السلام عليكم
البارت 5
تلاحكت روحي وطلعت بس طاحت وصله على أيدي وحركتها وطلعت من البيت والناس ملتمه
وسجاد وهيثم واكفين وضعيه تفرج
الطمت صحت راح عمي راح ابويييي ويلي ياربيييييييي
اجت الطفاء
وطفو البيت بس بعديش طلعووووو عمي فحم وعمتي ماضال شي بيها بس هيكل عظمي
هنا سودت الدنيا بعيني واغمه عليه وفتحت عيوني ضوء ابيض ساطع بعدين كشفت اني بمستشفى 🏥
اجه دكتور وفحص الحاله وكال
دكتور الحمد لله على السلامة بنتي
زينب بصوت مبحوح الله يسلمك دكتور شنو الي صار
دكتور لا تخافين كله نهيار عصبي والحمد لله نجيتي منه
زينب بصوت كوة يطلع ياريت متت
دكتور أذكري الله بنتي مو زين ماصارت جلطه بس ربج كاتب عليج تعيشين وتنجحين شديد حيلج بنتي
زينب هزت راسي بمعنى اي
وبعدها غمضت كعدت بغرفة غير الي جنت بيها وساجده مرت سجاد يمي
ساجده ها كعدتي الحمد لله على السلامة عيني 😡بس من وره خشمها
زينب مابيها حيل خل اطيكم صورة عن مرت ابن عمي ساجده
وحده غيوره وتستنكف كثير ماتحبني ولا طيقني مدري ليش مجعوصه مني 😂بس غير أني ماحجي
واجت دكتورة وسئلتها ساجده
ساجده هاا دكتوره شوكت نطلع
دكتورة لا الحمد لله زينه تكدرون طلعوها باي وقت
ساجده خابرت سجاد واجه وطلعنه وصلنه البيت صاير عباره عن قطعه سوده وطلعنه البيت سجاد دخلت وتلكتني نسوان صريخ ونياحه وأنه مو بوضع يسمح انوح كعدت بروح خاويه وكلب مفجوع خطرت بالي حنين وين ماشوفهه ادور بلوجوه واسمع الصياح كب يبووووووو ماله يبووووووو واسمعت اسمي فرزنت الصوت والكلمات
اويلي عليج خاله زينب الله لا ينطي السواها يبووووووو وصار ميدان الطم
ركزت بالمرة الي اجت تصيح بسمي
سبحان الخالق امي واكفه كبالي بقيت مصفصفه واكفه صنم بعد
البارت 6
كعدن ينعن وإني فقدت صوتها حنينننننن كلششششش
فقدت تذكرت حادث أهلي وبيت عمي الي ربيت بي
وإني صار صوت بسمه وصوت بالكاع الطم وصريخ كلها سكتت
شالي طاح مالكيت اله شعري اطلع الحركه بي واملخ بشعري
وكعت اسمع بس مابيه احجي
المرة الي تشبه امي كامت تصيح بتمن هيه ردت مرت هيثم ريحانة ها بت اختج خاله بهذا الوقت اعرفت هاي خالتي شبيهت امي صحيت وحدي بلغرفه وكم مرة كاعده يمي
بقيت اضرب صفنات ودموعي نسيل يعني عندي خاله واليوم اجت
طبعاً من توفت امي خوالي رادو ياخذوني يمهم بس عمامي تمسكو بيه وصارت طلايب وخوالي كالولي اذا بنت اختنه صار عليها شي دفعون الثمن غالي طبعاً خوالي الله مكنهم وعدهم فلوس خير من ألله
واجت هاي خالتي وبجت يم راسي
خالتي اسمها زهرة
زهرة خاله زينب ولج لوعتي (وجعتي )كلبي
زينب خاله اني عايشه عليش كلبي متلوع
زهرة خابرونه وكالو تعالو بتكم راح تموت واحنه دخلنه إنذار واحد صار مآ يشوف دربه الآن احنه كلنه اذا صار عليج شي
نحرك الدنيا على روسهم احنه عاداتنه وتقاليد البصره مو هينه وخوالج عايشين وإني مبهذله
ياخوان حسيت بالفخر الكوني أمتلك خوال
زهرة وصارت طلايب وكلنه بس تصحين ناخذج ويانه وهناك تشوفن حياتج يبعد هلي
زينب خاله انتم اليوم وصلتو ليش هل تعب ريحي كلبج قضاء وقدر
زهرة خاله انتي تدرين شكد صارلج بالمستشفى
زينب باستغراب يوم واحد قابل شكثر
زهرة بعد خالتج صارلج سبوع بالمستشفى وايسنه منج بس ربج راف بحالج ورجعتي النه
زينب كبل كامت سبوعععععع اني صار سبوع بالمستشفى تحجين صدك
زهرة اجذب عليج يمه
زينب والدهشة على وجهه لا حشاج
خالتي زهرة يمه شرايج روح باجر الخوالج
زينب خاله اني تعبانه أجلي الموضوع البعدين
زهرة بغضب خوش بعد يومين وجي اخذج فهمتي يبت اختي
ومشت عصبيه
)))((((((()))((
فرغ البيت من النسوان بس مرت سجاد وهيثم
اجت مرت سجاد
ساجده اي عيني شوكت تروحين الخوالج
ريحانة ساجده عيب شنو هل حجي
زينب لا كولي كملي
ساجده غصبن عليج أكمل فهمتي لو اني مكانج اطم روحي بالكاع
زينب اليش يمه شسويت حتى اطم روحي بالكاع
ريحانة ساجده الله يخليج كافي زينب مابيها حيل الها الأمور
زينب رفعت ايدها لا ريحانة خل تكول شنو القصه
ساجده والحقد يطاير من عيونها عيني ست الحسن
بت عمج حنونه خانم شردت وأي واحد وهيه كتلت أهلها لأن عارضو
زينب. .......
يتبع
أنت تقرأ
احببتك رغم المصاعب
Fiction généraleتتكلم عن فتاة عانت الأمر بسبب بنت عمها وبعد معانات تجد من يئويها بعد مآ فقدت كل شيء تابعو القصه فيها مواقف مشوقه #الراويه زينب علي
