فتاه لاتؤمن بالحب
للكاتبه#زهراء الخفاجية
*****************
دخل احمد للغرفه
وكانت نور كاعده ع السرير (جربايه مثل منسميها)
طبعا هي كانت خجلانه كولش
اجه احمد وكعد يمها
احمد :ياربي شلون اصارحها(يحجي بينه وبين نفسه )
نور؛ اهلا احمد
احمد:اهلا نور
اكولج نور اني اريد اكولج شغله
نور؛أي تفضل
احمد:الصراحه نور اني ما ردت ازوجج
نور :شنووو
احمد:نور بابا غصبني انو ازوجج و ما كان
عندي خيار ثاني
نور:احمد انته شدا تكول زين انته ليش مكتلي
هذا الحجي قبل حتى اني ارفضك اذا انته هجي متريدني
احمد:نور هاذا الي صار وانييييييي............
نور :كمل احمد شنو انته
احمد؛اني اريدج هسه تعتبريني ك صديق فقط
وانشالله مع مرور الوقت حتعود عليك وانشالله اتقبلج ك زوجه
نور سكتت مكالت ولا كلمه وكولش ضاجت
احمد :هاا نور شكلتي
نور:اني ولله مادري شكولك الصراحه فاجئتني
بس اوك اني موافقه نصير أصدقاء بس بشرط
احمد:شنو شرطج
نور:انو ميدرون اهلي ولا اهلك
بهذا الحجي ونكون أمامهم ك أزواج
احمد:اكيد مراح يدرون وعد مني
احمد:نووور
نور؛ها
احمد؛انتي زعلانه من هذا الشىء
نور ؛لا عادي مزعلانه انشالله حنتعود على بعض
احمد :انشالله
يلا هسه كومي غيري ملابسج
راحت نور وغيرت ملابسها ودخلت للحمام وكامت تبجي وتنحب
(طبعا هي مبينت هالشىء كدام احمد لان هي تخاف من ابوها حتى مصير مشاكل)
وبعد ربع ساعه
طلعت نور ولكت احمد نايم ع القنفه وغافي
نور :اووف هاذا حظي تاليتها زوجي يكولي اريدج صديقه آه آه آه آه
راحت نور ونامت ع السرير وحدها وظلت تبجي لحد ما نامت ودمعتها ع خدها
صار الصبح
الساعه9:30
كعدت نور وكانت عيونها مورمه من كد ما بجت
راحت للحمام أخذت شور وسوت شعرها وحطت مكياج ولبست ثوب قصير وردي فاتح (طبعا هي سوت هالشىء لان راح يجون الاهل ولازم متبين شىء )
كملت نور
راحت لاحمد وكعتده
نور؛احمد احمد يلا اكعود خاف يجونه خطار
احمد؛بينه وبين نفسه
اويلي شنو هالوجه الملائكي أصبح بيه
احمد :ها نور يلا ح كوم
راحت نور وسوت فطور
وراح احمد أخذ شور ولبس تراك سود لونه نيلي
طلع بيه يكتل😂😂
المهم راح تريك ويه نور
احمد:اكولج نور
نور؛ها
احمد:انتي لاتلبسين هجي بعد
نور:ليششش
