{يآخاطفي وين القى عزتي في زمآن المذله}

17

وين الصبــر؟؟
حتى الصبر
في ساعة ( الحاجه ) يخون!! 

يوم المـــلـــكــه 
شهد تغمض عينها : شوق حطي لي لون احمر واسود 
شوق : اوكي بس لاتتحركين عشان مايتلخبط الشغل .. شوق هي اللي تعمل لهم المكياج لانها اخذت دوره تجميل ونجحت فيها 
سمر ماسكه المشط وتكلم شوق : متى تسوين لي شعري 
شوق وهي مركزة على شهد : افتحي شعرك من اللفات واتركيه اخلص من شهد وازبطه لك 
سحر تدخل وتأخذ لفه : ويش رايكم فيني .. انا سويت شعري 
شوق ابتسمت لها : لك مستقبل بالشعر .. بالله شوفي هنادي تلاقينها حايسه زبطيها حطيت لها آي شدو وبتروح تمسحه تقول على طبيعتي احلى 
سحر : بروح اشوفها اخبره تسب ومعصبه 
سمر : بروح معك اكيد بتحتاجين مساعده مع المفترسه 

بعد ساعتين .. وصلت ريم وجهزوها وبعد صلاة العشاء اتجهوا مع عمهم وجلالي للاستراحه حقت ابو سيف اللي مخصصه للمناسبات والأعياد .. بعد ماوصلوا دخلوا الغرفه المخصصه لريم ..من الباب الخلفي 
رغد تعبانه جلست على الكرسي : اوف تكسر ظهري بالمشغل وانا واقفه .. برتاح شوي 

ريم متوتره : شوق شوق بالله اعطيني المانيكير ابي أمكر اظافيري

سحر برواقه : هدي روحك ياقلبي من الحين ترتجفين .. اقراء المعوذات وأيه الكرسي وانا بزبط اظافيرك حتى رجولك بحط لها 
ريم تأخذ نفس طويل وتذكرت : اووف شهدوه بالله كلمي المصوره أكدي عليها 
شهد وبحضنها مشاري تلعبه : لاتخافين كلمتها واحنا بالبيت وتقول .."تقلدها ".. حاضر حاضر دي العوسه ريم ان شاء الله من بدري حكون عندها 
شوق طلعت صندوق خشبي لامع ونازل منه لولو ابيض وموف غامق وداخله ورد طبيعي وردي وابيض وموف ..وحطته على الطاوله الزجاجيه الفخمه .. ورتبت الطاوله وحطت المبخره الفضيه اللي اشترتها هديه لريم وجنبها طقم الصينيه وكاسة عصير متوسطه الحجم نفس المبخره ومصاص شفاف عليه فيونكه موف وحطت الصندوق جنبه 
رغد : خليه ياشوق انا اكمل الطاوله لازم احط تحتها ورد وريش وخرابيط من تأليف سحر .. هيه انتي اتركي اللي بيدك وتعالي ساعديني 
هنادي : ترى بخرب كل شي انا بطلع اشوف الامور واتطمن على كل شي واجي 
سمر : خوذيني معاك 
هنادي تشيك على شعرها وشكلها : تكفون حلو شكلي والا باين اني بويه 
ريم طالعتها بتفحص : اخص حاطه ميك آب .. حركآآت توي أنتبهت 
هنادي متحطمه مره : شكلي جيكره 
ريم : اقسم لك تهبلين اول مره احسك بنت تهبلين 
سمر تسحب هنادي من يدها بقوه : يالله يالله نطلع نشوف أهل سيف أفندي 
سحر بتهديد : بدون مشاكل سامعات .. اعرفكم تعشقون المشاكل 
هنادي تقرص سمر وبصوت واحد : أبد بنمشي جنب الحيط .. وطلعوا برى وخلوهم يكملون 
اشغالهم وتجهيزاتهم .. 
مشوا بالممر وكان فاضي مره .. لكن عاجبهم تصميم الاستراحه فخامه وستايل كلاسيكي يجنن 
مشوا بالممر تبع غرفة ريم وشافوا مرايه وأطرافها زخرفه بالذهبي وجنبها جره ذهبيه كأنها نافوره بسيطه .. وطاوله زجاجيه عليها باقة ورد طبيعي .. كملوا طريقهم وطلعوا على صالة الاستقبال .. وكانت كبيره شوي وفيها كراسي على جنب .. ودرج جانبي وعليه ستاره وباب بالوسط قبله ثلاث درجات وهي الصاله الاساسيه 
سمر بلقافه : خلينا نروح نشوف 
هنادي تحمست : يالله .. وهم ماشين سمعوا صوت وراهم 
...: مين أنــتـــم ؟!.
سمر وهنادي لفوا بسرعه .. وهم يشوفون بنت لابسه تنوره قصيره لنص الفخذ رمادي فيها كاروهات احمر وأبيض وحزام احمر وبدي حبل احمر وفيه خطوط خفيفه بالرمادي وسلسال طويل وجنب رقبتها ورده رمادي .. وشعرها قصير ناعم وشكله عشوائي بس لايق عليها وكانت في قمة الأناقه والنعومه 
هنادي : احنا اخوات ريم 
ساميه : أهـــا اخواتها .. ياهلا والله 
سمر : هلا فيك .. بس انتي مين 
ساميه بغرور : انا ساميه اخت سيف وأصغر العنقود 
هنادي تدق سمر على جنبها وابتسمت بمجامله : ياهلا وغلا تشرفنا .. انا هنادي وهذي سمر 
ساميه تقزهم من فوق لتحت وهي تشوف ملابسهم ( وي هذول اخواتها .. مبين عليهم بنات فقر حتى لبسهم مايعرفون ينسقون الالوان .. قرويات )
ساميه بنظرات استحقار : عن أذنكم .. ولفت 
هنادي تمد لسانه وانقهرت منها : تفضلي .. وسحبت سمر واخذتها للمرايا 
هنادي تشوف شكلها بالمرايا وتلف على الجنبين : بالله فينا شي غلط .. والا ماعجبنا الست ساميه 
سمر : ماعليك فيها غيرانه هذي شفتي عيونها كيف شوي تأكلنا