يزن pov
" جلمود ه...هو شخ ..ص ج.. جدييد ظهر بح ..بحياتي
ا ...اتمنى ....انك ..تحفظة .. يا ..يارب ..لي"
' كان يزن يدعي من كل قلبه رغم ان جلمود شخص جديد على يزن وهو وهم وماهو حقيقه بس يزن حس بأمان قربه وحسه صديق بالنسبه له حس انه هو الوحيد اللي يسمعه'
دخل سالم على يزن بهدوء بدون ما يلاحظ يزن ان الباب انفتح وضل يطل من الباب
شاف يزن جامع يدينه مع بعض بشكل ترجي وتوسل ومغمض عيونه وواضح انه يدعي
وهذا زاد تأنيب ضمير سالم لانه كان يتهمه بكل اغلاط الحياه بس هو يحب ربه و مؤمن
حس سالم بعيونه تحرقه ووده يبكي من الندم ف طق الباب و يزن فك يدينه ورجع لوضعيته
' دخل سالم وعيونه حمراء بس ما بكى '
خاف يزن من سالم ونسى كلام جلمود ان سالم بيتغير وبدا يرتجف بس يوم شاف دموع سالم اللي طاحت وصوت شهقاته اللي بداء يتعالى خلاه يخاف على سالم
سالم جثى على الارض وبدا يصيح بحرقه على اللي كان يسويه مع روح بريئه و نقيه لمده 4 سنوات كيف طاوعه قلبه ان يعذب طفل
نزل يزن من سريره بصعوبه و قرب من سالم و سأل بصوت منخفض وخايف شوي
يزن : اق......اقدر ..ا ..ا اضمك ... ؟
نط سالم على يزن وضمه وكأنه يبي يكفر عن الذنب اللي سواه فيه وبداء يصيح بقوه ودموعه ملت ملابس يزن اللي كانت عباره عن لبس المستشفى الازرق
سالم : سامحني سااامحني وربك اسف على اللي سويته فيك انا غلطت تكفى تكفى سامحني يزن
يزن بصوت لطيف وهادي : م م مازعلت علي.... عليك اصلا ....ا ..ادري ان ..في ...د. د داخلك ان انسان ...زي الورده ...البيضا ...لح لحظه ...تفتحها ...
سالم زاد حضنه مع يزن وكان يزن يطبطب على ظهر سالم ويهديه بكلمات طيبه وحنونه اليين وقف سالم عن البكى
فك سالم من حضن يزن و كان وجهه احمر وانفه احمر من الصياح ، ابتسم يزن بوجه سالم
يزن : ع..عندي ..لك ه.. هديه .....تق تقدر تا ..تاخذها؟
سالم : اكييد ، وشي ؟؟
يزن راح للدرج حقة و طلع ورقه و بدا يطويها اللين طلع شكل هندسي للبطه و خذ ورقة ثانيه و طواها اللين صار شكلها معين و كتب عليها بالقلم حرف S و قلب صغنون وورده و اخذ ورقه صغيره وكتب فيها كم شي و حطها بينهم وراح لسالم ومدها له وابتسم بلطف
سالم انحرج من كمية البرائه الموجودة بيزن وكيف هو طيب و حنون وقلبه ابيض وصافي زي السما و البحر
سالم : وربي بأحتفظ فيها بقلبي وانها الطف هديه جتني الى يومك هذا
يزن : ش..شك شكرا ...ا اتمنى ..ب ..بعدين ... تت ... تتذكرني ..فيها
