بما أن اليوم عيد زرت اقربائي بعد.. يا ربي صارلي سنة مازرتهم! من العيد الماضي :/
ما علينا الله يهديني.
اليوم سألتني طفلة من العيلة صغيرة سؤال متعوب عليه ألف صدعت ضحك.
قالتلي لو عندنا كلب ذكر لازم نتحجب منه؟
قلتلها لا ليش تتحجبين منه عادي حيوان ما تتحجبي من الحيوانات.
قالتلي اه لازم نتزوجه حتى ما نتحجب منه صح؟
وهني متت ضحك اول مرة اضحك جي جدام العيلة
قلتلها لحظة كيف بتتزوجينه؟
قالتلي في وحدة متزوجة قط لابسة فستان عرس وحاطة صورة القط جنبها ونحن اذا سوينا نفس الشي ما نتحجب منه صح؟
الصراحة ما عرفت ايش اجاوب بس يالس اضحك.
لو كنتو مكاني وش بتردون؟
فكرتها عن الزواج قتلتني، مسكينة.
بالحديث عن الزواج، تدرون كنت افكر ههه هالشي يلي بقوله يظحك بس قليل حيا عاد سامحوني..
يوم كنت اطالع مع اهلي افلام على mbc2 كان اول فلم اذكر انه شوه طفولتي تايتنك الزبدة، كنت صف ثاني وقرب جاك من روز يبا يبوسها باسها وامي فوراً حطت قناة ثانية وجلست تناظرلي بطرف عينها انا كنت مستغرب افكر شسالفة، بعدين امي رجعت الفيلم شفت العربة مادري شتسمونها الي يجرها حصانين جالسة تتحرك واشوف يد عالشباك واصوات غريبة امي انفجعت وطفت التلفزيون صارخت علي "روح نام، شنو مصحيك للحين؟!" وانا اقلها "ليش تصراخين علي؟ شسويت؟ ماما شغلي التلفزيون ابا اشوف شصار فيهم بعد الحادث" تقلي اي حادث؟ قلتلها السيارة تتحرك وهم يصارخون امي ما تدري تضحك لو تصارخ علي قامت مسكت يدي وودتني السرير عأساس بنام قمت استنينتها تشغل التلفزيون ونزلت من التخت وزحفت للصالة وانا جي على بطني وراها اطالع الفيلم وله الاقي مقطع يوم يرسمها، قامت امي طفت التلفزيون وسبتهم وانا من الفجعة مادريت وين اسير شفت معاها تلت ارباع الفيلم سويت نفسي ميت مادري وامي شافتني تخرعت وصارخت ودعستني من الفجعة وانا اصارخ وازحف باهرب ذاك اليوم مسحت فيي الأرض سوت معاي تحقيق.
الزبدة تنورت وعرفت كلشي عن الموضوع وعن البنات والأولاد وكلشي +18 وانا صف ثالث :")
فيكم تتخيلون بعدها طفولتي كيف كانت واي نوع من المراهقين كنت :")
الي عنده سالفة عن الموضوع يكتبها :")
فاني..
أنت تقرأ
لما أمل
General Fictionيعني عندما اشعر بالملل عندما تشعرون بالملل او انا اشعر بالملل علقوا بأي شيء لنتكلم العديد من الأخطاء في الطريق ترقبوا :")
