ســجينات الـقـدر 💕
اسمي مريم واني فصلـيه!! //
دائما يسموني العريفه!! بس لان اعرف اقره واكتب ابيت الشيخ..((غركان)) ماعرف ليش سموه غركان يمكن لان غركان ب الدم!! او ب الذنوب الله واعلم
جابوني فصليه لهذا البيت يمكن عمري ٩سنوات ع كولتهم ب الشرع #بالغه..بس ولا احد قابلته يعرف الشرع لو الدين.. جنت بصف الرابع ابتدائي من رجعت من المدرسه اني واختي زينب الي جانت بذاك الوكت(( ثالث متوسط ))يعني اكبر مني ودفعنه ابوي للشيخ غركان بحجه نزاع بين عشيرت ابوي وعشيره غركان ماعرف زوجنه لولده او لا المهم خذونه فصليات وماعرف شنو معناته اصلاً جانت امي ادك وتلطم.. بوكته// واول اسبوع ابيت الشيخ غركان توفت اختي وكالو محمومه وماتت وماعرفت شلون ماتت او خلوني اشوفه لفلفوهه وخذوهه يركضون بس اذكر اخر شي دخل عليه واحد من ولد الشيخ والثاني من بعد محسن الي هوه(مساعد) ومنه طلع يصرخ ماتت!!!!!
اما اني خلوني خدامه لامهم حجيه( فتنه ) وجوه ايده
👎👎👎👎👎👎👎👎👎👎👎👎👎👎👎
امي كلش فقيره..جانت شابه وتعاني من السكر بسبب هبطات العرايگ والمشاكل الي يجيبه ابوي..ابوي يحبنه وعطوف علينه وعدي كومه اخوه بس جان يحب المشاكل والعرايك ويشتريهن مشتره جان الله رازقه ومان عليه بفضله.. بس الانسان من مايحمد ربه تجيه التايهات الماحسبله حساب ع كوله امي.. امي الي ماعرف عنه شي حالياً ماتت لو عاشت؟؟.. ابوي تاب من مشاكله لو بعده يخلي امي تخلف حته يدفعهم فصول!!!!
حاليا افتر ع شبابيك هذا البيت الجبير واقفلهن البيت جبييير بي ٣نسوان يخوطن واني رابعتهن
بعدني افتر واحجيلكم ع نفسي وصلت لحد باب الخشب مال البيت الي كل يوم اشعل يمه شمعه ماعرف هاي طقوس عدي بتالي الليل ضن مني اذا شعلت الشمعه ودعيت يمه اكيد ربي بستجابلي واطلع منا واخلص.. راح تجي((مزنه)) مرت محسن تكعد يمي.. اكيد// الي اجتي لهذا البيت(ناهبه) يعني شردت من اهلهه واجتي ويا(محسن)الابن الاكبر للشيخ غركان لان تحبه وعافت اهلهه وزوجه وكلشي علموده //مزنه يكولون جانت مزوجه مجانت جميله كصيره ونوعا ما متروسه بس عيونه چذابات وواسعات ومن ربهن مكحلات/ مزنه ما مطوله ويا زوجه من حبت محسن وهربت وياه.. اذكر من صارت هوسه وما فضت لحد ما دفعو فصل ملايين وخذو جم بت من هذا البيت بس حته يسكتون اهلهه واهل زوجه// بس للاسف دفعته مزنه بصحته من احتركت بمي حار بليله من ليالي الشته وتشوه معضم جسمه ماعده وجهه يعني اكو حروق بجف الايد ومن غير الي اني مشايفته // ودفعته من محسن كام يعرف عليه نسوان وره اسبوع من هروبهه لبيته وراواهه الظيم مثل ميكولون // وخلفت منه بس بنيه اسمه( فدك) وهاي هيه اجتي
هااا هله
مزنه// هله بيج ولله وين جنتي؟
مريم/ يم الحجيه فتنه
ضحكت ع كيف مزنه ونفخت ع الشمعه
كافي بعد تمنيت ودعيت
ضحكت اني وكتله ولج شنوو قابل عيد ميلاد؟
ونفختيهه لا خليه للصبح
مزنه// ولج الباب خشب لتحركنه مصيبه صابتج يلفصليه وضحكت وخذت بته وراحت
ضليت لوحدي ادعي يارب ويارب وهناك واجه الشيخ وولده
خذيت شمعتي وطفرت // جنه صايره طلابه ويامكثر الطلايب هذا مساعد يحجي ومحسن يصرخ من يحجي ووليد يسكتهم / وحاتم عافهم
عدي وليد وحاتم اهون من مساعد ومحسن ب المشاكل اهون هواي
حاتم شافني من كمت اتختل وانطاني ابتسامته الي متعود عليهه // يكولون هو زوجي هو ازغر مني بسنه حاليا عمري ١٩سنه هو الوحيد الي يدرس بهذا البيت.. شكد اخذ منه كتب اقراهن بس ماعرف ينتبه ع اختفائن او لا.. رحت للغرفه ع السرع ودخلت( حنين ) فزت
حنين بنعاس تفرك عين وعين
ها شبيج وعمه وين جنتي اطفرين بنص الليل كون تكضج الحجيه فتنه اله تسويج طشار
مريم// اشش اش نامي شكعدج؟؟
حنين// غير انتي متخلين الواحد ينام
لفت راسه ونامت وتغطيت ونمت
حنين هاي شخصيه محبوبه ولطيفه وقريبه عليه اكثر من مزنه لان اعمارنه متقاربه مو معناته مزنه موزينه لا ب العكس بس مو من جيلنه..حنين عمرهه ٢٠سنه لا باس بطوله بس ضعيفه دائما النسوان يكولون لعمه فتنه جنتكم المستقبليه ما توكلوهه ؟؟
