متشردات من نوع راقي(روايه سعوديه)

البارت 9

البارت9 بعنوان افضل ((افضل اللحظات تحولت لأسوء اللحظات))

بعد ما قالت تولين كل اللي صار
كيان بخوف:يعني قتلتيه؟
تولين منزله راسها وبهدوء:ايه قتلته
كيان بصراخ:كيف تقولي كذا بسهوله انتي عارفه ايش معنى قتلتيه يعني سلبتي روح يا تولين تعرفي انك صرتي قااتله
ريفان صرخت على كيان:اسكتي لا اصفقك ترا لو كانت هربت وبس كان بيعمل اللي ما يعتمل في البنت
كيان بصراخ:بس هي قتلته تستوعبي انها قتلته
ريفان طنشتها ومسكت تولين من كتفها:تولين اسمعيني انتي مو غلطانه انتي ابدا مو غلطانه هو مجرم وانتي دافعتي عن البنت وعن نفسك كمان لان لو كنتي ما سويتي شي كان بيقتلك دام انتي شفتي ايش سوا يعني قانونيا هذا دفاع عن النفس من الدرجه الثالثه وما يتعاقب عليه
كيان بخوف وقلق:بس كمان ما كان لازم تقتله
ريفان دفتها بغضب:انتي انطمي
تولين تناظر الارض وشعرها مغطي وجهها قالت بهدوء:لا...
ريفان التفتت لتولين:ها؟!
تولين: لا هي صادقه انا اللي قتلته على الرغم انه ما كان ضروري  اقتله بس انا قتلته انا غرزت اصابعي بعنقه لين حسيت اني مسكت حنجرته انا كسرت راسه وهشمت انفه انا اللي كسرت رجله انا خليت المكان بركه دمه  انا اللي ضحكت وفرحت وانا اقتل انا اللي فكرت انه....
رفعت راسها وبنظرات بارده وابتسامه استمتاع صغيره:انه شي ممتع ..ان القتل شي ممتع

توسعت عيونهن بصدمه وكان البرق نزل عليهن

كيان رجعت خطوه ورا وبهمس وخوف:مستحيل!؟
وريفان عجزت تفتح فمها من نظراتها!؟
نظراتها باارده خاليه من المشاعر
ابتسامتها الشيطانيه خلت أرجل البنات تجمدت
ريفان تحس ريقها نشف تحس ان الهواء ماعد صار يكفي رئتيها
تثاقلت انفاسها ورجعت خطوة لورا
كيف!؟
كيف تكون هذي تولين اللي نعرفها ؟!
متاكده ؟!
متاكده ان هذي مو تولين؟!
 مستحيل ابدا تكون تولين ؟!
بس كيف ؟!
كيييف!؟
كيان ركضت مسكت تولين من قميصها وصرخت في وجهها بغضب:تولييين مجنووونه انا متاكده انك مجنونه تولين ايش صاير معك ليش صرتي كذا ليييييش
تولين ببرود:ولا صار شي الحين تقدري تتحركي من فوقي
كيان صرخت:تولييين جاوبيني ايش صار عليك هذي اكيد مو انتي اكيد مو انتييي
تولين بوجه خالي من المشاعر مسكت يد كيان وفكتها من قميصها ودفتها بخفه وقالت من دون اي تعابير:هكذا انا اذا عجبك تقبلي ما عجبك اجل مو شغلي
ريفان مشت لعند تولين ورفعت يدها وعطتها كف خلاها تلف وجهها للجهه الثانيه
ريفان بصراخ:كيف تقدري تقولي كذا كيف تقدري تقولي كذا بدون اهتمام ايش اللي غيرك في دقايق ها قولي لي ايييش كيف تقدري تكوني بهذي الانانيه تقولي تراهات من دون ما تشرحي حتى ومن دون ما تهتمي
تولين رجعت راسها لامام ريفان ببرود ولا كان شي صار ورفعت يدها وعطت ريفان كف
ريفان خرج من فمها نفس غير مصدق ولفت وجهها لتولين بصدمه

تولين بإبتسامه صغيره:وحده ب وحده
ريفان بصراخ:ايش من وحده بوحده وكيف جاوبيني اشرحي لي ليش صرتي كذا ليش صرتي بهذي الانانيه
تولين ببرود:اذا كنت انا مثل ما انا  هذي وال#$&% مشكلتي مو مشكلتك
كيان بصراخ:تولين واللي خلقك شصاير معاك
تولين طنشتها وطلعت دخلت الغرفه وقفلت
سندت ظهرها للباب وهنا ظهر نفس الظل اللي ظهر لها من قبل
الظل بضحكه خبث:واخيرا بديتي تسمعي كلامي
تولين بحده:انا ما سمعت كلامك انا سويت اللي علي عشان احميهن منك
الظل بخبث:تحميهن مني وانا هي انتي يعني بالاصح تحميهن من نفسك
تولين نزلت راسها وما ردت لانه كل اللي قالت صحيح
الظل ضحكت بخبث ضحكه طويله وقالت:ههه شكلنا بنستمتع هههههه
وتلاشى الظل كانه ما كان موجود من الاساس
تولين دخلت الحمام تبع الغرفه ورفعت يدها وكسرت المرايا
ابتسمت وهي تشوف يدها والزجاج داخلها والدم تناثر على الارض والمرايا
تولين بابتسامه: لازم اعاقب نفسي حتى لو كان هذا عقاب ما يسوى شي من الي سويته
__________________________________