حقيقة مجتمعنا اللئيمم

اتركوني اعييش

 لمّا أولادكم يسكروا على رواحهم الغرفه بالساعات وميحبوش القعده معاكم بسبب الإنتقاد والكلام ٱللي مثل السم ٱللي توجهوهلهم .. .
- لمّا يكبروا و يكرهوا كلمة " إن شاء الله " .. لأنه كُل وعد توعدوه تقولوا إن شاء الله و متوفيوش بوعدكم !
.
- لمّا شخصياتهم تصير ضعيفه وما متكونش عندهم ثقة بأنفسهم لأنكم معطيتوهمش فرصة يعبروا عن أفكارهم وأحاسيسهم وآرائهم ودايمًا تستغبوهم .
.
- لمّا يكرهوا الصلاه و الدراسة ! لأنو من أقل غلطه يغلطوها تسألوهم صليت اليوم ؟! درست ولا لا ؟ كأنه الصلاه والدراسة عقاب .
.
- لمّا أولادكم وبناتكم يبحثوا على الحنان خارج البيت على خاطر ملقاوهش في حضنكم .
.
- لمّا يكرهوا الزواج بسبب المشاكل ٱللي ما تخلاصش وتصرى لأتفه الاسباب .
.
- لمّا يكرهوا النقاش معاكم لإنكم تقللوا من أراءهم سواء في السياسه أو الحياه عامةً .
.
- لمّا كل يوم قبل نومهم يعاتبوكم وهوما في غرفهم بسرهم على الفجوه الموجودة بينكم بسبب قلة التفاهُم والإحتواء .
.
- لمّا ولادكم يكرهوا بعضاهم لأنكم تفرقوا في المعامله بينهم و تميزوا واحد عن الثاني .. وتتحاسبوا يوم القيامه بجريمة الظُلم !!
.
- ما تزعفوش لمّا تلقاو إبنكم أو بنتكم كاتبين على الفيس " كل ما أتمناه حُضن يحتويني " لأنكم ما جربتوا تحضنوهم حتى ولو بكلمة‍ حلوة . .
- لمّا يطلعوا مخربشين وضايعين من الداخل وتفكيرهم محدود بسبب كلمة " كي كنت قدك كنت ندير هكذا ونتصرف هكذا .. " ! رغم أن سيدنا علي قال : لا تربوا أولادكم على أخلاق زمنكم فإن لهم زمنًا غير زمنكم !!
.
- ما تزعفش لمّا بنتك تكون تعيسة ف حياتها الزوجيه بسبب عريس فرضتوا عليها مع ٱنه حقها الشرعي تتزوج ٱللي يعجبها حتى ولو بعد ١٠٠ سنه . .
- ولمّا إبنكم يكسر قلب بنت ذنبها إنها حبتو ، و ما تنصدموش يوم القيامه كي تلقاو ذنب البنت في ميزان سيئاتكم .. إنتوا ٱللي علمتو بنكم أنو الراجل ما يعيبوا غير جيبو ! .
- ومتزعفوش ثاني بعد عمر طويل لمّا تقابلوا وجه الكريم وأولادكم ما يحنوا للقائكم لأنكم مثل الطوق على رقابهم و بفراقكم إتنفسوا .. صاروا أحرار !.
.