سلام اليوم عندي حكاية شابة باللهجة الجزائرية نتمنى تعجبكم وتدعموني بفوت وكومنت . قراءة ممتعة .
صباح جديد ويوم جديد قررت ريم تبداه بطريقتها كانت عند قبر يماها تبكي وتشكيلها على معاملة باباها الي يضل يضربها ويبعثها تخدم باش تجيبلو دراهم يصرفهم فالخمر والقمار . ريم طفلة شابة بمعنى الكلمة الي شافها يعشقها عندها17سنة تقرا الباك شاطرة بزاف وتحب قرايتها ديما وحدها ومعندهاش أصدقاء الناس كامل تغير من جمالها وشعرها الكحل الطويل وعينيها الكحل جاية قصيرة وعندها اطاي تهبل مي متواضعة تحب تدير الخير وتعاون الناس .
جات راجعة للدار باش توجد روحها تروح تقرا ليوم أول يوم ليها فالليسي الجديد بسكو حاوزوها من الليسي القديم بسبة باباها الي كان يدير مشاكل كل صباح . دخلت فطرت ولبست وخرجت بعدما خلات الفطور لباباها الي يضل نهار كامل راقد وفالليل يسهر مع النسا ويسكر .
المهم خرجت وراحت لليسي مهبطة راسها دخلت للقسم وريحت فالطابلة الأولى قدام المكتب تستنا الاستاذ يدخل جات طفلة تبان مهبولة شويا قعدت معاها وبدات تتعرف عليها أسمها ليلى ورجعو اصدقاء .لحق الوقت ودخل الاستاذ تاع الرياضيات كمل وخرج ومنبعد بداو يدخلو الاساتذة يقروا منبعد يخرجو حتى لحقت الساعة الأخيرة ودخل البروف تاع فرنسية ريم كانت حاطة راسها على الطابلة راسها كان حيطرطق بالحس حتى سمعت البنات يتهامسو بيناتهم ويضاربو طلعت راسها وشافت ...
ياترى واش هي المفاجأة زعما يكون باباها ولا واحد تعرفو راني نستنا تعليقاتكم .
أنت تقرأ
أدمنتك
Teen Fictionقصة حب بين رجل طيب وفتاة غريبة ترى ماذا سيحدت وهل سيستطيع حبهما أن يتجاوز العوائق ونسيان ماضيها المؤلم
