هيفاء

البارت 3__و الاخير

#قصة_ هيفاء..
#منقولههه
......Nm Tdh......
مفتوحه واكيد ح يتوصل ع طول.....
سيبت القهوء وركبت نجري خشيت لي مكتبه لقيت تليفوني ف ايده اقعدت واقفه وهوا شاد تليفون قوتله ممكن تليفوني قالي اتفضلي جيت اخديته واني طالعه شرين تليفوني وكان هوا قالي ردي ياشفاء وعرفني اني نفس البنت معاش قدرت حتي نتلفت قعدت عاطيته بضهر وخنقتني العبره ونرعش معا بعضي....
قالي صار انتي نفسها ولعبتي بيا وكدبتي عليا...
قوتلي من اول وخليتلي حرية الاختيار هكي لكن ماتعيشنيش ف الوهم والكدبه متاعك...
قعدت ساكته وجيت بنطلع ناض جبدني من ايدي وصكر الباب وفك مني تليفون هدا تليفونك صح تليفونك هدا....
وناض يعيط عليا واني مش قادره نقول حتي كلمه لان غالطه...
وهو يقوالي قداش تحطي من عيني فكيت منا تليفوني واطلعت اخديت شنطي و روحت.....
كانت صدمه بنسبه ليا ماعمريش توقعت ان ح يشدني هكي....
ومنين ماروحت طول خشيت رقدت ومش قادره نستوعب شي....
لي تاني يوم نوضت قولت بنمشي انجيب حاجاتي يلي غادي....
وامشيت لي شركه وأني ناخد ف حاجاتي اطلع هو من مكتبه قالي شن جيبك اطلعي معاش نبي انشوفك ولا تفكري انك اتجي تشتغلي اهني...
اخديت حاجاتي وروحت وخاطري مكسور وف نفس الوقت كان معا حق لان اني لي غالطه....
وروحت الحوش وكنت تعبه ومش قادره نفكر ف شي ومش قادره نبعتله حتي رساله....
فات أسبوع واني ليلي انهار" وانهاري ليل.....
بعدها قررت نتصل بيه صكر عليا ولما صكر عليا حسيت روحي بنهبل نبي نكلمه قعد نتصل مره واتنين وعشره ونفس شي مايردش جيت بنكلمه ع نت لقيتا مدايرلي حظر وكل مانكلمه من رقم اول مايسمع صوتي يصكر كان رافض يسمع مني شي ولا حتي صوتي.....
يتهرب مني هلبااااا قد ماحولت معااااا شهر واني ف جرته وهو شي....
ف قررت نمشيله لي شركه....
جي انهار ونوضت من اصبح كلمت بنت نعرفها غادي واسالتها هو قاعد ام لا.....
وقاتلي قاعد.. طول غيرت وامشيت لي شركه وخشيت عليه طول من غير حتي مانستاذن منا
ولما شوفته لكلام كله لي خاطري انقولا راح مني....
وحسيت دموعي بينزلو مني خلاص!!!
واقفه نقاوم بسيف... قالي:
_اطلعي برا
من غير ماانحس بروحي نفلت فيه وقوتلا::
اول ماتعرفت عليك كانت جو هكي وخلاص وانت حكتلي ع العمل واني وقتها محتاجه مش اني ضربتك ع ايدك وقوتلك خدمني عندك!!! وانت يلي حبيت شفاء وكنت تتسهوك ع شكلي؟؟
وقد ماحولت نبعدك عليا ماتبيش وانت قعدت مصر عليا ولو فعلا اتحبني ماكانش ايهميك شي ولا شيفاء من هيفاء لكن انت اتحب المضاهر ولي ايحب يحب القلب  مدامك حسيت بالحب معاي شن مضايفك من نكون؟؟؟؟؟؟؟
وحتي لو كنت غلط هدا مش معنا مانحبيكش لكن انت تبي الجمال وهدا يلي كان مخليني مانقولكش؟؟؟؟؟؟
قعد ايشوفلي وساكت.... اطلعت وسيبته وعيوني معبيات دموع ..
و روحت فوته معاش اتصلت بيه وصكرته ايميلي
ورجعت ندور ف عمل من جديد.....
وحصلت ف شركه تانيه ف الاستعلامات وفات 4 شهور ع الموضوع لا تصل بيا ولا اتصلت بيه ولا حد فينا دور تاني......
وبعد 4 شهور كلمتني بنت تخدم ف شركه متاعه نعرفها تسأل فيا ع عقد روحت بيه وصارت والمشكله وقعد عندي طلباته مني قوتلها انجي قدام شركه واطلعلي مانبيش انخش قاتلي باهي...
امشيت جيبت العقد وتاني يوم امشيتلها قدام شركه كلمتها قاتلي خشي منقدرش نسيب المكتب وطبعا هيا ماتندريش ع الموضوع قوتلها قاعد المدير قاتلي مهناش...
قولت يالله نخش نعطي العقد ونطلع خشيت بسرعه...
خشيت ركبت فوق جتني تجري قاتلي خليك شويه بس بنخش للحمام خلاص قوتلها باهي...
قعمزت قدام مكتبها نستانه فيها اتجي....
خش المدير شوفته نوضت طول قعد ايشوفلي قوتله بنعطي العقد هدا وطالعه...
وجيت طالعه!!! قالي:
_استاحشتك
_!!!!!!
_استاحشتك وانتي؟
_عطلت ع عملي
_انحبك
قوتله عطلت بنمشي شدني من ايدي وجبدني للمكتب....
وصكر الباب قوتله بنطلع قالي لين نسمع كلمة انحبك منك!!!!
قالي:
اني غلط وانتي غلطي و عندك رقمي نستانه فيك كلمني....
وطلعت واني عقلي كله معا وع ماواخد عقلي روحت للحوش بدل مانمشي للعمل....
وقعدت نفكر انكلمه لا....
وجي ليل مابيتش نتصل بيه لساعه 3 ف ليل اتصلت  بيه ولقيته نايض....
قالي نستانه فيك!!!
صكرت ف وجه طول؟؟؟ حسيت طيحت روحي عليه وحتي عاودلي ماردتش عليه...
لساعه 7 اصبح لقيته بعتلي رساله ردي نبيك ضروي....
رديت  عليه قالي ماشيه للعمل!!! اي شن تبي؟؟؟
خودي شكلاطه وانتي مروحه باش اتحطها لي اختي بتجيك لعشيه وصكر!!!!
جتني حاله هسترية ضحك عودت اتصلت بيه قوتلا لا لين نتفاهم معاك قالي علاش بنتفاهمو
اني نحبك وانتي مش مهم....
وصكر....... طبعا مامشيتش للعمل اني وقعدت نظم ف الحوش وطلعت اخديت حاجات وجيت اخته واستقبلاتها طبعا بحكم امه ميته!!!
وجيت خطبتي رسمي مش حتي اتشوف....
ورجعتله.... ورجعنا انحبو بعض وقعد ديما يتسهوك عليا يقولي مش متوقع روحي ناخد وحده سمينه ....
وسيبت العمل لان مايبنيش نشتغل ونساعد فيه واني ف الحوش كان يبي حاجه ف العمل...
وفض فيا وطبعا هو م79.... وكان مستعجل يبي يسافر ف مادرتش عرس كبير بسيط عايلي وتاني يوم ع طول سافرنا تركيا وتوا عايشين والحمد لله..... وصدق المتل لي يقول
((((اخنب تنجا اخنب تنجا اخنب تحصل))))
وهدا لي صارلي😅 تهربت تهربت وعلقت ف لاخير ....❤❤❤❤❤

___________________

هدي البارت الاخير من قصةةة هيفاء 😉
ان شالله عجبتكم اكتبولي فــ الكومنتات شن رايكم فيهااا بصدقق 😊🤓

منقولةةةة
منقولةةةة