فصيله

فصليه

١٥
شبگت .. شيماء ايده ع راسه وبدت تحمي نفسه
من ضربات عمته اله
وحاولت تدفعه.. عنه باي وسيله بس العمه جانت اقوه منه حاولت وحيده توكفهم بس الام جانت مصره تكتل شيماء..انهارت شيماء وبدت اصرخ
اييييييي اني كتله الصدك والرجال من حقه يعرف الحقيقه  ليش الجذب
من سمعت عمته زادت ب الصياح والضرب ولج منو علمج تحجين جبتج خرسه طلعلج لسان بهاي الاثناء
دفعت شيماء عمته.. وبصوت حاد حته لو كملنه لعبتنه علي راح يكتشف بتج وتاليته ترجع عليج صفنت العمه ومعرفت شجاوب وطلع من الديوانيه
جان يوم حافل ب المشاكل والهوسات.. بتالي الليل اندك باب الام والا ب الظلمه هذا احمد
ها يمه شبيك.. يمه هذا علي خابر بس كال اسمع صوت امي
الووو هااا يمه شلونك هاي سوايه اسويه تسافر ومتكول

صوت بعيد ويكطع.... 
الو
الو يمه علاوي
ولك حميد هذا مايحجي وماسمعه
اخذ احمد التلفون وكال.. يمه الشبكه موزينه المهم هو بخير وخابرنه
يلا خل انام تصبحين ع خيرررر
اذا الصوت يكطع المن جبته الي لعد
احمد...يمه سمعت صوت بس من جبته الج مدري شبي
كلمن دار وجه وراح لمكانه ونام
ب الختله
وحيده لزمت دفترهه وكتبت
ارررق وماكدر انام افكر بمصيري وحالي بعد جم سنه
العريس وطار ماعتقدر اكو امل
صح فرحت من طلع من حياتنه قبل ليطلع من الباب
بس مستحيل احد يقبل بيه واني بهاي الحال اله صيده مثل جلال بس اني سامعه هواي هيج قصص ورجعو البنات ع اهلهن بفضيحه.. وختمت كلامه ب يارب اهدي امي!!
الصبح التحق احمد جان الروتين عادي بس العمه قررت اطلع شيماء من مكانه المحبوسه بيه ع شرط تشتغل ليل ونهار وهذا الشي مو جديد ع شيماء مقابل الاكل والشرب
وكانما الله استجاب دعاء وحيده.. من سالته وحيده يمه من طلعتيه اكيد ابالج شي
الام.. سكتي ليييج ابالي ومو ابالي مو انتي الي تحاسبين
وحيده كامت وبعصبيه اي صح بس اكو رب العالمين الي يحاسب
عافت امه اسب وتغلط هاي عادته وماكو شي جديد
بدت وحيده ادور ب اليوتيوب عن السحر والسحره التايبين وشنو مصير الي يسوي هيج افعال
بحثه عن هيج اشياء خلاهه اتابع امه بكل شي.. جانت اشوف اوراق وسوالف.. اكبر من انو تفتهمه وحيده
جانت شيماء تختنك وتوكع وتكللهم احس بشي يخنكني العمه ممصدكه بس وحيده صدكت وحجت لريم.. امي تريد تخبل شيماء حته اذا طردته تبري ذمته كبال الناس امي متوب ابد؟؟ وصدكي من طلعته مو ل الله
رد ريم جان باهت.. وبنفس الوقت حذره تخاف ليجيه السره من عمته واشد وياهه.. ريم بصفناته تذكر علي جان النقال بايده من دك عليه رقم غريب جان هذا علي من سمعت صوته ارتبكت وسدته وانطته حظر بنفسس الوقت..
علي الي ب الغربه بده يحن ومشاعره مختلطه بين الاشتياق وبين تانيب الضميررر حته ع زوجته شيماء
جان ناوي يكلله اريد اسمع صوت زوجتي او طليقتي اريد صور بتي بس اذكر امه اخذته منهم ومايعرف جان اكو ثمن لهذا الشي او لا من انطته للناس جان يشوف 
نفسه يستحق حياه حلوه وهادئه بس امه خربت كلشي عليه او هيه الحياه مو عادله
جان بيومه كلبه يوجعه يمكن نفسيته تعبانه ويحس بضيق او شي موزين راح يصير حسب اعتقاده
دك ع اخوه كمال وجان كمال منصدم شعجب ذكره وخابره وبده بيناتهم عتاب طويل وحجه لاخوه ع الطريق والعقبات من هاجر ولحد موصل لالمانيا بينما كمال ما بطل  استلمه ملامه شلون اطلك مرتك وانته قابل ع سوالف امك اني عفتلهم البيت ولا اريد اوصللهم علي ابد ما  مستغرب من كمال لان ترك البيت هو هم هيج سوه وانما تركلهم الوطن بكبره جان كل ساع يكرر عليه شلونه احمد...،_ احمد زين؟؟؟!/ جواب