فصليه ولكن

البارت ١٧

صار الليل وصعدت انام لگيت منتظر نايم ع تخم رحت ع چربايه وغفيت بسرعه...

من صعدت سويت روحي نايم وانتظرت لل١ حتى تنام وصدگ نامت گمت ومشيت ع كيفي ونزلت على اركبي ليمهه وتلمست خدهه ورجعت شعرهه ورة اذنهه واحرك ايدي ع شعرهه بس ع خفيف حتى متحس...تقربت اكثر وشميتهه من رگبتهه حيييل ردت احتفظ بريحتهه قبل متروح وبست خدهه ع كيف ضليت بايسهه لدقايق وخرت عنهه...احبچ...بستهه بگصتهه ورجعت انام ونمت.....

************************

صحيت الصبح وتمطيت بإيدي لكيت منتظر ماكو يمكن طالع باوعت ع ساعه ...ساعه ١١ عزة هففففف...بسرعه غسلت ونزلت جوة صبحت عليهم

الام....ها بنتي اليوم متأخرة بالنوم

ههههه اي والله مادري ليش ...تريكتي ماما

من الصبح عيني

ابتسمتلهه ورحت للمطبخ...خرب بيومج نور هاي شمسويه...

جا غير سمج

اشلون تاكلونه!

ليش اشبي ولج بس لا متحبينه...

اموت منه ... حتى ماكدر المسه

طاح حظج ...ليش اكو اطيب من السمج

🤣🤣🤣🤣🤣 شسوي الله خلقني ماحبه

هههههه والثول ...دتعاي لعد سوي تمن .... والسمج عليه

ماشي....بديت اسوي بالتمن الى ان خلص ميه وهدرته....

كملت...

واني همات كملت....بس يجون من الشغل وبابا من الديوان حتى نصب وناكل...

ماشي....اشو حيدر ماكووو؟!

طلع للشغل...(يشتغل محاسب)

مو بعده ع علاج هاي اشلون...

الطبيب كله امشي ....حتى يكدر يسيطر ...كلتله امشي هنا كلي ماكو داعي لتخافين عليه...  بالشغل احسن ....عاد ممنعته اني وراح

ااهاا....صارت ب١٢ ونص ...اكولج رونق اخر سنه الهه مو

اي نعم .... ومبقه شي للتخرج همات حيبدون امتحانات

ان شاء الله تتخرج وتخلص

ان شاء الله ...اشويه وطب عمي ومنتظر ...بسرعه صبينه الغده...اني سويت اليه كبه وزلاطه لان السمج ماحبه.... وضيفناهم كعدنه سويه ناكل ..خلصنه وصبينه جاي وخلصنه ...شلناهن اني ونور وغسلناهن كلهن

الشيخ....بويه اني رايح ارتاح بغرفتي اذا جيي احد كعدوني

ماشي عمي روح ارتاح...نور راحت الغرفتهه هي وخلفتهه.....عاد اني هم صعدت ارتاح....لكيت منتظر واكف ع مرآيه يعدل بشعرة كعدت ع جربايه... وهو طلع....كولش مشتاقه الاهلي ماحجيت ووياهم بس مرة وحده ..وقيس اووف اوووف...دورت ع موبايل منتظر ماكووو يجوز يمه...نزلت جوة بس سمعت حجيه وكفت..