راحت ليلى لدارهم تغدات بدلت حوايجها وخرجت تخدم (ليلى تخدم في محل لبيع الورود مع عجوزة كبيرة فالسن باباها قالها اخدمي فالبار مي هي محبتش تكون مع الرجال في بلاصة وحدة وحبت تحافظ على واش بقا من كرامتها )
دخلت ليلى للمحل وسلمت على العجوز دايرتها كيما مانها حنينة عليها وتحبها بزاف.
خدمت ليلى حتى للثمنية تاع الليل ومنبعد غلقو المحل وخرجت وجات رايحة للدار حتى شافت أنس واقف مع طفلة وهي قاعدة تتقرب منو وتحاول تبوسو بسكو هو طويل عليها شويا غير شافتهم ليلى تقلقت وبدلت الطريق وراحت تجري للدار .
عند أنس :
كنت قاعد فالبيت نخدم حتى تعيطلي سوسو قصدي سارة نعرفها غير من 3 شهر مي هي ديما لاصقة فيا باينة على جال دراهمي هي صح شابة وتعجبني ولكن ماقدرتش نحبها سورتو كي عرفتها بنت شوارع ومن رجل لآخر ولكن مانقدرش نجرح مشاعرها (هذا اذا كانت صح تحبني كيما راهي تقول) طلبت تشوفني برا في واحد حديقة قريبة من محل لبيع الزهور (باينة باش تجيبلها بوكي دوفلوغ) المهم لبست وخرجت نشوفها .
غير شافتني بدات تعنق فيا وتتقرب مني مي أنا ماعجبنيش الحال مش موالف نخلي وحدة تتقرب مني (الا اذا انا حبيت) طلعت روحها زعما باش تبوسني وفمها عامر غوجلافر دورت وجهي وتخيلو شكون شفت واحد زلة تهبل نساتني كامل فسارة الي كانت معايا حققت فيها مليح وعرفتها هادي هي تلميذتي الجديدة واش اسمها اه ليلى شحال شابة هاد الطفلة ياريت تلاقينا فظروف أحسن كنت حنحبها لا نعشقها .... فيقتني هاديك المسمومة تاع سارة من هاد الحلم الهايل . خليتها تهدر وحدها ورحت لتلميذتي نشوفها .
وين راحت غير دوك كانت تقول الارض بلعتها ...
نرجعو لليلى الي راحت لدارهم ولقات باباها مع مرة 🔞🔞 راحت للكوزينة طيبت وتعشات وراحت ترقد وغطات وجها بالمخدة باش ماتسمعش تأوهات هديك المرا (ليلى تعودت على هاد الوضع كل يوم نفس الشيء كانت حاتهرب ولكن ماعندها حتى بلاصة تروحلها والشارع مايرحمش وخاصة طفلة شابة كيفها ).
عند أنس :
غير رجعت للدار ونلقا ماما قاعدة فالصالون معا بابا ....
بابا :ياوليدي مزال ماقررت تتزوج وتجيبلنا وريت.
ماما :ايه يا أنس وقتاه نشوف حفادي يلعبو قدامي وقتاه دير دارك وتتهنا يخي مايخصك والو عندك الخدمة والطونوبيل والدراهم بقات غير فالمرا نتا غير قرر وحنا نروحو نخطبوهالك.
أنا:قريب انشاءالله قريب نجيبلك واحد طفلة تهبل .(هو قال هكدا غير باش يتهرب من أسألتهم الكتيرة )
طلعت لبيتي تكيت وقعدت غير نخمم في ليلى تبان غريبة شويا باينة عندها حاجة مخبيتها . وانا علاش راني نخمم فيها واش دخلني فيها .....
قعد يخمم حتى رقد....
فاتو ليام بدون أي جديد كل يوم ليلى تروح تقرا وكل مرة أنس يزيد يعشقها أكثر ويحاول يكتشف واش راهي مخبية .
واحد نهار راحت تخدم (كان الخميس) ولقات العجوز مكاشها فالمحل وكان تما واحد الجان قاللها ماما ماتت ومن اليوم رح نبيعو المحل وخلصها حسابها
راحت ليلى تجري للبحر هو الوحيد الي بقالها تشكيلو همها بقات تبكي وتبكي
ليلى :علاش ياربي علاش كامل الي نحبهم يروحو ويخلوني وحدي علاش 😭😭😭 بكات حتى عيات وحست براسها حيطرطق قررت ترجع للدار باش ترتاح -بدا يطيح الليل-كانت تتمشى غير بشويا وحاسة بدوخة حتى صدمت فيها طونبيل ....
عند أنس:كنت فالشركة نخدم حتى جا ليا أكرم وعطاني ظرف ✉ سقسيتو واش فيه محبش يجاوب قالي افتحو وشوف على روحك فتحتو وكانت المفاجأة .... تصاور تاع سارة معا واحد الجان وهما قراب بزاف من بعضاهم و..🔞🔞 تقلقت بزاف وخرجت من البيرو نجري كيفاه وحدة رخيصة كيفها تستغلني تخدع فيا وانا دايرها فعينيا حسيت بقلبي رح يحبس صح ماحبيتهاش مي كنت داير فيها ثقة وقلت مع الوقت نحبها ونتزوج بيها وفاللخر طعنتني فضهري خلاص جامي نولي نحب ولا نعشق (أنس كان يهدر مع روحو ويسوق بلا تركيز )حتى صدم في بنادم خرج يجري ويشوف ويلقاها طفلة وجها معمر دم مسحلها وجها وقلبو يضرب بقوة بقا يشوف فيها مصدوم لالا مستحيل لالا راني غير نحلم لا لا ليلى فتحي عينيك واحكي معايا اللّه يخليك ماتموتيش وتخليني ليلى ليلى ......
جاو الاسعاف وداو ليلى للسبيطار دخلوها لغرفة العمليات وبقا انس برا ...جا أكرم صاحبو وبقا يهدن فيه ..
أنس:ليلى ماتموتيش وتخليني اسمحيلي اسمحيلي انا سبب أكرم انا حبيتها من أول يوم شفتها فيه وكل يوم كنت نعشقها أكتر ودوكا قتلتها بيديا 😭😭أكرم أستغرب كيفاه صاحبو يبكي على طفلة هو جامي شاف دموعو سكت وبقا غير يهدن فصاحبو وقالو أنس صح تحبها
أنس:ايه يا خويا والله نحبها نحبها كي كنت نشوفها فالليسي كنت حاس انو اعجاب برك مي والفتها ودوك عرفت اني نحبها ومانقدرش نعيش بلا بيها بلا مانشوف فعينيها بلا نشوفها كي تضحك كي تبكي وتحاول تخبي دموعها باش ماتبانش ضعيفة ..😭😭😭
أكرم:وسارة
أنس:سارة جامي حبيتها كي شفتها تحبني حاولت نحبها مي ماقدرتش وفالأخير راك شفت كيفاش خدعتني 😢😢
خرج الطبيب من غرفة العمليات وراح ليه أنس يجري
أنس:واش بيها ليلى يخي راهي مليحة ؟؟؟_قول ؟؟؟
طبيب:الحمدلله نجحت العملية مي راهي فغيبوبة ممكن تفيق وممكن لالا
أنس:كيفاه ماتفطنش لنتوما واش خدمتكم 😠😠
أكرم:تهدن أنس انشاءالله مايكون غير الخير
انس:نقدر ندخل نشوفها
طبيب:تقدر تشوفها مي مطولش.
راح أكرم يحوس على معلومات على عائلتها باش يخبرهم بواش صرا لبنتهم (حسب تعليمات انس)
دخل انس عندها وقعد فالكرسي الي قدامها بقا يتأملها ودموعو يطيحو بقا يشوف فراسها المربوط بالفاصما ويشوف فوجها المذبال كانت وردة وبسبابو ذبالت ...
اسمحيلي ليلى والله ماقصدي نضربك اسمحيلي 😢😢باسها فراسها وخرج ....
أنت تقرأ
أدمنتك
Teen Fictionقصة حب بين رجل طيب وفتاة غريبة ترى ماذا سيحدت وهل سيستطيع حبهما أن يتجاوز العوائق ونسيان ماضيها المؤلم
