائي القدر والنصيب ف الموضوع
