#قصة_ هيفاء...
#منقولههه
......Nm Tdh......
اطلعت نجري لشركه اول ماخشيت جي ورائي...
امشي لي مكتب المدير بيشوف الكاميرات...
اني حاطه ايدي ع قلبي ونقول ستر ياربي وعطل قريب ساعه بعدين اطلع متكنطي لكن الغريب ان ماكلمنيش....
افتحت نت ابعتله قوتله شن شوفت شكلي؟
ماردش عليا.....
بعدها بشويه ناداني اني لما سمعت صوته لعبت بيا صفراء خشيتله للمكتب قالي بري لي فلان وقوليله يشغل الكاميرات يلي ف دور هدا .
نزلت نكلم فيه ودرت روحي مانندري ع شي ونسأل فيه.... قالي المدير طالب نصكرو الكاميرات يلي ف مكتبه وتوه يدور ع حاجه لقي الكاميره مصكره.....
الله قداش فرحت واستريحت هم ونزاح ع قلبي..
اركبت مكتبي وقعدت نفكر نبي نطره باي طريقه ع نت باش معاش ننحط ف مواقف زي هده...
وبعد تفكير طويل قررت نقولا بنمشي لتونس...
وفعلا كملت عملي وروحت لقيته باعتلي مصكرين الكاميرات يلي ف مكتبي؟؟؟
وقوتله بنمشي لتونس معا العايله حاجه شهر ومروحه قالي امتي بتمشي نوضت تغابيت وقوتله بعد أسبوعين قالي باهي اعطيني رقمك وقعد شاد فيا؟؟؟؟
اعطيته رقمي المدار وطول اتصل بيا....
وقعدنا نهدرزو وكان كلامه رسمي هلبه وان فعلا معجب بيا ويبي ايشوفني؟؟
لكن اني كدبت عليه قوتله امي مريضه منقدرش نخليها بروحه.....
بعد ماروح من تونس انشوفك وعد؟؟
واني ف خاطري راح زين😢 وبنحطك ف الحظر!!
المهم فات الوقت واني نشتغل ونهدرز عليه ف نت وكان يتصل بيا هلبه وكان يبعتلي ع نت بشكل كبير وزاد تعلق بيا هلبه....
واني بصراحه بديت انحبه...
وجي ف يوم لقيته باعتلي رساله ؟؟؟
اني حبيتك وبنستناك لين تروحي وبنكون معاك راجل وبنجيك من الباب ؟؟؟
اني قريتها نصدمت وان كيف بيستناني... وطبعا مستحيل نحكيله اني نفس البنت ؟؟؟؟
لان مش حلوه ويتسهوك علياااا.....
ف قررت ندير عركه معا وفعلا درت عركه لكن شي شي مقدرتش غلبني فيها ؟؟؟
وجي ف انهار قوتله بنمشي لتونس وبنصكر شفرتي...
قالي تمام وقعد مضايق ويقولي بنستاحشك وافتحي نت غادي وكلام من هداا.... بصراحه لين وجعني كيف اجريت بيه هكي.....
المهم صكرت منا وصكرت شفرتي ونت؟؟؟
وقعدت تلاته ايام نت وشفره مصكره...
وهوا واضح عليه مش ع بعضه وانشوف فيه لما انخش لي مكتبه ومره احدف تليفون وقال قاعد مقفل؟؟؟؟
اني لما لقيت حالته هكي قولت خلاص لزم ننقطع عليه نهاي وتو ينسي بعدين.....
وفااتت ليام.....
وف يوم كنت ف العمل وعندي هلبه عمل وضروري نكمله وروح لان شركه فاضيه وكان وقت سبت محد فيها الا اني وحده تانيه....
وكان المدير طالع....
طلعت تليفوني بنكلم امي لقيته مصكر شحن حطيته ف شحن وتليفوني هدا لما يشحن ينفتح بروحه؟؟؟
جيتني البنت يلي معاي قاتلي انزلي نشربو قهوء وقاتلي خلي تليفون مافيش من يمسه
قولت للاامان بنحطه ف مكتب المدير....
خشيت حطيته ع المكتب ومادورتش حتي كان نفتح مدايره المدار وضع طيران وتنفتح ليبيانا بس ونزلت نشرب معها ف قهوء....
واني مقعمزه معها جي المدير قالي خليك كملي قهوتك وركب...
ف قعمزت نهدرز معها ونسيت تليفوني وماايجي منا نسمع ف صوت تليفونها نت قوي...
قاتلي تصدقي علاش انحب انجي للعمل ع خاطر نت قوي وفري...
قوتلها شن؟؟؟ قاتلي اي من غير رمز مفتوح للمواظفين يشتغلو بيه....
قعدت نشوفلها ونعرفش كيف ستكيت..
قاتلي خيرك تشوفي هكي متعرفيش ان فيه نت افتحي الاشاره الواي فاي متاعك تو توصلك؟؟؟
اني طول دكرت تليفوني و شبكه الوي فاي مفتوحه واكيد ح يتوصل ع طول.....
سيبت القهوء وركبت نجري خشيت لي مكتبه لقيت تليفوني ف ايده....يتبع
❤❤❤❤❤❤
___________
ستوووب 😅
امممم شن تتوقعو ايسير فــ هيفاء
و المدير عرفها انها هيا البنت هلي اتكلم فــيهه. !؟
ان شالله عجبكم البارت 💜🤪
باااي
أنت تقرأ
هيفاء
Short Storyروايههه بــ الههجهه اليبيهه 😊💜 منقولةةة&منقولةةة تتكون من تلات برتات 💞🙄 حــ نستمرر بــ دعمكم ليا 💓😳 #اوشي__😴爛
