هو ألحب

#البارت الأول

#writer_Ayat_Hussein
هو الحب

أحبّيني.. بلا عقد وضيعي في خطوط يدي أحبّيني..

لأسبوع.. لأيّام.. لساعات.. فلست أنا الذي يهتمّ بالأبد..

أنا تشرين.. شهر الرّيح، والأمطار.. والبرد..

أنا تشرين فانسحقي كصاعقة على جسدي..

أحبّيني.. بكل توحّش التّتر..

بكلّ حرارة الأدغال كلّ شراسة المطر ولا تبقي ولا تذري..

ولا تتحضّري أبداً..

فقد سقطت على شفتيك كل حضارة الحضر أحبّيني..

كزلزال.. كموت غير منتظر..

أحبّيني.. ولا تتساءلي كيفَ..

ولا تتلعثمي خجلاً ولا تتساقطي خوفاً أحبّيني..

بلا شكوى أيشكو الغمد.. إذ يستقبل السيفا؟ وكوني البحر والميناء..

كوني الأرض والمنفى وكوني الصّحو والإعصار كوني اللين والعنفا..

أحبّيني .. بألف وألف أسلوب ولا تتكرّري كالصّيف..

إنّي أكره الصيفا.. أحبّيني ..

وقوليها لأرفض أن تحبّيني بلا صوت

وأرفض أن أواري الحبّ في قبر من الصّمت أحبّيني..

بعيداً عن بلاد القهر والكبت

بعيداً عن مدينتنا التي شبعت من الموت..

بعيدا عن تعصّبها.. بعيدا عن تخشّبها.. أحبّيني..

بعيداً عن مدينتنا التي من يوم أن كانت إليها الحبّ لا يأتي

أحبّيني... ولا تخشي على قدميك

- سيّدتي - من الماء فلن تتعمدي امرأةً

وجسمك خارج الماء

وشعرك خارج الماء أحبّيني..

بطهري.. أو بأخطائي بصحوي..

أو بأنوائي وغطيني..

أيا سقفاً من الأزهار.. يا غابات حنّاء..

واسقطي مطراً على عطشي وصحرائي..

وذوبي في فمي.. كالشمع وانعجني بأجزائي.

بغداد بيت أبو محمد ساعه10 صباحا

كعدت عله صوت المنبه كمت من الفراش و رحت غسلت ونزلت جوه جانت ماما تسوي ريوك وبابا ب الحديقة ومحمد بعده مكاعد الاء ب المدرسة فتت للمطبخ .
: صباح الخير ينبع الحنان.
الأم :هلا يمه صباح النور
:ماما شنو الريوك اليوم تره ميته جوع
الأم : شبيج يمه كاعده مفجوعا
: شبيج خاله عينج عليه هو إني من قهر السادس شداكل متكليلي من غرفه للأستاذ للمدرسة خلصت عمري كله عله هل رنه صارلي 12 سنه أدرس تعبتتت عله هل لكمتين حاطه عينج
الأم : يمه يمه منج شربتيني واكلتيني شحجيت وياج إني تعال تعال أبو محمد شوف بتك داتعيرني بدراسته عبالك دتدرس النه إلي يسمعه يكول مخلصه طب عام .
أبو محمد : ها يأبه شبيجن من الصبح بس تتعاركن .
:صباح الخير باباتي .
أبو محمد: هلا يأبه صباح النور شبيج ويه امج صوتكم الآخر الدنيه.
: بابا والله أمي من الصبح كاعدتلي عل الكلمة وأني طافره روحي من الدراسة .
الأم : لج هو إني لو انتي اخذتيني حاصل فاصل قاطعه بابا ... كافي كافي تتعاركن من الصباحيات حضري الريوك أريد أطلع عندي شغل ساعه 10 ونص .
: يااا أي والله إني عندي محاضره ب 11 .
الأم : روحي كعدي محمد خلي يأكل ويانه.
: ماشي .
خلي أعرفكم عن نفسي إني أسمي جنات من مواليد 2000 عمري 18 سنه طالبة سادس علمي عندي أب حنون وأم ماكو مثله صح نتعارك هوايه بس ناخذهه بشقه يعني، عندي أخ كيوتت عمره 20 سنه مرحله ثانيه ب قسم علم النفس صح هو عصبي بس اني ويا ميانه يعني علاقتنه مو أخ وأخته عبالك أصدقاء، وأختي الاء معلمة انكليزي اني وياها كلش نتشابه عمره 25 سنه. هاي عائلتي اللطيفه 😚
:رحت دكيت الباب عله محمد صاح منوو كتله اني
محمد: فوتي
: هااا حماده صباح الخير وفتحت البرده
محمد : صباح الخيرات
: يله كوم تريك ويانه
محمد: ماشي هسه أغسل واجي
: يمه فدوه لليسمع الكلمه حبيب أختك 😆
محمد : شعندي غيرج اني وكمت بسته من خده احله صباح من تكعدني العنونه مال بيت 😉
: هههههه يله ننتضرك وطلعت من الغرفه
طبعا العنونه يدلعوني بمعنى الصغيرونه بنظر الكل اني العنونه مال بيت وعبالهم بعدني عمري سنتين مدري ليش الكل عبالهم ما أكبر و انو اني أبقى صغيرة سالفه تغث نوعا ما بس مرات استغله الصالحي يعني إذا أريد اطلب شي من أحد شويه اتلوك واسوي حركات البراءة مرات تعبر عليهم ومرات لا ، طبعا كعدنه نتريك وخلصنه ورحت ابدل حته أروح للمحاضرة الأستاذ جوارينه ب نهاية الشارع بيتهم ف اتمشه ويه محمد يوصلني ويروح بس اليوم محمد طلع من وكت كال عنده شغل وملحكت أروح ويا سلمت عله ماما وطلعت فتحت الباب و..........

بيت أيمن الأمس الساعه 11 ليلا

أيمن : اكلك جلال
جلال : أمرني خويه
أيمن : باجر عليه مو تنسه
جلال : اي آي أن شاء ألله
أيمن : كول الجماعتك وأني راح ادزلك خمسه وياكم هم .
جلال : أن شاء ألله ، ساعه بيش نتوكل
أيمن : فد ب 9 طلعو إذا الله راد
جلال : خوش حجي
أيمن : يصير خير أن شاء ألله يصير خير ، إله أخلص العالم من شرهم لو هذه الشي كلفني عمري
جلال :أن شاء ألله خويه لضل تفكر ودوخ راسك روح مدد شويه ريح ..
يله اني اترخص أصعد فوك اخذلي غفه تصبح عله خير
أيمن : وانته من أهل الخير
الأم : بعدك كاعد يمه ؟
أيمن : هلا يام اي والله
الأم : يمه حبيبي لتورط نفسك ويه ذوله العالم ينخاف منهم وليدي ذوله ناس ماكو رحمة بكلوبهم ناس كاتلهم الطمع والجشع كل همهم التسلط والفلوس
أيمن : يام إذا اني أسكت وغيري يسكت لعد منو راح يوكفهم عند حدهم منو راح يخلص العالم من شرهم اني لأجل شنو درست لأجل شنو يوميه اطلع من صباحيات الله للدوام ، وربي الي خلقني ماعوفهم إذا ما ينحكم عليهم إعدام
الأم : يا يمه غير من خوفي عليك اني هيج داحجي والله ما بيه حيل بعد ابوك راح من القهر والتفكير، ليصير بيك شي منو الي بعد اني
أيمن : يام كل واحد مكتوب عله كصته شوكت الله يأخذ أمانته منه والله يرحمه أبويه علمني شون أتعامل ويه هيج عالم والسبع خلي يطخ واحد من اهلي او ولد منطقتي لانعل أبو واخلي يتمنه الموت واسوي عبره للوصخين المثلهم
الأم : الله يحميك وليدي الله يحفظك محروس أن شاء ألله يمه ، والله يابني قليل المثلك هل الأيام الي يفكرون بالعالم وكلبهم ابيض مثلك الله ينطيك عله كد نيتك يله يمه كوم ريح شويه
أيمن : الحمدلله وشكر عله كل حال الله يخليج النه وخيمه فوك روسنه يلغاليه ، يله تصبحين عله خير
الأم : وانته من أهل الخير يمه يحرسك الله ونبي من عمري عله عمرك
أيمن : أسم ألله عليج يمه ، صعدت فوك ومددت عله السرير وتفكير شاغل بالي هلكان تعبان... من مات أبويه ولهذه اليوم اني مشايف الراحه أحس السعادة نعدمت من حياتي بس ما عندي غير كلمه الحمدلله عله كل حال، وراه كل ضيق فرج وان شاء ألله الله يفرجه ، شلت التليفون وضليت أكلب بي و سويت المنبه ونمت وماصحيت إله عله صوت أمي تكعدني ساعه ب 10 الصبح و .........

طبعا أحب أعرفكم عن عائلة أيمن ، أيمن هو الأخ الأكبر عمره 27 سنه طوله 180 وجسمه معضل بشرته حنطيه شعره طويل وعنده لحيه كثيفه اجتماعي وعنده اصدقاء هوايه أبو أيمن اتوفه من جان عمر أيمن 18 سنه وشال مسؤوليه أهله صار الأب والأخ وزوج والابن ومحسسهم بفراكه، جلال اخو ايمن الوسطاني عمره 25 سنه طوله تقريبا 175 وضخم وبي شبه من ايمن أما بالنسبة لحمزه ف هو الأخ الأصغر عمره 19 سنه هم طويل مثل اخوانه

لهنا خلص#البارت الأول
عرفتكم عله الشخصيات المهمه ب الروايه
لكن ستبدأ القصه في البارت التالي ،

أتمنى لكم قراءة ممتعة :)
شاركوني بملاحظاتكم ب التعليقات
أتمنى الدعم منكم
مع خالص حبي writer _Ayat _Hussain#