وعدي كريم علي ساره وخرجوا في كافيه علي النيل
ساره : زمانك بتقول عايزه ايه مني ومبهدلاني وجيباني ليه
كريم : انا عايز اعرف اه بس مفيش بهدله والله انا بجد احلي وقتي لما بقضيه معاكي
ساره : شكرا يا كريم ...
كريم : دي الحقيقه بجد يا ساره انتي ليه مش مصدقاني
ساره : لا مصدقه ووشها احمر
كريم لما لاقاها اتكثفت : طب تشربي ايه
ساره : اي حاجه عصير وخلاص
كريم : وانا كمان
ساره :بص يا سيدي اتفضل وادته علبه متغلفه
كريم : ايه ده
ساره : افتحها دي ليك
كريم : فتح العلبه طلعت ساعه جميله
ساره : بلاحظ انك بتلبس ساعات وانا بصراحه مش متعوده اجيب هدايا فجبت حاجه تستخدمها وتبقي مفيده
كريم : دي ليا بجد
ساره : اه انا بجد متاسفه وبعتذر غلطت فيك كتير اووووي واتحملت مني وكمان معرفتش امي السبب واحترمت ان ده سري وبجد خرجتني من الي فيه
كريم : والله كلامك ده احلي هديه ليا
ساره : احم بس يارب تعجبك بس
كريم : تعجبني ايه ده انا مش هلبس غيرها وقلع كريم الساعه الي في ايده ولبس ساعه ساره
وقضوا بقي اليوم وعدي وبعدي بيومين
كريم في الشركه خارج من مكتب باباها لقي ساره
كريم : ايه ده ساره انتي جيتي ليه
ساره : اه انا جيت ليه يعني ايه هو مش انا شغاله هنا ولا ايه
كريم : هههههههههههههههههه يا ستي قصدي مقلتيش هترجعي يعني
ساره : ايه انت اخد علي اني مجيش ولا ايه لا رجعت ساره بقي وهرجع اشتغل
كريم: تصدقي وحشني مناقرتك ليا بس ومذاكرتك الامتحانات علي الابواب
ساره : لا ما انا هبقي اروح واخلي اي حد يساعدني
كريم : لا خليني انا اساعدك هخلي شادي يجيب ليكي كل حاجه
ساره : شادي هههههههههههههه متاكد انك عايز شادي يساعدني
كريم : اه يا ستي وهكلمه او هو اساسا كل دقيقه بيكلمني
ساره : بيكلمك ازاي
كريم : هههههههههههههههههههه لا انتي فايتك كتير اهو شوفتي بيرن عليا ده انا نفسي اعمل بلوك لرقمه
ساره : انا مش فاهمه
كريم : بصي في بريك الشغل انا عازمك علي الغدا وهحكيلك كل حاجه
