معتقل مابعد الخطيئه 🍒
الكاتبه زينب الموسوي
البارت 14
هلو گايز 😘 تصويت وتفاعل بل القصه فديتكم 🙈
حيدر: رجعت للمحل اشتريته الهه ورجعت يله نمشي
مريم: شفت علاكه بيده ما حجيت كتله اي يله
وصلنه للبيت دخلنه وحيدر انطاني العلاكه كالي
شوفي شجبتلج اخذتهه منه لكيته جايبلي النفنوف الردته متت علي هناك بس كلت خطيه هواي صرفنه
وما اخذته فرحت كلشش كمزت على. حيدر وحضنته
حيدر: شفتهه شلون فرحانه بل الفستان انوب اجت عليه وحضنتني انصدمت منهه 😳
مريم: وره شويه حسيت على. نفسي عززززه حاضنته وخرت عنه بسرعه
ومن كد ما استحيت فلتت م̷ـــِْن الغرفه ما بقيت گباله واكفه رحت
اركض وكلبي يدك بسرعه ووجهي اباوع بلمرايه احمر دم اويلي عل
الخجلانه 👐😂 گبر حته گبر هم سوايه هاي شبيج حضنتي الرجال
تكول ما شايفه لبس والمسكين ضل صافن بيه لٱ ياخذ ولا يطي يوووو
شگد فشله گدرت النفنوف طلع فيت عليه نزعته ولبست دشداشه لون وردي
فاتح بيهه دباديب حلـِۈۋوھّ ومرتبه عليه
حيدر: من شافت روحهه حاضنتني استحت وفلتت بقيت اضحك عليهه وعلى. تصرفاتهه ولك حيدر لو منزمان جايبلهه النفنوف وهيج تحضنك 😄
مريم: بدلت وطلعت. واني مدنكه اتشكرت من حيدر واباوعله يمزمز كوه لازم روحهه يبوو والله
فشله خررب 😄رحت للمطبخ جان بوكته صايره الساعه ب 3 الضهر حسيت بلعبان نفس مو
طبيعي استفرغت كل الي موجود بمعتي اتذكرت روحي اكل بلسمج
اوووع شلون اكلته راحت روحي عيوني ورمن م̷ـــِْن كد ما اتقيئت اجاني حيدر
حيدر: شبيج مريم خاف اتسممتي بسرعه البسي خل اخذج للمستشفى
مريم: لٱ ما يحتاج هسه شويه ارتاح اصير زينه
حيدر : كومي كتلج شوفي وجهج اصفر كركم صار كوه تحجين يله
خمس دقايق اروح اشغل السياره الكاج جاهزه
مريم: ما بدلت بقيت بدشداشتي لفيت الشال شلون ما جان ولبست
عباتي ورحت وي حيدر جان يمشي بلمستشفى ولازم ايدي اتفاجئت
واستحيت م̷ـــِْن حركته بس حبيتهه وحسيت بي مهتم بيه. قاسو ضغطي كالو هابط كلش والدكتوره
كالت وجهج اصفر ناخذ تحليل دم نشوفج اباوعلهه تحجي وياي وعيونهه على. حيدر احتركت روحي
كمت اخزر بيهه اباوع الحيدر مدنك ما مهتم بيهه. مدري ليش غرت ما ردتهه تباوع علي بعد التحاليل
كالت الدكتوره الي بلمختبر انتضر سَـآعــهْْ
ويطلع نتيجه التحليل بقينه كاعدين اني وحيدر راح جابلي مي بارد شربت
وبقه يفتر ومبين ضايج ومتوتر ويشرب جگاير ينفخ بسرعه وكل
شويه دايسهه جوه حذائه مبين الخوف الي جان بعيونه والاهتمام
حيدر: الدكتوره جانت تحجي وي مريم وتباوع الي انتبهت المريم شلون خزرته وبعدين باوعت الي اني
دنكت يمن فدوه تروحلج العشيره تغار مبينه 😃
خفت عليهه وبقينه منتضرين التحليل اني كلت يمكن
فقر دم لان اكلهه قليل بس لسه مستغرب شلون اكلت سمج مريم صاحو اسم مريم رحت الكتوره
كالت انته شتقرب من مريم كتلهه زوجهه كالت مبروك مرتك حامل جبت التحليل واني مصدوم من الخبر
مريم: بعد الانتضار صاحت اسمي راح حيدر بسرعه جاب التحاليل وباوع الشكله مصدوم شكو يربي
حاجيت حيدر كتله شكو شطلع التحليل
حيدر: مدنك واني ضايج كلتلهه طلعتي حامل
مريم: شهكت واني مصدومه من السمعته واتمنين ابد ما اسمعه 😭💔 اتذكرت اني صارلي هواي ما
جايتني الشهريه وصايره اشتهي اكلات وفواكهه بس ما احجي لحيدر يربي هذا ابن جواد النكس ماريد اسقطه احسن 😭
حيدر : اتخبلتي اكيد انتي شنو تسقطينه روح هذا شنو ذنبه واذا ابو جواد شنو يعني اني اربي وانتي هم
مريم: لااا ماريده تفهم هذا بعدين اذا كبر يصير نسخه مثل ابوو 😭
حيدر: لزمت ايدهه ورحنه للدكتوره كالتلهه انتي حامل والج شهرين ونص عندج فقر دم حاد لازم ابر
انطيج واهتمي باكلج لان انتي هسه شايله روح جواج فكري بي الجنين ضعيف لازم ترتاحين وما تشيلين ثكل
مريم: دكتوره يصير اسقط
الدكتوره وحيدر 😶
حيدر: خزرت مريم اريدهه تسكت اتخبلت
الدكتوره: ماما بيج فقر دم حاد ومناعتج ضعيفه جسمج كلش ضعيف مو مال تسقطين لان اكو خطر
على. حياتح وبعدين حرام بنيتي فكري بل الموضوع
حيدر: بقت مريم مدنكه سجلت النه الدكتور ادويه المريم رحت للصيدليه جبتهن ورحنه للبيت ومريم
ضايجه وتتصفن اني صح ضجت وبل الاول ماردت هذا الشي بس هذا الطفل خطيه وشنو ذنبه يموت
لان ابو غلط اذا ربينا عدل اكيد راح يرفع راسنه
يتبع
ادري البارت كصير بس تعبت ونعسانه 💤😴😴
أنت تقرأ
🔞 معتقل ما بعد الخطيئه 🔞
Teen Fiction🔞🔞🔞🔞🔞🔞🔞🔞🔞🔞🔞 القصه عباره عن اغتصاب فتاة مراهقه القصه جريئه "كن صابراً في كل شيء ، حتى في الوجع ، قل الحمد لله دوماً ، فكم من صدر ضاق ثم برحمة الله اتسع. "❤👌
