🔞 معتقل ما بعد الخطيئه 🔞

بارت 35

في معتقل الخطيئه 🍒

البارت 35 ما قبل الاخير

بقلم الكاتبه زينب الموسوي

رولا:  بعد اسبوع گدرنه نطلع يزن من الخدج وصحته زينه وعلي ذبح ذبيحه

علموده وعزم كل اقربائه واني كدرت اكوم على. حيلي لان طبيعي وما بيه

شي اجت امي بيوم العزيمه جانت كاعده يمي وسمعت بنات يتبسبسن

اعرفهن ذني يصيرن بنات عم علي يحبنه وثنينهن جانن يتنافسن علي

منو الاحسن تاخذه بس علي مجان رايد وحده منهن وصارت القسمه

بيناتنه رحت للمطبخ احضر بل الاستكاين للزلم واجن وكفن يمي

يسولفن ويذبن بسامير وكلام يجرح كلش مثل انو اني بت فگور واجيت

لهذا البيت وكدرت اوكع علي بشباكي وانو اني منحوسه وبسببي ماتت حنان

واتمرضت امه وحالنه انگلب للأسوء بقن يحجن ويحجن اخر شي تعبت

منهن وصحت بيهن كلتلهن كااافي مو عيب عليجن دايسات على. بصاط

رجلي وتاكلن من زاده وتحجن على. مرته وبخصوص موت حنان هذا قضاء

الله وقدره محد يكدر يمنع الواحد من الموت دارن وجوهن ما عجبهن بقن

يهزن بديهن وراحن عني بقيت اشتغل وغصه ابلعومي من وره حجيهن

ضوجني كلش اجه علي ياخذ الجاي مني شافني ضايجه سألني كتله مابيه

شي بس تعبانه من الشغل ما عجبه كلامي وما صدگني اخذ الجاي وبدون ما يحجي شي

علي:  وديت طفل يدخل ليجوه يسولي طريق افوت احجي وي نسوان

عمي ودخلت سلمت عل الكل واباوع لرزان وايمان شلون نار الغيره والحقد

ماليه عيونهن ويباوعن لرولا بعين كرهه ومستصغراتهه

علي:  اريد اگولجن شي واتمنه الكل يسمعني اني اليوم عزمتكم لان مرتي

جابتلي ولد مثل الگمر وطلعت بخير وسلامه وبعدهه مره تعبانه وانفاس

وجاي تخدمجن وما حاجيه ولا كلمه الكلام الزايد وتعيرن بيهه هذا شنو

معناته اني كلامي مو موجهه للكل لا لبعض الناس وهمه يعرفون نفسهم الي

يحجي على. رولا معناتهه يحجي عليه لان هيه عرضي ومرتي

ايمان ورزان:  منو حاجي على. مرتك گول ابن عمي

علي:  مارديت عليهن وطلعت للزلم بلديوان واني بالي كله يم رولا ادري

بيهه ما تحجيلي حته لا اضوج بس اني اعرفهن ذني من يومهن ينگطن سم وما يتغيرن ابد

رولا : بعد ما خلصت العزيمه وخفت العالم اجيت ارضع يزن لان طول

الوقت جان يم امي ترضعه ممات ومو كلش يرغبلهه ويتقبلهه متعلم

على. صدري دخل علي واني جاي ابدل اليزن اريد انيمه دنگ علينه

باس گصتي وباس يزن من خدوده

علي:  الله يساعدج مريتي تعبتي

رولا:  راح كل تعبي هسه

علي : وليدي هم متعب امه

رولا:  لا حباب 😊

علي:  راح اكوم اسبح وانام ما اكدر بعد اشيل روحي من التعب رجليه اتكسرت من الوكفه

رولا:  سوده عليه يعمري بيه ولا بيك الوجع

علي:  اشش لا تحجين هيج مريتي اني رجال واتحمل التعب انتي فراشتي اخاف عليج من نسمه الهوى العابره

رولا:  بعد مرور سنه على. ولادتي اليزن صار عمره سنه وبنفس يوم

عيد ميلاده هم يصادف عيد زواجنه اجه اليه علي وشايل يزن

علي:  حبي اني راح اروح اجيب كيكه علمود الحفله

رولا:  لا عمري ميحتاج اني اسويهه اعرف اسوي كيك وازين من جنت

ابيت اهلي كل ما اضوج اروح اسوي كيك واتفنن بي

علي:  ما اتاخر حبيبتي هذا المحل هنا قريب وهم اخذ يزن وياي شويه يشم هوه

رولا:  انقبض گلبي من كلامه ما اعرف السبب وخفت عليهم ماردتهم يطلعون

گلبي حسني راح يصير شي
لا علاوي فدوه لا تطلع ما مرتاحه الهاي الروحه

علي:  اجيت بستهه من راسهه وخليت راسهه على. صدري لا تخافين يعمري ما يصير شي خلينه نحتفل

رولا:  علي خلي يزن يمي لا تاخذه كلبي ما مرتاح فدوه

علي:  شجاج اليوم رولا كتلج ما اتاخر خمس دقايق واحنه يمج يله ديري بالج على. نفسج

رولا:  بقيت ابجي وحاضنته خايفه عليهم ما اعرف هيج جان احساس ابد مو حلو بوكتهه

علي:  ليش كل هل الدموع يعمري وين رايح اني هو لمحل ابو اسلام

رولا:  لا تتاخر فدوه گلبي ما متطمن لروحتكم

علي:  صار يروحي

رولا:  دير بالك على. يزن شيله زين لا تخلي يمشي وحده خاف يندعم

علي:  ماشي محتاجه شي

رولا:  لا سلامتك

راح علي وبقيت الوب ما اكدر اكعد افتر منا وارجع منا مرت ساعه على.

روحتهم وهوه ما اجه شسالفه هذا وينه المحل ليش اتاخرو يارب ما

صاير بيهم شي
بقت افكار سوده تجي براسي ما اتحملت لبست عباتي ورحت للمحل

شفت الناس ملتمين انقبض گلبي ورجليه كامن يرجفن ما كدرت اوكف

على. حيلي كوه كمت امشي والدموع بلا وعي تنزل على. خدي وصلت يم

الناس وسئلت شكو شصاير كالو الرجال جان يغسل بلمحل مالته وجان

اكو واير مجلوط وطايح بلكاع واتكهرب الرجال ومات وجان يمه

رجال ثاني وطفل زغير هم ماتو ما لحگنه عليهم

..........يتبع