فصليه ولكن

البارت ٧

الو....بابا....
هلا بنيتي 
اشصار بابا....مصطفى اشلونه
الحمدلله بخير....زين..
اي وحيطلع مو ....حجيبه وياك

لا يردون ...رد برد
اشلون يعني!

من داعمه مكسر الولد رجلينه يتأخر ياله يمشي...او اصلا ميرجع يمشي عليهه....فيردون يسوون الاخوج بالمثل

لا بابا دخيلك...لتخليهم يسوون شي...اكيد مو بقصده
لا ماخليهم ...باجر نجتمع ونقرر حتى لو ياخذون فصل

اي بابا زين حترجع هسه لا

لا لا باجر من يخلص الفصل اجي

ان شاء الله

ها اشكال بنتي

كلتلهه ع كل شي وضلت تبجي
ماما فدوة لتبجين

ولج ابني ابني هذا اشلون مابجي
يا ربي مالنه غيرك ساعدنه يا ربي

امين يا رب امين.....كومي نامي ماما حتى ترتاحين

ميجيني نوم....اكوم اتوضه وادعي

ماشي ماما اني صاعده فوك
صارت بالوحده واني منايمه....ربي ساعدنه وينحل كل شي يا رب

فتحت نت
🗨هلو قيس
🗨هلوات حب اشلونج
🗨مو زينه😭
🗨خير اشصاير
🗨اخوي داعم واحد وماخذي للسجن!
🗨صدك تحجين
🗨اي والله
🗨الله يفك اسرة ان شاء الله ....مو تبجين
🗨والله خايفه عليي....كالوا اله فصل
🗨ان شاء الله ياخذون فصل ويطلع
🗨ان شاء الله
🗨اعشكج الينا❤
🗨😁😁
🗨ههههههه.....يلا حبيبتي اروح انام باجر شغل من الخمسه عندي
🗨ماشي ت ع خ
🗨وانتي بخير...يضل بالي يمج
🗨باي

صار الصبح كعدت منمت غير بس ساعتين
صباح الخير ماما
صباح الخير بنيتي
بعدهي دتدعي وتسبح....هففف

ماما تتريكين
لا ماريد
ماما ميصير تهملين صحتج لو يسمع مصطفى ميقبل هيج والله

ماكدر اله يطلع ياله اكل
ماما فدوة
لتلحين ماريد....اكلي انتي!

هم مالي نفس ...شربت بس جاي

دك التليفون
الو بابا ها اشصار بشر فدوة
بنتي دجمع الشيوخ ونروح ونحل السالفه!
امج اشلونهه اكلت !

كمت ابجي....لا بابا مترضه تاكل حتى نوم منامت الليل كوله تدعي

قنعيهه بنيتي لتخليهه بدون اكل....ترة صحتهه تتدهور
ماشي بابا من تخلص خابرنه ماشي
ان شاء الله مع السلامه
مع السلامه

حطيت الاكل واخذته

ماما كافي بجي فدوة ان شاء الله تنحل
ان شاء الله

يلا ماما اكلي مو زين ع صحتج
ماريد عوفيني

بابا كال اذا متاكل ازعل منهه

خابر!
اي وحيرحون للناس ...بلكي تنحل ويطلع صوفي ان شاء الله
ان شاء الله

يلا مامي اكلي فدوة لخاطري
هاي الخاطرج

فديت ....وبلشت تاكل ...وانطيتهه الدوة ونامت

سويت غده مركه باميه وتمن وصارت وطفيت النار

صارت بال٢ وبابا متصل....يا ربي دخيلك يا ربي سترك
رحت ع ماما بعدهي نايمه...طلعت من يمهه وسديت الباب

صارت ب٣ وماكو خبر ...وكعدت ماما....ها بنتي ماكو خبر

لا ماما بعد
ان شاء الله خير ..
تتغدين ماما!
لا مالي نفس بشي
ماشي
تغديتي انتي؟
لا مالي نفس والله

صارت بالخمسه ودخل بابا ركضت عليي وحضنته

بابا حبيبي واخيرا اجيت ضل بالنه
هلا بنتي هلا ..
اشبيك بابا شو كوة تحجي ...راح يضل بالسجن لو يسوون بالمثل ها بابا😭

لتبجين بعدين افهمج السالفه ....امج وين

بغرفتهه دتدعي

اريد احجي وياهه الوحدنه لا تجين
ليش!
بعدين بنتي بعدين

اشلونج ام مصطفى

هلا بأبو مصطفى...قابل اشلوني والله كلبي لاجمني ومحترك احجي اشصار

الاخبار مو زينه

شهكت احجي اشصار ابوس ايدك!

الله بالخير
الله بالخير

تعرفون انتوا ع الي صار وجايين ع موده دنحل سالفه الفصل

ابو منتظر....انتوا شيوخ والنعم من اصلكم بس ابنكم ارتكب خطأ بحق ابنه ولازم يتعامل بالمثل....لو يضل بالسجن

ما مرجيه منك واحنه معروفين....اشكد تريد فصل اني حاضر

والفصل شيفيد اذا ابني مرجع يمشي عدل مثل كبل

ان شاء الله يرجع ومابي اله الخير

منتظر ....انريد فصل ؟

حاضر واشكد تريد !

مو فلوس ؟ انريد بنتك فصليه الي!

شنو ! اشدتحجي انت كل عقلك هاي بنتي وحيدتي اشلون انطيهه

هاي مشكلتك شيخ وانت براحتك بعد...لو يضل بالسجن طول عمرة لو يتعامل بالمثل لو تزوجني بنتك...وتكون كفصليه هنايه واخر كلام عندي وابكيفك بعد!

لا اله الا الله....يلا شيوخ .....بعدين انردلكم خبر
في امان الله

الله وياكم
.......

هذا الي صار
لطمت وهسه شنو اشحتسوي ابني حيروح مني يا ربي دخيلك

بابا....قابله اروح فصليه.....