ﻗﺼﺔ ﻣﺸﺎﺭﻛﺔ ﻣﻦ ﺻﺪﻳﻖ ﺍﻟﺼﻔﺤﺔ Ahmad Albraieky
ﻛﺎﻥ ﻳﺎ ﻣﺎ ﻛﺎﻥ ﺍﻳﺎﻡ ﺍﻻﺳﻮﺍﻕ ﺍﻟﻘﺪﻳﻤﻪ ﻭﺍﻟﻨﺎﺱ ﺍﻟﻄﻴﺒﻪ _ ﺟﻲ ﺭﺍﺟﻞ ﻣﻦ ﺳﺒﻬﺎ ﺟﺎﻳﺐ ﻗﺎﻓﻠﻪ ﺗﻤﺮ ﺑﻴﺒﻴﻌﻪ ﻓﻲ ﻃﺮﺍﺑﻠﺲ _ ﺧﺶ ﻟﻠﺴﻮﻕ ﻗﺎﻟﻠﻬﻢ ﻋﻨﺪﻱ ﺗﻤﺮ ﻣﻦ ﻓﺰﺍﻥ _ ﻧﺒﻲ ﻧﺒﻴﻌﻪ ﻗﺎﻟﻮﻟﻪ ﺑﺮﻩ ﻟﺪﻻﻝ ﺍﻟﺘﻤﺮ ( ﺍﻟﺪﻻﻝ ) ﺑﺎﺋﻊ ﺍﻟﺠﻤﻠﻪ _ ﻭﺍﻟﺪﻻﻝ ﺍﺳﻤﻪ ﻓﻼﻥ ﺍﻟﻔﻼﻧﻲ ﺑﺮﻩ ﻋﻄﻴﻪ ﺑﻀﺎﻋﺘﻚ ﺍﻟﻴﻮﻡ ﻏﺪﻭﻩ ﻳﺒﻴﻌﻬﺎﻟﻚ _ ﻣﺸﻲ ﻗﻌﺪ ﻳﺴﺎﻝ ﻓﻲ ﺍﻟﺴﻮﻕ ﻋﻦ ﻓﻼﻥ _ ﻻﻗﺎﻩ ﻭﺍﺣﺪ ﻗﺎﻟﻪ ﺍﻧﻲ ﻓﻼﻥ _ ﻗﺎﻟﻲ ﻋﻨﺪﻱ ﻛﺬﺍ ﻭﻛﺬﺍ ﺑﻨﺒﻴﻌﻪ ﻗﺎﻟﻲ ﺧﻠﻲ ﺍﻟﺒﻀﺎﻋﻪ ﻏﺪﻭﻩ ﺗﻌﺎﻟﻰ _ ﺧﻠﻰ ﺍﻟﺒﻀﺎﻋﻪ ﻭﺭﺟﻊ ﻏﺪﻭﻩ ﻣﻌﺎﺩﺵ ﻟﻘﺎﻩ ﻣﺸﻲ ﺳﺎﻝ ﻋﻦ ﻓﻼﻥ ﻗﺎﻟﻮﻟﻪ ﻫﻮﻳﻨﺎ ﺩﻛﺎﻛﻴﻨﻪ ﻭﻣﺨﺰﻧﻪ _ ﻃﻠﻊ ﺍﻟﺮﺍﺟﻞ ﺍﻻﻭﻝ ﻧﺼﺎﺏ ﻭﻣﺶ ﻫﻮ ﺍﻟﺪﻻﻝ ﺍﻟﺤﻘﺎﻧﻲ _ _ ﻣﺸﻲ ﻟﻠﺮﺍﺟﻞ ﺍﻟﺤﻘﺎﻧﻲ ﻗﺎﻟﻪ ﺍﻧﻲ ﺻﺎﺭﻟﻲ ﻛﺬﺍ ﻭﻛﺬﺍ ﻗﺎﻟﻪ ﻫﺬﺍ
ﻧﺼﺐ ﻋﻠﻴﻚ ﻭﺗﻮﺍ ﻧﺤﺎﻭﻟﻮ ﻛﻴﻒ ﻧﻠﻘﻮﻩ ﻭﻻ ﻧﺪﻳﺮﻭﻟﻚ ﺣﻞ _ ﺑﺮﻩ ﺍﺳﻜﻦ ﻣﻊ ﺟﺎﺭﻱ ﺍﻟﺠﺰﺍﺭ ﻫﺬﺍ _ ﻟﻴﻦ ﺭﺑﻲ ﻳﺴﻬﻞ _ ﻣﺸﻲ ﺳﻜﻦ ﻣﻊ ﺍﻟﺠﺰﺍﺭ _ ﻭﺍﻟﺠﺰﺍﺭ ﺷﺎﻙ ﻓﻴﻪ ﺑﻴﻨﻪ ﻭﺑﻴﻦ ﻧﻔﺴﻪ ﻳﻘﻮﻝ ﻫﺬﺍ ﻻ ﻋﻨﺪﻩ ﺗﻤﺮ ﻻ ﺷﻲ ﺟﺎﻱ ﻳﺒﻠﻌﻂ ﻋﻠﻴﻨﺎ _ ﻛﻞ ﻳﻮﻡ ﻳﺨﺶ ﻋﻠﻴﻪ ﺑﺼﻔﺮﻩ ﺍﻟﻐﺪﻱ ﻭﺍﻟﻌﺸﻲ _ ﻳﺎﻛﻞ ﻣﻌﺎﻩ ﻭﻳﻘﻮﻝ ( ﺑﺮﻩ ﻳﺎ ﻋﻴﺶ ﻭﻳﻦ ﻣﺎ ﺗﻼﻗﻴﺶ _!!!( ﻭﺍﻟﻀﻴﻒ ﻣﺎ ﻳﺮﺩﺵ ﻋﻠﻴﻪ _ ﺑﻌﺪ ﺗﻼﺗﻪ ﺍﻳﺎﻡ ﻣﺎﻟﻘﻮﺵ ﺍﻟﻠﻲ ﻧﺼﺐ ﻋﻠﻴﻪ ﻋﻄﻮﻩ ﻣﺼﺮﻭﻑ ﻭﺭﻭﺡ ﻟﻠﺴﺒﻬﺎ _ ﺩﺍﺭﺕ ﺍﻻﻳﺎﻡ ﻭ ﺍﻟﺴﻨﻴﻦ _ ﻣﺸﻲ ﺍﻟﺠﺰﺍﺭ ﻟﺴﺒﻬﺎ ﺑﻴﺸﺮﻱ ﺍﺑﻞ ﻭﻏﻨﻢ _ ﻋﻄﺎﻫﻢ ﻟﻠﺠﺰﺍﺭ ﻣﻦ ﺳﺒﻬﺎ ﻭﺑﻌﺪﻳﻦ ﺟﺰﺍﺭ ﻣﺘﻊ ﺳﺒﻬﺎ ﻧﻜﺮ _ ﻗﺎﻟﻪ ﻣﺎ ﻋﻄﻴﺘﻨﻲ ﺷﻲ ﻭﻣﺎﻋﻨﺪﻙ ﻋﻨﺪﻱ ﺷﻲ _ ﻣﺸﻲ ﻟﻠﺠﺎﻣﻊ ﺻﻠﻰ ﺍﻟﻌﺼﺮ ﻭﻗﻌﺪ ﻣﺘﻐﺸﺶ ﻭﻳﺨﻤﻢ ﺟﺎﻩ ﻭﺍﺣﺪ ﻗﺎﻟﻪ ﻻﺑﺎﺱ؟ ﻗﺎﻟﻪ ﺟﺎﻱ ﺑﻨﺸﺮﻱ ﻏﻨﻢ ﻭﺍﺑﻞ ﺿﺤﻜﻮ ﻋﻠﻴﺎ ﻗﺎﻟﻪ ﺗﻌﺮﻓﻪ ﺻﺎﺣﺒﻚ؟ ﻗﺎﻟﻪ ﻧﻌﺮﻓﻪ ﻃﻠﻌﻮ ﻣﻦ ﺍﻟﺠﺎﻣﻊ ﻭﺭﺍﻫﻮﻟﻪ ﻗﺎﻟﻪ ﻫﺬﺍﻛﺎ ﺍﻟﻠﻲ ﻗﺪﺍﻡ ﺍﻟﻤﺤﻞ _ ﻗﺎﻟﻪ ﺧﻼﺹ ﺭﻭﺡ ﻣﻌﺎﻱ ﻭﺍﻧﺸﺎﻟﻠﻪ ﻧﺪﻳﺮﻭ ﺣﻞ _ ﺭﻭﺡ ﻣﻌﺎﻩ ﻭﺍﻟﺼﺒﺢ ﻣﺸﻲ ﺍﻟﺮﺍﺟﻞ ﻻﺻﺤﺎﺏ ﺍﻟﻤﺤﻼﺕ ﻗﺎﻟﻠﻬﻢ ﺭﺍﻫﻮ ﻓﻴﻪ ﻭﺍﺣﺪ ﻧﺎﺻﺐ ﻋﻠﻴﻪ ﺍﻟﺠﺰﺍﺭ ﻭﺍﻟﻠﻲ ﺑﻨﻘﻮﻟﻪ ﻟﻠﺠﺰﺍﺭ ﺍﺷﻬﺪﻭ ﻋﻠﻴﻪ ﻛﻠﻜﻢ ﻗﺎﻟﻮﻟﻪ ﺍﻧﺸﺎﻟﻠﻪ _ ﻟﻤﺎ ﺟﻲ ﺍﻟﺠﺰﺍﺭ ﻓﺘﺢ ﻣﺤﻠﻪ ﺭﺟﻊ ﺍﻟﺮﺍﺟﻞ ﻟﻘﻲ ﺍﺻﺤﺎﺏ ﺍﻟﻤﺤﻼﺕ ﻣﻘﻌﻤﺰﻳﻦ ﻳﺪﻳﺮﻭ ﻓﻲ ﺷﺎﻫﻲ _ ﺳﻠﻢ ﻋﻠﻴﻬﻢ ﻭﺳﻠﻢ ﻋﺎﻟﺠﺰﺍﺭﻭ ﻗﺎﻟﻪ ﺑﻘﺪﺍﺵ ﺭﺍﺱ ﺍﻟﻌﺠﻞ؟ ﻗﺎﻟﻪ ﺑﻜﺪﺍ ﻭﻗﺪﺍﺵ ﺭﺍﻱ ﺍﻟﻘﻌﻮﺩ؟ ﻗﺎﻟﻪ ﺑﻜﺪﺍ ﻭﻗﺎﻟﻪ ﺑﻘﺪﺍﺵ ﺭﺍﺳﻚ ﺍﻧﺖ؟ ﻗﺎﻟﻪ ﺑﻘﺮﺷﻴﻦ _ ﻗﺎﻟﻪ ﺑﻌﺖ ﻗﺎﻟﻪ ﺑﻌﺖ _ ﺭﺟﻊ ﻓﻲ ﺍﻟﻌﺸﻴﻪ ﻋﻄﺎﻩ ﻗﺮﺷﻴﻦ ﻭﻗﺎﻟﻪ ﺑﻨﻘﺼﻠﻚ ﺭﺍﺳﻚ _ ﻗﻌﺪ ﻳﻀﺤﻚ ؟ ﻗﺎﻟﻪ ﻋﻼﺵ ﺗﻀﺤﻚ ﺷﻦ ﻧﺒﺼﺮﻭ ﺣﻨﻲ؟ ﻣﺶ ﺑﻌﺘﻠﻲ ﺭﺍﺳﻚ ﺑﻜﺮﻱ ﺑﻘﺮﺷﻴﻦ؟ ﺿﺒﺢ ﻋﻠﻰ ﺟﻴﺮﺍﻧﻪ ﺍﺻﺤﺎﺏ ﺍﻟﻤﺤﻼﺕ ﻗﺎﻟﻠﻬﻢ ﺍﺷﻬﺪﻭ ﻣﺶ ﺑﺎﻋﻠﻲ ﺭﺍﺳﻪ؟ ﻗﺎﻟﻮﻟﻪ ﻧﺸﻬﺪﻭ ﻗﺎﻟﻠﻬﻢ ﺍﺭﺑﻄﻮﻩ ﺑﻨﻘﺺ ﺭﺍﺳﻪ !!! ﺭﺑﻄﻮﻩ ﻭﻗﻌﺪ ﺍﻟﺠﺰﺍﺭ ﻳﺒﻜﻲ ﺍﻧﻲ ﻧﺤﺴﺎﺑﻚ ﺗﺒﺼﺮ ﻣﺎﻧﺤﺴﺎﺑﺶ ﺑﺘﺸﺮﻱ ﺭﺍﺳﻲ ﺑﺎﻟﺤﻖ _ ﻗﺎﻟﻪ ﻧﻌﻔﻲ ﻋﻠﻴﻚ ﺑﺸﺮﻁ ﻭﺍﺣﺪ _ ﺗﺮﺩ ﺍﻣﺎﻧﻪ ﻓﻼﻥ ﺍﻟﻔﻼﻧﻲ ﻗﺎﻟﻪ ﺧﻼﺹ ﻓﻠﻮﺳﻪ ﻋﻨﺪﻱ _ ﻋﻄﺎﻩ ﺍﻻﻣﺎﻧﻪ ﻭﺭﺟﻊ ﺑﻴﻬﺎ ﻟﺼﺎﺣﺒﻬﺎ ﻗﺎﻟﻪ ﻋﺪ ﻓﻠﻮﺳﻚ ﺑﻌﺪ ﻣﺎ ﻋﺪﻫﻢ ﻗﺎﻟﻪ ﻋﺮﻓﺘﻨﻲ ؟ ﻗﺎﻟﻪ ﻻ؟ ﻗﺎﻟﻪ ﻣﺎ ﺗﺘﺬﻛﺮﺵ ﻓﻲ ﻭﺍﺣﺪ ﻗﻌﺪ ﻋﻨﺪﻙ ﺯﻣﺎﻥ ﻭﺗﻘﻮﻟﻪ ﺑﺮﻩ ﻳﺎ ﻋﻴﺶ ﻭﻳﻦ ﻣﺎ ﺗﻼﻗﻴﺶ؟
منقول
