سجينه القدر بارت
حاولت اخفف عنه بس مكدرت..ختمت كلامه انو هيه ندمانه رادت تنهزم من ظيم اجتي لظيم من غير نوووع..وانو محسن مو ذاك الرجال الي عرفته مبتسم دوم وراكب سياره عاليه.. عفت كلشي وكتله سوسن شلون بيهه؟
باوعتلي وكالت.....
خليهه شويه ويروح الحزن وتطلع من غرفته...
وهناك وصدك سوسن ع راسنه..
رحبنه بيه وطفرت اجيبله استكان الجاي الي طلبته اجيت بساع حته الحك ع حجيهم بس شافوني تقريت سكتن!!!
اول مره احس لكل واحد بيهم عدهه اسرار!!! اله اني ماعدي سر او شي ضامته وممنوع احد يطلع عليه..او يعرفه..وحنين هم عدهه سر ؟؟ لو لا ؟؟!
هيج جنت اسال نفسي بوكته..واخذتلي صفنه طويله كطعنه علي وكللي العشه عليج مريم
نطيت بساع اشتغل..اليوم مسمعت اصوات ولد الشيخ هواي شعجب!! اكيد بعدهه طلابتهم مستمره..اتمنه يوكعون بطلابه ويتورطون ويا ناس ماتستحي اكثر منهم..حته يحرمون العرايگ والطلايب بعد كلش..."*
$$$$$$$$
الحياه قاسيه هواي ومبيه اي عداله اذا ردنه ندور عليهه
......
انتهه هذا اليوم..واجه يوم جديد
يوم وره يوم واسبوع وشهر..انتهه الشته الي اخذ مني ناس عزاز
اجه الربيع...للاسف اني بعدني حزينه
اباوع للناس الي وياي عايشين ليش ماعيش اني همين ؟؟؟؟
واذب همي وحزني ع الله هو كفيل بكلشي..
جان الجو حلو من طلعت ب الشميسه
اهوووو..هم اذكرتهه خل ادخل للمطبخ احسن من قابلني وليد ونظرته ماعرفت افسرهه من خوفي
معرفت نظره تودد او شنو هاي!!
الصراحه اني اخاف احط عيني بعينه وهاي من محاسن الصدف نلتقي عين بعين..
خل احجيلكم عن وليد..شويه
وليد ثالث ولد من بعد محسن الجبير ومساعد انوب هوه
طويل اسمر مهتم بنفسه واناقته عكس محسن ومساعد
بي ٢٤سنه تقريبا..من اليوم الي ماتت حنين وقتلهه حسيته اكثر واحد شرير بين الاخوه
وحاولت ابد ماصير كباله خوفاً منه
اليوم الي اجتي عيني بعينه حسيت مثل الكهرباء او نتله متصله بكلبي..وصار كلبي يدك دكات خوف او ارتباك كمت اروح منا واجي مناك..رجعلي ب المطبخ..ناوشني چگ المي وبيده كلاص اضطريت اخذهم منه لان اني لوحدي ب المطبخ..اخذتهم ودكات كلبي ازيد..اجتي ايده ع ايدي وكلي لزمي الگلاص عدل لا اموتج ولله وكافي تتراجفين شنو شايفه كبالج وحشش!!!!!!!
من كاله اذكرت حنين ودمهه وشلون لزموني حته اشهد المقتل ذبيت كلشي من ايدي وركضت وكع المي والكلاص انكسر ع الكاع ركض وراي وحبسني بينه وبين باب المطبخ الي يودي لباقي البيت وغرفه
شبيج شنو اشوفيني؟؟؟
وتقرب مني كلش..شنو اشوفيني
نزلت ع ركبي للكاع من الخوف وكتله اشوفك وليد كومني من ايدي حيل
جنت مرعوبه..بس بنفس الوقت ماطلعت اي نفس او صوت جان صوته هو المسموع بس تمنيت احد يطب وينقذني وبنفس الوقت جنت اريد اعرف شيريد حته احسبه عدو او صديق لان اسالته الي
ماعرف شنو يقصد بيهه لازم اله سبب
رجع علي مره لخ وكال
شنو اشوفيني.؟؟.شنو اني بالنسبه الج؟؟؟؟
رديت //وليد..وليد وبس
شالني من خصري ورفعني حيل وبعدني محبوسه بينه وبين الباب
وكال.......
اتمنه اشوفيني مو بس وليد
حبيب 💜
باوعتله..وكتله وخر ونزلني تاذيت
وخر عني بعد ما شمني حييييل..جان نفسه يضرب ع خصلات شعري جان كلامه قريب ع وجهي بس ابد محسيت بنفور منه رغم هو اذاني
من نزلني رحت اركض لغرفه العمه فتنه من الخوف ..ركضت حيل حته وكعت ب عتبه بابهه وفتحته وطبيت عليهه بدون مادكه
وذبيت روحي ب الكاع صرخت علي
شبييييج ولج تركضين دومج
كتله عمه ضنيتج صحتيني..ضربتني بعوجيته طلعت اتاسف..مشاعري ماعرف شنيه
رحت لغرفتي اسال نفسي هذا مخبل لو عاقل شبيه
زين اني شبيه رحت اركض للعمه؟؟
