أوجعنى حبك

السابع والعشرون

كفكف دموعك يا قلبى فقد آن الرحيل
سيرحل من عشقته امدا بعيد
وستبقى لى الذكرى زمن طويل
يا خيول العشق عودى للصهيل
يا حمام الشوق بلغ من أحب
انى لا ارضى له ببديل
وسأكتب لك شيئا مهما
ربما تكون روحى عجزت عن لقياك
وتكون عينى عجزت عن رؤياك
ولكن قلبى لم ولن يعجزعلى ان ينساك
..................    ........................
بعد مرور بعض الايام عائش فاوضتها مش بتخرج خالص ومبتتكلمش كتير بتعاقب نفسها على عدم ثقتها ف عمار والكل حاول معاها واميرة رجعت وحاولت معاها ولكن بلا جدوى وعمار طلق رزان وبيحاول بشتى الطرق يبعد تفكيرة عن عائش وبيشغل نفسه بالشغل واياد حاول معاه كتير وحاول يصلح بين عمار وعائش بس برضوا مقدرش
وجاء اليوم المنشود
نادين بحزن :حبيبتى انتى كويسه
عائش :بنصف ابتسامه ايوة ياماما
الكل قاعد حزين على حاله عائش وان خلاص كل شئ هينتهى وعائش بتحاول تكون قويه عشان متنهارش
عائش:ها ياجاسر هتعمل الحفله فين
جاسر:لا مش هعمل
عائش :لى يا حبيبى
جاسر:عائش بطلى استعباط انتى عارفه اى اللى هيحصل اليوم  
عائش:كتب كتابك
جاسر:وطلاقك
عائش:فيهااى يعنى دى اول مرة واحدة تتطلق ومتنساش ان انا اللى كنت عايزة الطلاق دة
قاسم: بس الكلام دة قبل ماتعرفى الحقيقه
عائش:فى كلتا الحالتين الطلاق كان هيحصل وكانت نفس الحاله فمتزعلش نفسك عليا انا هعدى كل حاجه
جابر:هتسافرى امته يا عائش
عائش:لماننزل بالكوليكشن الجديد
عامر:يعنى كدا خلاص مش هشوف بابا تانى
نادين: معلش حبيبى الدنيا احيانا بتحطنا فاختبارات عشان نقدر نحدد قوتنا وانت قوى وهتساعد ماما مش كدا يابطل
عامر:طبعا يا تيتا انا هفضل سند ماما
عائش: ربنايخليك ليا ياحبيبى عن اذنكوا
الجميع اتفضلى
بعد ما عائش مشت
ناهد:ها ياقاسم اياد مقلقش اى حاجه
قاسم بحزن :قالى عمار مصمم عالطلاق
جابر: يمكن تزعلوا منى لس انا لو مكان عمار هعمل كدا
نادين: اى اللى بتقولوا دة يا جابر دى بنتك
جابر:هى بنتى وقلبى بيتقطع عليها بس انابقول ان عمار ليه حق هى جرحت رجولتوا فى وقت كان عايزة تقويه هربت وسابتوا فى وش الريح وكانت الريح دى هى اللى دمرتها قبل ماتدمروا هو
...........   ......................
اياد: لسه مصمم
عمار ببرود :ايوة
نرمين: ياابيه هى ندمانه وحاولت تعتذر وحاولت تصلح بس انت معطتهاش فرصه
عمار:انا طلبت نفس الفرصه دى وهى معتطهاش ليا وحرمتنى من بنتى ومن عامر اللى اتعلقت بيه زى مايكون ابنى هى سابتنى فى عز ما انا كنت محتاجها سابتنى اواجه العاصفه وهربت
اياد: بس انت مش هتقدر تعيش من غيرها
عمار: مين قالك كدا هقدر وهتشوف
اياد: بس قلبك مش هيقدر
عمار: انا هدوس عليه بالجزمه
اياد:  طب حاول اقعدوا اتكلموا شوى مع بعض يمكن توصلوا لحل
عمار:خلصت كلامك
اياد:بيأس اه
عمار: طب عن اذنكوا
...................  .................
الجد:برضوا مصمم
اياد :مخوا جزمه قديمه
الجد: ربنا يستر يارب قدم اللى فيه الخير
............... ........... ...........
جاسر:انا زعلان عليهم اوى
زهرة: ياريت فايدينا حاجه نعملهالهم بس هما مقفلين كل الابواب
جاسر:عمار عشان كرامته هيدوس على قلبوا بس هنعمل اى ربنا يستر
زهرة :يارب
جاسر:زهرة
زهرة :نعم
جاسر:بحبك يامجنونه
زهرة:طب سلام عشان جدو بيندة عليا
جاسر:بتهربى ماشى يا زهرة
................  ..................  .................
وجه الوقت والكل اتجمع فى قصر السوهاجى واللى مبسوط واللى حزين وعمار اول ماشاف عائش لاحظها خاسه اوى وباين عليها الكسرة والحزن رغم انها بتكابر بس غلبوا كبريائها عامر طلع يجرى على عمار
عامر:يعنى خلاص يابابا مش هشوفك تانى
عمار:مين قال كدا
عامر:انت وماما هتتطلقوا وماما هتاخدنا ونسافر ومش هنرجع تانى
عمار:مين اللى قال الكلام دة
عامر: ماما
عمار: مش هيحصل
عامر:ماما بتحبك اوى يابابا بلاش تتطلقوا
عمار:مينفعش ياحبيبى فى حاجات لازم تبقى موجودة بين اى اتنين بيحبوا بعض والحاجات دى مش موجودة بينا
عمار راح لنرمين روحى هاتى جويريه من عائش عشان عايزها
نرمين :حاضر
وبعد شوى رجعت وهى شايله جويريه اتفضل
عمار: تعالى ياحبيبتى وخدها وطلع الجنينه هتوحشينى اوى ياحبيبت بابا اوعى تفتكرى انى هتخلى عنك انتى مكان هيبقى هنا فقلبى وهترجعيلى
وجت عائش من وراه
عائش:طب وانا مليش مكان
عمار ببرود : لا كان ليكى زمان
عائش :كان وزمان
عمار:انتى مفكرة اى لماتقولى اسفه هتتصلح كل حاجه انتى اللى بديتى بالقاسيه وانااللى هنهيها انهاردة عن اذنك
ووصل المأذون وكتب كتب كتاب جاسر وزهرة والكل بارك والشبخ لسه هيمشى
عمار:استنى ياشيخ
الشيخ :خير ياابنى
عمار :عندنا حاله تانى
الشيخ :هيتجوزوا
عمار:لا هيطلقوا وهوباصص على عائش اللى عنيها اتملت بالدموع وكانت بتترجاه بنظراتها
الشيخ : لا حول الله لى ياابنى ان ابغض الحلال عندالله الطلاق
عمار:ممكن تبدا فالورق
الشيخ : ارمى يمين الطلاق عليها
عمار بالم وهو اول ماشافها كان هيتراجع بس لف وشوا الناحيه التانيه
عمار:انتى طالق
الكلمه وقعت على عائش كأن صاعقه ضربتها والكل حزن عائش حاولت تبان قويه عن اذنكوا
طه: عائش
عائش:طه وطلعت تجرى واترمت فحضنوا وقعدت تعيط عمار شافها  كان عايز يجرى ياخدها فحضنوا بس مشى مقدرش يشوفها كدا ومشى
عائش:خلاص كل حاجه راحت كل حاجه انتهت
طه :اهدى ياحبيبتى اهدى
اميرة :هات ياطه ويلا نخرج من هنا
وخدوها ومشيوا وهى منهارة
طه :لازم تقوى عشان تقدرى تواجهى الحياه الطلاق خلاص حصل وكل حاجه انتهت لازم تبداى من جديد
عائش: فعلا هبدأ من جديد وانا قويه ومش لازم يشوفنى ضعيفه
اميرة وطه : هى دى عائش اللى نعرفها
.................  ...................  ...............
ياترى عائش هتعمل اى فى حياتها