ضيف جديد في منزلي 😢موقفة مؤقتا😢

الحلقة 12

~~~هناء~~~
كنت نحكي مع شهاب و ما نفيق بيه غير يبوس فيا جاتلي صدمة مقدرتش نتحرك تجمدت في بلاصتي و هو قاعد لا حشم لا سيدي زكري يبوس كي تقطع لينا نفس بعد عليا
نكذب على روحي كان نقول حشمت
نن مي تشوكيت  جتلي صدمة
متوقعتش يجي نهار و واحد
يبوسني 😂
مهم رمكبني في طونوبيل و قلعنا و طول طريق و الصمت سيد مكان 
مهم بعد مدة زمنية وصلنا
لدار هبطت نجري طلعت لشومبرتي
و قعدت نخمم في بوسة
علاه دارها زعما !؟
من بعد نتفكر صحن تع بوفي
و نتفكر لكبابل تع صحاباتي
مزالهم يرهجو
جاتلي دمعة
كان ماشي لبغل تع شهاب راني
دروك ناكل و ميت بالسعادة 😭
مهم
ب

دلت قشي بعد عناء مع لاغوب لبست بيجاما مريحة و هبط لتحت نحوس على واش ناكل مزالني جعانة
ملقيت والوا وليت علي سعيد
رحت لمسيو
هناء بعد ما طبطب باب دخلت
هناء: جعانة😭

شهاب: واش راح ندرلك روحي كولي

هناء: ملقيتش خاجة نكلها

شهاب: وانا واش دخلني بيك

هناء: شوف اميسو كان ماشي انت لقلبتهالنا ثور في حفلة راني دروك ناكل
لاباس عليا اذن تحمل نتيجة اخطائك و روح جبلي حاجة نكلها

شهاب: 😒 انا غالط لمنعتك من حلاب هذاك نوغمالمو تقوليلي شكرا

هناء: نشكرك علاجال حرمتني من بوفي ولا نشكرك علاجال سرقتلي قبلتي اولا

شهاب حشم و قلها: سم...

مخلتهوش يكمل هدرتو قتلو : نورمال متطلبش سماح
اعتبرها ان تعادلنا دروك 😸

شهاب: على طونوبيل

هناء: نن هذاك انتقام و انا بعمري ما نرجع على انتقامي ولا نطلب سماح فيه 😈

شهاب: 😱 واش درتي غير خير ان شاء الله

هناء: اصبر هنا دقيقة .

~~~عند شهاب~~~

بعد بوسة ركبتها في طونوبيل و مهدرت والوا سنيتها تهدر والوا وصلنا لدار دخلت شومبرتي دوشت و قعدت نخمم في واش درت و علاه درتها
و انا نخمم دخلت عليا
افة اجتماعية لابس بيجاما جاتها كيوت
مي من تحل فمها الظرافة و جمال كل يسقط
كانت تطلب في ماكلة
راني حاير فيها طفلة هذي
ربي عطاها طول زرافة و لسان زرزومية
مي سكتني كي هدرت على بوسة حسيت
بندم و عرفت روحي درت حاجة غالطة وليت جيت راح نطلب سماح
لتشوكني طفلة تقلي رانا متعادلين
دارت زبلة اخرى ربي تسطر

كانت قدامي و فجأة طلعت تجري و انا متشوكي
لترجع بعد دقائق و في يدها كارت مانتيك
مدتهالي تحيرت في لول من بعد نتبث نلقاها تاعي 😠