Clandestine

Kapitulo I

"I've been watching you for some time

Can't stop staring at those ocean eyes

Burning cities and napalm skies

Fifteen flares inside those ocean eyes

Your ocean eyes"

Sinandal ko ang ulo ko sa puno at tinitigan ang mga alitaptap na lumilipad. Kumurba ang labi ko nang may lumapag sa ilong ko. Umalis ito nang bahagya akong gumalaw.

Nilakasan ko pa ang volume ng kanta ko para damhin ang mahinahong boses ni Billie.

"No fair

You really know how to make me cry
When you give me those ocean eyes

I'm scared

I've never fallen from quite this high

Falling into your ocean eyes

Those ocean eyes"

Napapikit ako nang tumama ang hangin sa balat ko. Hinawi ko ang kulay abo kong buhok na nagulo dahil sa hangin.

"Arcelia...."

Agad akong napadilat at nilibot ang paningin. Mabilis kong pinatay ang tugtog ko. Kumabog ang dibdib ko nang wala akong makitang ni isang anino sa madilim na paligid. Tanging ilaw lang na nanggagaling sa alitaptap at liwanag ng buwan ang nakakapagpailaw sa paligid.

"Sino 'yan?"

Sinubukan kong patatagin ang sarili ko kahit may umuusbong ng takot ang nararamdaman ko. Sinulyapan ko ang relo ko.

11:50 pm

Nakarinig ako ng kaluskos sa may kanang bahagi ko na medyo malapit sa akin. Napaatras ako nang narinig na naman ang kaluskos. Dinampot ko ang isang medyo makapal na tangkay at dahan dahang tumayo. Unti unti kong nilapitan ang palumpong kung saan nanggagaling ang kaluskos. Nahigit ko ang hininga ko nang isang kakaibang hayop ang lumabas.