الاء

البارت العاشر 😎

-بعد مفاجأة كريم لإسراء اخذها هى وآلاء ليراها الشقه التى ستعيش فيها إسراء.
كريم: ايه رأيك يا حبيبتي.؟
إسراء: جميله جداً يا كريم كفاية انك هتكون معايا فيها.
كريم: هاااا يا آلاء وانت ايه رأيك.
الاء: تحفه بجد مبروك يا حياتي.
إسراء: الله يباركك فيكي ياقلبي.
كريم؛ وآلاء بردو ليها هديه.
آلاء: هديه ايه يا كريم!؟
كريم: هتخدى الشقه ال فاضيه ف العماره هى تحتينا علطول.
آلاء: ليه كل ده يا كريم؟!
كريم: بصراحه يا آلاء انت كنت جدعه معانا اووى الفتره ال فاتت، فعتبرى دى مكافأة.
آلاء: شكرا يا كريم.
كريم: شكر ايه بس انت اختى، وبعدين عشان تبقي جمب إسراء بردو عشان انا عارف انكم مش بتبطلوا رغى مع بعض، والفساتين بقا هجيب حاجات جديدة عشان الفرح بقا وكدا.

-كان كل يوم يمر وكريم ينشغل لتحضير يوم زفافه ودعوات لأصدقائه فخطر على باله يوسف، اخذ هاتفه واتصل به.
يوسف:ألووو.
كريم:انت لسه نايم ولا ايه.؟!
يوسف:ايوه يبنى فى حاجه.
كريم: دا في حاجات........عندي ليك خبر حلو.
يوسف: ايه هتموووت.
كريم:لا ياعم بعد الشر عليااا......هتجوز يا جووو.
يوسف:.بجد ألف مبروك يا كيمو، ايوا بقا فرحنا شويه.
كريم: عبالك يا جوو، انا بقولك اهو عشان تفضي نفسك، وابقي جيب داليا معاك الصبح، وابقي خليها تيجي تنقى فستان.
يوسف: ماشي يا كيمو، الفرح امته بقا.
كريم: الخميس ال جاي ان شاءالله اعمل حسابك بقا.
يوسف: حاضر يا كيمو.
كريم: سلام بقا وانت كلامك كتير كداا، عايز اعزم بقيت العيله.
يوسف بضحك: ماشي ياعم اعزمهم سلام.
- غلق يوسف مع كريم ونادا على داليا ليخبرها ذلك الخبر الذى جاء على قدومها.
يوسف: داليااااا تعالى عايزك.
داليا: عايز ايه يبني، انا زهقت من الملل ده، مفيش حتى صحاب ولا جيران ولا اى حاجه احنا قاعدين فى صحراء والله.
يوسف: انت ال مش بتتكلمى معاهم، اصل هنا مش زى الشرقيه خالص، هنا كل واحد قاعد فى حاله، لا ام فاروق عند ام صلاح ولا خالتى نعيمه عند خالتك فوزيه يقعدوا ينموا على الناس.
-ضحك يوسف مع داليا للحظات.
داليا: المهم كنت بتناديلى ليه.
يوسف: كريم هيتجوز يستى.
داليا: كريم مين؟ كريم ابن عمو!؟
يوسف: اه والفرح يوم الخميس.
داليا: ايه السرعه دى، طب ما تيجي نروح عندهم شويه عايزه اشوف عمو.
يوسف:بكره بقا ان شاءالله، هاجي من الشغل اخدك ونروح، وكمان عشان تختارى فستان.
داليا: اشطااا........ بس هو هيتجوز مين؟
يوسف: تصدقي نسيت اسأله.
داليا: خلاص بكره هسأله انا واجيب قرارها.
يوسف:ماشي.

- ثاني يوم فى شقة آلاء وإسراء:-
إسراء: آلاء ممكن اسألك سؤال.
آلاء: لا 😂
إسراء: مبهزرش يا رخمه.
آلاء: عايزه ايه يا عروستنا.
إسراء: انت هتلبسى النقاب فى الفرح.
آلاء: مش عارفه يا إسراء والله انا لسه كنت بفكر.
إسراء: احنا بقالنا سنه هنا، ومحدش شافك ولا عرفك من عيلتك، اقلعيه ومتلبسيهوش تاني بقا .
آلاء: لا يا إسراء اسكتي.
إسراء: اسكت ايه يا آلاء، طب ماانا زى زيك ويمكن اكتر منك كمان، وعايشه حياتي عادي وهتجوز كمان.
- رن جرس الباب وإذا به كريم:-
إسراء: كريم ازيك.
كريم: ازيك يا إسراء، مش يلا بقا الساعه بقت 10 الصبح.
إسراء: ايوه يعني عايز ايه.
كريم: انزلوا افتحوا المحل واختاروا الفساتين انا جبت حاجات جديده اختاروا ال يعجبكم.
آلاء: خلاص يا كريم احنا هننزل اهو .
كريم: بس بسرعه يا آلاء عشان بنات العيله جاين. وهيختاروا بردو.
إسراء: والبنات دول حلوين.
كريم بأستفزاز: جداً.
إسراء: ايه؟؟!
كريم: بس مش احلى منك بردو يا حبيبتي.
إسراء: ايوه كداا يا حبيبي.
آلاء: خلاص يا استاذ روميو انزل واحنا هننزل وراك على ما استاذه جوليت تلبس.
كريم بضحك: يلا سلام.
آلاء:ادخلي البسي بقا عشان ننزل.
إسراء: حاضر.

- فى منزل يوسف وداليا:-
يوسف: يلا بقا يا داليا كل ده بتلبسي.
داليا: حاضر يا يوسف جايه اهو.
داليا: هااا ايه رأيك؟
يوسف:جميل يلا بقا.
داليا: جميل..... هو ده ال قدرك عليه ربنا.
يوسف: يلا ياختى خلصي.
- وصلا داليا ويوسف ال بيت كريم وصعد الى شقته التى يجلس فيها ام كريم وابيه. رن الجرس ودخلا.
ام كريم: اهلاً ازيكم يا حبايبى عملين ايه.
ابو كريم: عيال اخويا الغالين وحشتونى والله.
داليا: ازيك يا طنط ألف مبروك.
ام كريم: الله يبارك فيكي يا حبيبتي عبالكم.
ابو كريم: ايه يا يوسف مش هنفرح بيك بقا يبنى، عايز اطمن عليك انت كمان.
يوسف: ان شاءالله يا عمى نخلص بس من داليا الاول.
داليا: عايز تخلص مني طب مش هتجوز.
- خرج كريم من غرفته على صوت داليا ويوسف.
كريم:ايه ده يوسف وداليا وانا اقول العماره منوره ليه.
يوسف: اهلاً بعريسنا.
كريم: ازيك يا يوسف....... ازيك يا داليا مشفتكيش من زمان جداً، بس ايه الحلاوه والجمال ده.
يوسف: انت بتعاكس اختى وقدامى كمان.
كريم: ايه ياعم ماهى اختى بردو احنا متربين مع بعض.
يوسف: طب بس بقا عشان مقلش لمراتك ولا خطيبتك دى.
داليا: ايوه يا كريم انا عايزه اشوفها.
كريم: طيب تعالي معايا انا كنت نازل وتختارى فستان كمان.
داليا: ماشي يلا...... عن ازنك يا عمو.
كريم: عن ازنك يا استاذ يوسف ولا تحب تيجي معانا تختار فستان.
يوسف: لا البسهم اشوفهم عليك الاول.
ضحك الجميع ونزل كريم مع داليا ورن الجرس.
آلاء بالداخل: تلاقيه كريم.
إسراء: طب افتحي انا خلصت اهو
قامت آلاء بفتح الباب.
آلاء:مش قولتلك.
داليا بهمس لكريم: هى منتقبه.
كريم: لا دى صحبتها، آلاء هى إسراء نزلت.
آلاء: لا جوه اهى اتفضلوا.
كريم لآلاء: دى داليا بنت عمي.
-جاءت إسراء
إسراء: ايه ده مين دى؟!
كريم: دى البت بتاعتي.
إسراء: نعم؟؟!
كريم: دى بنت عمي داليا
داليا: انت زعلتى ولا ايه، دا بيهزر.
إسراء:اه ما انا عارفه هزاره رخم.
داليا: ينفع كداا يا كريم هتخليها تكرهني من اول مقابله.
كريم:لا متخفيش مش هتكرهك.
آلاء: خلاص بقا يااسراء دا بيهزر.
إسراء: خلاص يلا ننزل

بقلم: آلاء شنيشن💙🌸

- رأيكم بقا واستنونى بعد العيد كداا
عشان فى حاجات هتحصل بين الاء وداليا 💙