فصيله

تكمله

اصيحلهن
طلعت وحيده.. مثل الي ضايجه.. يلا يمه تعالوو
رجعت المره يم ابنه.. وبدو يتناقشون بيناتهم بس مينسمع بس التبسبس منهم
وحيده.. بربج يمه مقتنعين بيه ذولي مشاوفو وجهي لو شنوو؟؟؟؟؟
الام شافوه ومقتنعين وميلكون احسن منج ضلي خل اكعد يمهم بعد منحتاجج بعدين سولفيلي شنو كلج ؟
...
راحت يم البنات ضايجه بربكم لضحكون امي تريد ازوجني وتكول مقتنعين اخوي مصارله شهرر من مات شلون اكدر افرح!!؟؟؟؟
......
...
..
.
تفرحين تفرحين كالته شيماء وهيه تخم الكاع بمكناسته.. كلام وحيده جاب الهم ع ريم..
ريم بصوت حزين وحطت ايد ع ايد امج هاي الايام مجيب سيره زواجي من كمال جنه الطبخه بعده مجاهزه.. حته تلح عليهه
وحيده// اووه امي محتاره بروحه كل يوم سالفه
طبت عليهم الام..وحيده شرايج ب العريس حته شكله مرتب ازيدج علم يصلي  ب الجامع ويصوم وعده شغيله ومعتمد ع نفسه
وحيده كامت تعد ويا امه
اي وبعد ويصرف ع امه وخواته.. وماعده سوالف مكسره اي يمه وبعد جانت تحجي الام مندمجه
بينما وحيده تستهزء واسوي حركات خلت امه تعصب وضحكت البنات ع سوالف امه..
يبووو عصبت وراحت يماااا يمااا شكد مهري بله!!
لو راح ياخذوني هيج عطيه وضلت تضحك وتشاقي البنات

راح الثلاثاء والاربعاء الخميس
اجوي عقدوله بحضور كمال.. وطلبت الام بدون عرس ولا شي ياخذه للزياره لان اخوهه ميت مصارله فتره.. وحددو موعد الزواج الاسبوع الثاني نفس الوكت.. الشي الي خله كمال واهل البيت يتعجبون.. حاول كمال.. يساله ع الترتيبات وليش مستعجلين؟؟؟ سالتي ع الولد واهله لو شنو ؟؟ جاوبته الام انو ليخلي باله يم شي ممعقوله اذب بتي ذبه شينه وهيه وحيدتي!!!!!

هذا الشي الي خله كمال.. يرتاح 
بس وحيده.. جانت حزينه كلش طول الاسبوع مشافت احد من اهل الخطيب لو الخطيب زارهه العصريه
جانت تكول للبنات اي صح حقه خو ما يكعد يم وحده مثلي  ومشوهه .. احس روحي مراح اكون سعيده..اخوي احمد توه ميت وامي تفكر بزواجات هيه حته متذكره ولا تذكر علي!!لا الحي ولا الميت. منهم . جانت تدعي من ربه الله يوفقه بس لا اكثر ولا اقل..ويجعله زواج سعيد يعوضه عن الحزن والوحده الي هيه بيهه..اجه موعد الزواج حضر اخوهه كمال وزوجته واطفالهم جانت وحيده فرحانه ب الجهال اكثر من.. عرسه بدله ع كد الحال ومكياج بسيط من ايد شيماء.. حاولو يجملوهه اكثر.. بس التشوه مخرب فرحته بهذا اليوم.. وكفت كبال المرايه.. بالبدله 👰

وكامت تحجي ويا روحه بصوت عالي صح هذا يوم زواجي.. بس اني فرحانه لان كلنه متجمعين.. اتمنه لو علي ويانه بس الدنيه مبيه عداله لان نظلم هواي.. وجنت اتمنه الزم التلفون والح ع احمد حته يحصل اجازه ويحضر عرسي.. بس خذاه الموت..اكو هواي اشياء ناقصه.. بس اهم شي الواحد يذكر ربه ويحمده ع نعمته.... فتحو الباب عليه وكلوله العريس اجه.. اختضت وكام كلبه يدك حيل ومثل الخوفه والرعب صابه  راح ياخذوني ؟؟ واروح لغير بيت!!! مشت بخطوات وهيه تتلفت تحاول تحفظ اماكن وزوايه من بيتهم.. جان العريس.بكامل اناقته ويبدو عليه الفرح والخجل خصوصا من تباركتله امه وكامت اصلي ع النبي وآل  النبي احمر وجه ورشو عليه ملح وحرمل.. فرحانين بيه دفعته امه وكلتله يلا صيري بصفه يلا شبيج متحجره ؟؟ اندارت ع امه يمه هذا الرجال حلو ميستاهل وحده مثلي كلشي بي مثالي حته اسنانه مرتبات ليش يزوجني ؟؟؟