• مـَن تـرُوح ٱ؏ـيش شلَـون "💓
• وآنـَۂهَ ﺄتنَفـس بِكيفـﮕك "🤦🏻♀🥀
علي: كعدت الساعة 5 شفت غزالي نايمة بحضني بستهة او سحبت نفسي كمت منهة ماريدهة تكعد لبن اعرف نفسي اذا كعدت او شفت عيونهة وهية دكلي لتروح راح اخري الاولي والتالي كمت لبست قميصي وكتبتلهة رسالة ورحت وصيت الحرس عليهة وصلت للبيت
ام علي: هلا يوم وين جنت لا خابرت لا كلت،كلبي مثل النار عليك ادك عليك مغلق
علي: بست ايدهة اسفة يروح علي بس جنت بشغلة ضرورية او تلفوني مابي شحن
ام راح اكتب بس ام للسرعة
ام: او شنو هل شغلة الضرورية
علي: كام ابلع ها يمة
ام ; كول يمة اني منتبهة عليك صالك فترة متغير او تغيب وتنام برة البيت اهواي احجيلي يمة
علي: كعدت بصفهة وكتلهة يمة اني احب
ام: بضحك وضربتة ع جتفة بشقة ايا ملعون او منو هاي الي اخذت كلبك الحجر العمرة ماهوة النسوان وطبحت الضابط علي
علي: بضحك وحجيتلهة كلشي عن غزل
ام: يا سودة علية عليهة وشونهة يمة هسة بعد المصيبة هاي
علي: والله يمة هية تعبانة بس. اتبين انو قوية واني باقي وياهة اريد احسسهة بألمان ماريدهة تبقة خايفة اصير عليهة شي وتعتبر نفسهة ماعدهة احد اني اريد اصيرلهة سند وأمان الهة
ام: عفية عليك يبعد امك واني كلش حبيت اتعرف عليهة
علي : يمة اني عندي هل سبوع خفارة بلحلة انشا الله بس ارجع اخذج وعرفج عليهة
ام: لعد يمة ليش مانسويهة روحت خطبة فد مرة وخليني افرح بيك
علي: يمة نثل متعرفين اهلهة او جدهة مصارلهم هواي من ماتو شلون تريدين اخطبهة او اني هم كتلهة ماقبلت
ام: هم صح يمة المهم انت تحبهة وهية الك بلاول او بلتالي بس يمة اقنعدهة تكمل دراستهة او مابقة شي ويبذي العام الجديد للمدرسة ومثل ماعرفت منك هية شاطرة
علي: اي يمة. اني هم كلت ترجع للدوام وخلي الشهادة اسلاح الهة
ام: اي يمة او ترة مابقة الة شهر ستعجل يمة
علي: حاضر يكلبي بست ايدهة يمة اني صاعد اسبح وبدل حتة اتوكل
ام: يمة ماسويلك اكل
علي: والله اذا من اديج ماكول لا
ام ' تدلل يروح امك اسبح او كمل وتعال تلكة الاكل حاضر
علي: تسلمين يروحي صعدت سبحت او بدلت ونزلت لكيت امي محضرتلي الاكل اتريكت او،سلمت عليهة او ع ابوية او طلعت الساعة ب 6 او نص وصلت ب 8 نزلت وسلمت ع الضباط وكعدنة نسولف،شوي وجان غزل ادك علية جاوبت بس تناشغ او تبجي كلبي وكف خفت احد مسويلهة شي الف شغلة او شغلة اجت ع بالي شبيج غزل شكو احد أذاج احد سوالج شي احجي
غزل : كعدت وجنت حلمانة حلم مو حلو بعلي كعدت ملكيتة زاد بجي لكيت منة رسالة دكيت علي جاوب واني ابجي بقة يحجي وياي بس ماكدر احجي علي انت وين
علي ; مو كتلج اني رايح خفارة للحلةشبيج غزل
غزل : ليش مكعدتني عفتني نايمة ورحت ها
علي: اني امسح بوجهي اريد اهدة شوي من خبال طفلتي يا روحي انتي شفتج نايمة ماردت اكعدج ياعمري انتي
غزل: بشهكة روح ماريد احجي وياك بعد
علي: اهاا متريدبن تحجين وياي لعد هسة ليش داكة علية
غزل: ردت اكلك. وروح حتة بعد متخابر علية
علي: خههههههه
غزل: اي اضحك اضحك اولي احسن
علي: لحضة لحضة صدك يعني مراح تحجين وياي بعد
غزل: اي لعد اجذب عليك
علي: يعني اني راح اموت
غزل: وجع اسم الله عليك
علي: غير انتي دكولين مراح احجي وياك واني بدون صوتج اموت وخق ربج
غزل : وتمسح دموعهة بضهر اديهة ماريد بعد اجذب علية بهذا الحجي
علي: غزل اني عمري مجذب عليج او مكعتج ادري بيج تبجين واني كلبي مايتحمل ادموعج
غزل: غير اريد اشوفك راح اشتاقلك والله
علي: اوففف يربي ولج لو بيدي مابعد عنج دقيقة بس شسوي
غزل: انت وين هسة
علي: قبل شوي وصلت ونتي شدسوين
غزل: ماكو هسة كعدت بعدني ممقرررة شحسوي
علي: اول شي ترجعين تنامين لين نمتي متأخر موزين عليج ثاني شي تاكلين ثالث شي متوصلين الباب البيت اوكي
غزل: نعم نعم شنو باقية وحدي يمكن اطلع يم صديقاتي لو اشوف فد شي ترة والله اما وحدي
علي: غزل لتعصبيني طلعة ماكو خل صديقاتج يجنج للبيت
غزل: علي شنو شبيك يعني شنو انت تشك بية
علي: او ضاج حيل من كلامهة شد ع شعرة حيل حتة ميطلع عصبيتة بيهة شبيج غزل اني اشك بروحي او ماشك بيج يكلبي انتي بس اني ماحب اطلعين بدوني كون من اطلعين اني وياج وخلي ايدي بيج حتة كلهة اتعرفج انتي الي انتي ملك علي او بس
غزل: ببتسامة اي اي قشمرني بهذا حجيك
علي ; عهههه اوف منج يم السان خليتيني مجنون بعشكج.
غزل: ااحم احم
علي: صحة يكلبي انتي صحة اوك حبيبي مثل مثفقنة طلعة ماكووو اوكي
غزل: اوكي يحضرت الضابط علي
علي: بضحكةة عالية ها ولج شو الضابط علي صار شكد مسامعهة منج
غزل: ضحك بصوت عالي احس روحي طارت الة شكد احبة وحب ضحكتة اي عيني بعد كلة اكولك الضابط علي
علي: لا ماحبهة
غزل: لعد اكولك علي لو الضابط علي
علي : لا هاي ولا هاي
غزل: حيرتني شكلك لعد
علي: حبيبي
غزل: ها
علي: اي حبيبي احبهة بس منج
غزل ; حبيبي
علي: اوفففففف ربي ولج يعيونة الحبيبج
غزل: بضحكة ههه تدري شكد احبك
علي: شكد
غزل : بكد الدنية كلههههههة ونت شكد تحبني
علي: اني حبي الج مالة حدود ابدددددد
غزل ; بخجل اممم هلكد تحبني
علي: او اكثر يروحي
غزل: واني اموت بيك
علي: حبيبي اكولي زين ولطلعين اجانة تنبيه لازم اروح
غزل: حبيبي انتبه ع نفسك
علي: اوكي يكلبي راخ انتبه النفسي. الخاطرج يلة باي حبيبي انتبهي ع نفسج
غزل: باي. يكلبي ونت هم نتبه ع نفسك يروحي
علي: اجانة نداء ضروري وصار لازم اروح وياهم نهيت المكالمة وية غزل او طلعنة او للساعة ب 5 العصر احنة نفتش ع العصابة الي منتشرة وجاي نمشي ورة كل خيط امل اوصلنة الهم اليوم حيل تعبنة او ملكينة اي شي رجعنة للمركز الي احنةربي تعشينة وخلصنة رحنة للمعسكر الي انام بي ةصلت سبحت او بدلت اهدومي ردت اغابر غزل صاحو علية نزلت يم الشباب دومنة او نركيلة وضحك محسنة الة الساعة 2 بليل واني الهسة ممخابر غزل باوعت ع تلفوني داكة علية 2. او مسامعة من الهوسة استأذنت منهم او صعدت دكيت عليهة مغلق ضل بالي عليهة للساعة 4 او نص مغلق دكيت ع الحرس كالو. طلعت الضهر جابت اكل وبعد مطلعت مطلعت رجعت ادك عليهة مفلق متت خاف صاير عليهة شي
غزل: من سديتة من علي رجعت نمت كعدت ب 11 تريكت ونضفت البيت خابرت صديقاتي كتلهم معزومين ع الغدة والعشة هم يمي خطية وهنة اقدرن موقفي او وحدي فبسرعة كالن نجي حضرت الغدة او جبت هم من المطعن او حلويات. وسوالف بنات شوي وجني وحضرنة الاكل سوة وتغدينة ردت ادك علئ علي كلت خاف عندة شغل خل اتاني للمغرب وخابرة اميد خلص شغلة بقينة نسولف او نضحك او لعب او شقة سوينة عشة وتعشينة ثنين من البنات باتن يمي ب 11 دكيت علية ماكو وراهة بنص ساعة دكيت علية هم ماكو ضل بالي جنة نلعب ببجي بتلفون جان يخلص شحن او هوة مغلق خليتة بشحن بقينة نسولف بعدين طلعنة فلم حد الساعة 5 او ربع كلساع اكول علي ليش ميخابر خاف بي شي
علي: للساعة خمسة ماكو خابرت الحارس كتلة ادك عليهة البا كال اجن صديقاتهة او بقن يمهة كم وحدة راح ادك عليهة الباب كتلة اول متفتحة كلللهة خلي اتخابرني ضروري
غزل: جنة كاعدين اندك الباب الحارس نعم
الحارس: ست غزل استاذ علي دك علينة او كال هلي تخابرني ضروري
غزل: اوكي شكرا رحت للتلفون لكيتة مغلق ضربت راسي حيل من الغباء الاني بي فتحت التلفون من علي 35 مكالمة دكيت علية من اول دكة شالة
علي: جنت كاعد منتضر جان ادك علية اول ندكت شلتة او جنت مفول من لاعصاب غزل وينج بيج شي ليش تلفونج مغلق
غزل: اسفة حبيبي بس جان مغلق. او ع الشحن نسيت افتحة ع كيفك لصيح
علي: شلون ماصيح ونتي تبقين طول عمرج غبية او ثولة انتبهي شوي كافي اهمال خبلتيني الف حسبة اجت ابالي وحضرت جنابج ناسية تفتحين التلفون اجن صديقاتج نسنج كلشي حتة علي مو احجي ليش الصمتي ماعدج جواب اكيد شدكولين اني حيوانة او نسيتة
غزل : يحجي بعصبية او حدة حيل خفت منة بقة يصيح او يغلط حيل نقهرت ليش هيج يحجي وياي شسوي نسيتة شبيك ع كيفك وياي
علي: غزل يا علئ كيفي انتي حتخبليني تبقين طول عمرج مهملة او متهتمين لو مو اني يمج بعد موت اهلج مدري جان اصار بيج وشوف صديقاتج اسونج حتة ك،،،،،ب ها احجي لتسكتين اهم شي عندج الدنية كلهة او علي طبة مرض خلي يضل بالة ينتضر مو
غزل: حيل قهرني بكلامة او من كلي ك ،،،،ب اوكي علي اشكرك باي سديت التلفون رجع ادك ودك اخر شي دز رسالة والخلقج اذا مفتحتي التلفون ساعة وجي ونعل ابو كلشي جان ادك وجاوبتة
علي: كلتلي شكرا او سدتة حيل تعصبت ممنتبه النفسي. ادك مشيلة دزيتلهة دكيت عليهة جاوبت انتي شنو من كل عقلج سديتي التلفون هذا الي الله كدرج علية لو صديقاتج يردن متكدرين تعوفيهن هاا
غزل: حجيت ويا برود ادري اضوج بس ردت اضوجة مثل مضوجني وهسة شتريد راح تخبصني لين صديقاتي اجن يمي. يوم بقيت وحدي وجن يمي شتريد اطردهت حتة ترتاح رجاءا علي راح اسد التلفون وغلقة لدك علية بعد ارجوك
علي: شنو اشتغل عندج اني الحجي بعدة مخلص
غزل: بس. الحجي العندي خلص باي
علي: خوش غزل روحي روحي صوجي اني الخايف عليج
غزل: سديت التلفون او غلقتة رحت يم البنات حضنتهن او بقيت ابجي حد منمت بقينة هيج 4 ايام غالقة التلفون جان صديقتي خابرتني كالت معزومة عندي رحت وبقينة ناكل ونسولف وتعشينة مقبلن اروح الة ابات يمهن او اني هم خفت ارجع او هم شسوي وحدي بقيت بس ردت اضوج علي اخذنة صورة او نشرتهة كتبت عليهة اليوم يم ضلعاتي سهرة للصبح جان اشوفهة ورد علية لا والله خوش غزل طالعة وتباتين هم الله كريم مبقة شي وجي او راح اشوفين غير تعامل وياج
علي: بعد ماسدتة مني بقيت الوم بنفسي ع الحجي جنت معصب وطلع مني هل كلام ماقصد بي شي غلقت تلفونهة 4 ايام بعدين وصلتني رسالة انفتح جهازهة مكدرت اخابرهة جان عدنة تحقيق من رجعت بليل شفت ناشرة اليوم يم ضلعاتي وسهرة للصبح حيل ضجت شلون اتبات بيت احد غريب يمكن عدهم ولد خاف اسولهة شي صار شي ابيتهم بقيت اليل كلة افكر دزيتلهة رسالة لاواللع خوش غزل طالعة وتباتين هم الله كريم مبقة شي وجاي ار راح اشوفين غير تعامل وياج ردت علية
غزل : ههههه حموت خوف روح حاسب غيري اوكي مالك دخل بية
علي : حيل عصبتني من كلتلي مالك دخل بية لا علية ست غزل الي دخل بيج و بس انتي وشووفين راجع اني هل ايام
غزل: ارجع اني شكو حتة ادكلي
علي: لا والسانج طولان هم مو بسيطة
غزل: شنو بسيطة تخوفني يعني
علي: لا عيني ليش اخوفج،ست غزل ع شنو اتخافين ولا يهمج اخذي راحتج
غزل: اعرف او ماخذة راحتي وبكيفي مو الة انت ادكلي
علي: احس كلبي مشتعل نارررر بس ماريد ابينلللهة انو ضايج اي اوكي
غزل: دزيتلهة هذا اليضحك 😂وسديتة
علي: دزيتلهة 😜 هذا السمايل ورحت انام بس اذب. عليكم اذا اكلكم انام مرتاح اخلص اليل كلة برسايلهة وصورهة ماكدر انام واني مزعلهة بس لازم ادرس ع نفسي نمتتت او مشت الايام او غزل ابد ماكو حيل ضل بالي عليهة او بلخصوص من كلي الحاري مجاي اتنام بلبيت صار يوم رجعتي طلعنة ب 2 وصلنة ب 5 دخلت للبيت ماكو احد صعدت ع الدرج او فتحت تلفوني اريد اشوف غزل فاتحة تلفونهة جان انضرب ببنية لابسة برمودة او الشعر اسسسسود جنة شلال والجسم ابيض بس مطالع وجهة بس اعرف هاي مو ريم اختي كلت منو هاي رفعت راسهة جان انصدم بيهة للشخص الوحيد الي متوقعتة بيتنة وبهيج لبس وطالعة بنص. اليل
غزل: بقينة نسولف او نضحك جان تجي بت خالت سجئ ابنية حيل حباب اسمهة ريم وبعمري تعرفت عليهة ورة كم يوم كالت تعالو يمي باتو ورحنة يمهة بقنة سوالف او ضحك وتفرجنة ع فلم للساعة 5 ردت اروح للحمام كالت اول مطلعين تلكي اكبالج بس اني جنت مطفية من النعاس او علي ابد محاجية ويا وحيللل اشتاقيتلة بس كلت ماروح ولا احجي ويا الة هوة يجي ويعتذر طلعت جان انضرب بواحد بس حيل أذاني كتلة وطع مشوف رفعت راسي وشوف الي تمنيت اشوف الدنية كلهة ولا هوة صحت بصوت عالي علي
علي ' كالتلي عمة مشوف او رفعت راسهة جان تطلع غزل صاحت بصوت عالي علي صميت حلكهة ودخلتهة الغرفتي وجع راح تفضحينة صوت غزل: صم حلكي ودخلني الغرفتة اختنكت حيل لين ضغط ع خسمي ختنكت جابلي مي شربت
علي: شسوين هنا
غزل: اني اجيت وية سجئ بيت ريم اليوم انبات يمهة انت شسوي هنا شجابك
علي: ولج هذا بيتنة تقصدين ع ريم اختي
غزل: ودموعي كامت شلال اي ريم هية الي هية اختك هية كالت تعالو باتن يمي مدري كمت شحجي من الخوف
علي: ونتي شلون اتباتين بيت وحدة اخوان بلبيت. او شنو هل لبس ها لو طالعين اخواني او شايفيج شلون
غزل: برتباك هية كالت ماكو احد بلطابق بس اخوية مموجود ابات برة او الثاني نايم جوة
علي: وئذا شلون هيج اطلعين والله خبلتيني والله
غزل: ودموعي اتصب خبلتك مو لتخاف مراح اخلي اهلك اعرفوني هسة راح ابدل وطلع من البيت جاي اطلع جان اجرني وصار كدامب شكد ماقريب علية اخس بنفاسة تضرب ع وجهي او صوت دكات كلبة رفعت راسي شفت اعيونة حمررر من العصبية حيل خفت منة بس مبينتلة
علي: كلتلي اتخاف مراح اخلي اهلك اعرفوني هسة راح ابدل وطلع حيل عصبتني رادت تكلع سحبتهة وصار وجهة مقابيل وجهي سمع غزل اني لو خايف من اهلي يعرفوج او ماريدج عمري مراح اكلج اخبج وريدج قتهمتي فلضلين تحجين حجي بكيفج لا وحق الخلقج ادفنج بمكانج سامعة.
غزل: اي اي يلة وخر مني وخر
علي: كمشتهة حيل من زندهة لج شتريدين كوليلي مجاي اعرف اصرف وياج والله لو احد كايلي هل حجي ماخلي عايش. دقيقة شتريدين فهميني
غزل: ماريد اي شي منك وخر ودموعي اتصب
علي: نتبهت ع نفسي شفتهة تبجي تخبلت بزايد مسحي ادموعج لتبجين
غزل: معليك بية وخر ايدي وخر اكرهك اكرهك افتهم
علي: معلية بيج مو وتكهريني احجي
غزل: اي اكرهك اكرهك خلي عندك شوي كرامة او عوفني
علي: صدمتني بحجيهة بدي اموتهة جريتهة حيل من راسهة قؤربتهة من وجهي صارت اعيوني بين اعيونهة هيج غزل مو اتكرهيني ومتريديني بس اني عندي كرامة او ابد مراح اوصلج روحي غزل روحي
غزل: بقيت بس ابجي هدمت حياتي عفتة او طلعت دخلت للحمام بس ابجي خسلت او طلعت جاي ادخل للغرفة
ريم: غزل شبيج او ليش هيج اتأخرتي
غزل: لا مابية شي يلة تعالو خل انام شوي راسي يوجعني
ريم او سجئ: وممصدكات غزل راسهة يوجعهة نامن وكعدن الصبح بعدهة غزل نايمة عافنهة او طلعن
ريم : نزلت جوة احضر الريوك شفت علي كمزت علية هلو علوش حبيبي شونك مشتاقيلككككك كومةةةة
علي : هلا حبيبتي. ريومة شونج شخبارج والله اني هم مشتاقلج حيل
ريم: الحمد الله بخير يعمري مدام انتة بخير
علي: يكلبي انتي يلة تعالي خل نتريك سوة
ريم: لا ماكدر لين صديقتي او سجئ يمي اريد احضرلهن الريوك
علي: اها وهاي البنية تعوفيهة زين
ريم: اي اعرفهة او هية صديقت سجئ بالاول وحيل حبابة خوش بنية
علي: اوكي حبيبتي ع راحتج
ام علي : هسة احضرلج الريوك
ريم : لا يمة بس هاي غزل مدري شبيهة من البارحة اشوفهة نوب اجي احضرة وياج
علي: هية كلتلي غزل مدري شبيهة وحس روحي راحت ريم شنو شبيهة الابنية
ريم: والله مادري البارحة جانت مثل الورد راحت للحمام وجت كالت راسي يوجعني وبليل صخنت وبعدهة الهسة نايمة حيل خايفة عليهة
ع
لي : دروحي شوفيهة عيب خاف تحتاج شي
ريم: اي هسة رايحة
سجئ :طلعت ريم كعدت غزل صباح الخير يلحلوة
غزل: صباح الورد حبيبتي
سجئ: غزل مال راسج يوجعج متدخل هنا وهية تأشر ع راسه احجيلي شفتي علي
غزل: بقت تبجي او حجتلهة السالفة كلهة
سجئ : يا عزة بعيني.ولج. شلون هيج تحجين ويا
غزل: مادري كلة من ورئ شنو اشتغل عندة اني لو ذابة نفسي علية خلي الي ميريدني ماريدة
سجئ: والله مدري شكلج ع كلن الله كريم تعالي خل ننزل يم ريم
غزل: لا خاف علي جوة
سجئ: لا ماعتقد اذا هوة راجع الفجر ميكعد هيج وكت
غزل: كمت غسلت او بدلت جاي ننزل اجت ريم
ريم: هلا غزولة ها شونج البارحة خوفتيني عليج
سجئ: ههه ماكو شي جانت تدلل علينة
غزل: هههه يلة كافي لذكروني
ريم : يلة تعالو خل نروح نتريك وية امي
غزل وسجئ: يلة نرلنة
غزل: نزلت او شفت علي بوجهي بسرعة هوة كام باس ايد امة وصعد مباوع بوجهي حيل ضجت منة
ام علي: هلا ببنياتي يلة تعالن محضرتلجن احلئ ريوك
سجئ و غزل: عاشت ايدج خالة تسلمين
ام: الف عافية يمة وهم شلون دولمة راح اسويلجن ع الغدة اتلوك لهل حلك
غزل: اني عذريني خالة ماكدر ابقة ع الغذة
ام علي: لا حبيبتي اعذارج ممقبولة حتة عمج ابو علي كال اليوم اريد اتغدة وية ضيفتنة
غزل: حياتي خالة تسلمين انشا الله لعيونج حبقة
طبعا اهل ريم عرفو بغزل يتيمة فجانو يتعاطفون وياهة
ريم: يلة خل نتريك
غزل: تريكنة او خلصنة نضفنة وية ام علي او سوينة الغزة وضحك ونشاقة جان اشوف علي طلع وكعد بحديقتهم طلعتلة امة شوي وجة جايب ويا اكل او حضرنة السفرة وجوي كلهم كعدو وكعد علي وصار كبالي بدينة ناكل كل مارفع وجهي الكا يباوع علية ويخزر حيل ضجت بعدين ضربني برجلي رفعت راسي عيونة حمر رأشرتة بعيوني شنو جت اخرك ايدة من كصتة او فوك نتبهت ع نفسي شعري طالع عدلت شالي جان يبتسم ابتسامة خفيفة ودار وجهة من يحجي وية اهلة بهيبة وصوتة الرجولي يخليني ماشيل اعيوني منو خلصنة هوة راح كعد بصالة هوة وهلة واني او ريم او سجئ نضفنة المطبخ طبعا ابو ابد مقبل بس اني اصريت انضف وية البنات رحنة كعدنة يمهم ونشرب جاي جان ابو علي. كال علي باجر معزومين ع عرس ابن صديقة وعلي قبل اروح ويا جان ابو علي كلة هيج يا وليدي وشوفك عريس علي: انشا الله يابة انتو شوفولي مرة واني جاهز
ام علي: بفرحة صدك يمة
علي: اي يمة وريد ابنية حبابة او مؤدبة من معارفج
ام علي: ليش يمة والي
علي: قبل لتكمل امي يمة اني شكتلج شوفيلي من معارفج لو ماتريدني ازرج
ام علي: لا يمة شلون ماريدك تزوج من عيوني اني باجر اشوفلك احلئ بنية
علي: اوكي يمة اني صاعد انام قبل الاروح باوعت الغزل لكيتهة صافنة علية وصايرة بركان من العصبية كلت خل اروح الهنا كافي خليهة تضوح وتعصب مثل ما اني ضجت او عصبت
غزل: اهل علي يحجون واني صافنة ع علي وحس عيوني راح تطلع شكد معصبت منة. كمت صعدت بدلت ملابسي ولكيت غزاضي لين اريد ارجع،للبيت واني دانزل طاع علي من غرفتة ويريذ ينزل كلي لو سمحتي شوي
غزل: اي تفضل عريسنة والف الف الف مبرك مقدمة
علي: الله يبارك بيج يوم الالج
غزل: ههههه هم عن قريب ونزلت
علي: عصبت منهة شنو قصدهة عن قريب. والله اكتلهة وماخلي احد يوصللهة نزلت رخت للقاعة صار هواي ممتمرن طلعت شفت اصدقائي بس اني بالي يم غزل شنو قصدهة رجعت بليل لكيت سجئ موجودة ادري بيهة قريبة عليهة سجئ ممكن دقيقة اريدج بموضوع
سجئ : اي صار
غزل: رجعت منهم اريد الهي نفسي بأي شي نضفت البيت وخذت شور او نمت كعدت بليل رحت جبتلي عشة ركلت للحرس من باجر اتروحون ماريد بعد حرس بلباب
الحارس : بس منكدر انروح الة تجي اوامر من استاذ علي
غزل: شنو علي علي هذا بيتي ولة بيت علي يلة باجر مالكاكم هنا لا اهجم البيت ع راسكم فهمتو
الحارس: انشا الله
غزل: حيل عصبني من كلي ع علي هوة شكو دخلت للبيت تعشبت وخلصت رحت انام جان علي ادك علية باوهت للساعة ب 2 شيريد هيج وكت
الهنا وينتهي البارت اتمنا يعجبكم والبارت طويل تعويض الايام المنشرت بيهة اتفاعلووو فدوة الكلبكم احبكم
توقعاتكم البارت الجاي علي شيريد من سجئ او ليش دك ع غزل
ayo-p3p انستا
عدد الكلمات 3120
