هو ألحب

#البارت الثالث

#writer _Ayat _Hussein
هو ألحب

إني عشقتك واتخذت قراري.. فلمن أقدم يا ترى أعذاري؟

لا سلطة في الحب تعلو سلطتي فالرأي رأيي والخيار خياري..

هذي أحاسيسي فلا تتدخلي أرجوك بين البحر والبحَّار.

"نزار القباني" *

جنات : فات أيمن ونظراته غريبه
فجأه عم السكوت لساعه تقريبا واحنه ساكتين محسيت عله روحي إله واني راسي عله رجل أيمن وهو يكعد بيه ويهمس جنات .... جنات كومي يله دارجعج الاهلج ، كتله نعسانه شبيك متحس واني غاطه بنوم ، وجان حضنه كلش مريح و دافي ، حسيت عليه وهو يحرك بشعري ومبستم ويكلي الولد يريد يعزل كتله ساعه بيش ؟

أيمن : ساعه ب 10

جنات :ههااا بليل !؟

أيمن : لعد الصبح ، يله كومي بسرعه هسه اهلج ضل بالهم عليج

جنات : اي اي كمت ، يمه سوده عليه هسه أكيد يدورون عليه.
بيني وبين نفسي جنت ما أريد اكعد صح نومة الكرسي تأذي بس يمحلاها بحضنه حسسني بحنان صار كومه محاسه بي ،فاقده هل الإحساس و كأنما اني أعرفه من زمان واني مصارلي ساعات من شفته شنو هل الإحساس يربي؟ ، صحت أيمن ...

أيمن : نعم

جنات : شون نمت

أيمن : والله سألي نفسج 😒
كسرتيني تكول نايمه عله جربايه مو بشر ويحس

جنات : هههههه والله اريح من جربايه بس ليش مكعدتني

أيمن : طبعا انتي شهامج ، انقهرت عليج بس آخر شي شخيرج زعجني وكعدتج

جنات : هااا اني اصلا ماشوخر

أيمن : وانتي شمعرفج انتي نايمه ومتدرين بالدنيه شبيهه ما بيه

جنات : هسه عوفني من الشخير والنوم هذوله الحثاله وين ؟

أيمن : راحو

جنات : شمعرفك

أيمن : لضلين تسألين أمشي دنروح يله بسرعه

جنات : اوكي الي يسمعك يكول كاتله روحي عليك اني أريد أرجع اصلا

أيمن : واضح 😏

جنات : شنو قصدك ؟؟

أيمن : اششش دوختيني أمشي يله طلعي كدامي

يله حبيبي حمودي رايح اني تعبتك اليوم

أحمد : اغاتي الله وياك تدلل انت

أيمن : مع سلامه

أحمد : مع السلامه خويه

جنات : طلعنه من المحل وضليت التفتت وأحس انو أحد ورايه وايمن كبالي يمشي

أيمن : كافي عاد أمشي عدل شلشتيني ماكوو احد كتلج راحو لتوكعين وابتلي بيج

جنات : عادي الزم ايدك ؟ لأن اخاف .... حجيت هيج وكف باوع ومد ايده