ضيف جديد في منزلي 😢موقفة مؤقتا😢

الحلقة 13

عند هناء
نضت صباح نلقى روحي في طونوبيل متعجونة و بحدايا شهاب راقد
يوووي حتى هو راقد بوقوص يقتل ماشي كيما حالتي نوض تقولي زومبي قعدت نتأمل فيه من بعد حطيت يدي على يحتو نتحسس فيها خشينة تهبل
و انا نمس فيها نشوف في سيرفات كيفاش ضيق على شهوبة و عضلاتو راح تمزق بدلته هنا شيطان وسوسلي و حطيت يدي على صدرو و هبطها على كرشو نتحسس في عضلاتو و شاردة في صلابتها لنقفز على صوت
شهاب: خير عجبك حال و انت تمسي فيا !!؟

هناء: حشمت و تلبكت و مقدرت تهدر والوا

شهاب: لاتكوني معول تغتضبيني و انا راقد ( و ضم صدرو بيدو كيما يعملو) نخاف على شرفي انت شريرة ماعندكش خوك تخافي عليه 😂

هناء: يووي تافه تقتل علبالك تعي

شهاب: عبالي انا انسان تافه و بوقوص

هناء: و اخيرا اعترفت انك تافه

شهاب: و بوقوص متنسيش

هناء: تعي عبالك 😑😑 مي واش نديرو دروك

شهاب: ممم ساهلة نمشو نفركتو على واحد يعونا ولا يدير لخير و يوصلنا لدار

هناء: هيا بيا عزيزي

خرجت هناء و شهاب يمشو يفركتو على واحد يعونهم بعد ما فرغت طنوبيل تاعهم من البنزيل
هما يمشو لقو مراة تبان في ربعين
راحولها يجرو يطلبو مساعدة

تشوكتة خليدة( لمراة) كي شافتهم و هذا امر طبيعي خاصتا انو هناء لابسا بيجاما على شكل دبدوب وردي
هناء: طاطا عونينا

خليدة : خير بنتي مالكي

هناء نزخر لشهاب و قالت: طاطا
عونينا فرغت بنزيل تاع طنوبيل ديالي انا و راجلي بارح في ليل

تشوكا شهاب من هدرتها راجلي!!

خليدة: واش ماخرجك بنتي في ليل و سمحلي مي شكلك ما يطمنش تبانلي هاربة

شهاب جاتو ضحك علاجال صح تبان هاربة ب بيجاما هديك و شعرها لطالع في سماء

هناء: لالا طاطا كيما قتلك انا و راجلي خرجنا بارح ( و حضنت دراع شهاب بزوج يدين) باه ناكل راني بلكرش و كنت نتوحم

خليدة : اااا بنتي فهمتك واش راح نقلك ارواحو اقعدو في داري شويا ما بين ما يجي وليدي زينو( في خاطر زينو تع ولاد لحلال) يروح بيكم

فرحت هناء علاجال كذبة تاعها فاتت على سيدة .
خليدة: تبعوني نديكم لدار هي صح صغيرة مي قيسي قيس ولدي