وتفتح ساره العلبه : ايه ده
كريم : هههههههههههههههههههه اول ما شفت افتكرت علطوووول قلت هو ده الي يليق بيكي الصراحه
كانت الهديه عباره عن خاتم علي شكل شنب (البنات هتعرفوا طبعا هو موضه دلوقتي وانتشر )...
ساره : لا بصراحه طلعت بتعرف في ازواق البنات وبتفهم الصراحه
سعاد : يلا يا جماعه الاكل جااااهز
وقعدوا يا كلو في نص الاكل
سعاد : علي فكره الاكل ده ساره الي عملته النهارده
كريم : وانا اقول ليه يا ربي وحش كده
ساره : علي فكره الطبق الوحيد الي معملتوش هو طبقك لاني لسه مش بعرف اعمل محشي ده اكل ماما
كريم : احم ما هو انا عشان كده مكلتش غيره
ساره : والله طب متقربش علي اي نوع اكل تاني من علي السفره
كريم : ما تقلقيش مش مستغني عن عمري عشان اقرب له
وكملو اكل وبعد الاكل
سعاد وسمر قعدوا في البلكونه يتكلموا
ومصطفي وحسن في قاعده الشطرنج كالعاده
واما كريم وساره ونهي قعدوا التلاته مع بعض
ساره : كلامها كله موجه لنهي ولا كأن كريم قاعد صحيح يا نهي انتي كليه ايه
نهي : تجاره القاهره
ساره : ايه ده وانا كمان امال مشفتكيش ازاي وانا في الجامعه ده انا كل يوم هناك
نهي : اصل بابا السنه الي فاتت كان بيسافر كتير عشان كده مكنتش بحضر اووي لكن ان شاء الله هحضر السنه دي اكييد
كريم : ايه ده انتي من نوع البنات الدحيحه بقي
ساره : هو الالتزام اليومين دول بقي اسمه دح سبحان الله علي العموم يا نهي اكيد هشوفك هناك وهساعدك اكيد انا حافظه الجامعه كلها بالدكاتره بالمعيدين بكله
كريم : ده انتي من النوع المعقد بقي الي بقي مقطع الكتب ومن النوع الي قايم صاحي تعليم بقي وتحضري المحاضرات في ميعادها بقي و كمان سوسه مذاركه بقي
ساره : هو بقي ا ن الواحد يجتهد ويشوف الي عليه ويعمله بقي اسمه معقد ان الواحد يعيش حياته صح ويشوف الي عليه قبل الي ليه بقي اسمه معقد سبحان الله
نهي : بقولكم ايه تيجوا نلعب انا شايفه كوتشينه هنا اهوت يلا بقي ممكن يا ساره
ساره : اه اكيييييييييد
كريم : ايه رايكم نلعب الشايب ولا مش هتتحملو الاحكام
نهي : لا انا موافقه يا كوكي
