قدرك افجع قلبي

بارت٨

#قدرك_افجع_قلبي

#بارت_8

#بقلمي_سارة_المجيد

مساء الخير احبتي وعظم الله اجورنا اجوركم بمصاب امير المؤمنين علي عليه السلام
🍀🌾🍀🌾🍀🌾🍀🌾🍀🌾🍀🌾

امي بس كالت احمد اني رجلي كمت ما احس بيهن كاعدت بلكاع وكتلها يمه فدوه اشبي كالت ولج احمد استشهد !!!!!!!

اريج 😨😨
هنا حسيت اختل عقلي راساً عطت وفقدت حسيت كلهم يم راسي ويصحوني والله عبالي حلم كمت دحجت عليهم الكل تبجي اهنا اتكدت وكمت املخ بروحي وادك والطم واعيط جريت الجبه والشال وطلعت ركض للشارع مثل المخبلة ماحسة بالدنيا ..

امي واختي ورايه يركضون كمت اعيط اكولهم والله مايموت ولكم احمد عايش شبيكم امي تلزم بيه اخذنه سياره وراحنه لبيت عمي ..

اول ماوصلت طبيت بيت عمي وشفت مرت عمي اتصيح ولج راح ابني اشوف الاستقبال واني محظرتو اليوم عيد ميلادو وراح يجيني ..

وبالاخير يجي خبر ان احمد استشهد راسا وكعت ع رجلي بلكاع واصيح فدوه عمه والله اني لحد الفجر احجي وياه اشلون مات والله هو كالي ماعوفج ويحبني لحد اخر لحضه بعمرو ...

وكمت املخ بنفسي واعيط والطم ع وجهي خليتو قطعة من دم واكولو يعني هاي اخرتك ياحمد تعوفني ولك طك كلبي ولك شكد كتلك عوف الجيش .

جنت تعاندني شلون كلبك طاوعك وعفتني شلون عفت حبيبتك اريج ولك فهمني بقيت ادك والطم ويزلمني البنات وافقد وارجع بس اصيح وابجي بنت عمي تبجي واتصيح

ندى ..حضنت اريج وكمت اواسيها ع فجعة كلبها وكلبنه ...ولج راح اخويه اريج ولج راح حبيبج اريج راح عزوتنه

اريج ..مابقه بيه حيل حسيتو انهد بخبر احمد اسمع عمتي اتصيح من صفحه واتدك وتلطم واتشكك بملابسها وهاي كلو ولحد هسه هما ما جابو احمد التمت العالم كلها..

وبنات عمامي وخوالي وبنات خالتو والله اهنا بس بالي اكول يطلع جذب احمد مايموت ولحد مصار الضهر وجابو الجنازه واني واكفه ابجي وعيني ع الشارع ..

لحد ماشفتو لفت السياره علينه وعليه نعش احمد ملفوف بعلم واني هنا جمدت حسيت انشليت اريد اروح يبست بمكاني ..

وجان اسحل روحي سحل وطلعت ركض للشارع وعطت عيطه خليت الي بالعزاء كلهن يطلعن ركض ورايه وماهتميت للزلم لان والله جنت بحاله بس الله يعلم بيها ..

همه نزلو الجنازة واني نمت ع التابوت وملخت نفسي وعمتي مو اقل مني وخواتو وامي اختي اتريد تلزمني ..

كمت اضرب بيها واكولها عوفيني
لحد يلزمني ترا احرك روحي خلوني اشمو واحضنو اخر مرة ولكم هذا حبيبي ولكم هذا رجلي الي ماتهنيت بي عوفوني