طفلتي الطموحة 💜

الحلقة الاولى

رواية طفلتي الطموحة 💜

عمي محمد : وين ماشيا متصبحة من ساعة 8 ؟

مياسين : على ماظني انا طالبة جامعة واول محاضرة ليا ساعة 8:30 !

بوها : معاد في داعي تمشي

مياسين : كيف معاد في داعي ي بابا !

بوها : الي عندي قلته معاد عندك فيها شي الكلية بعد غدوا ماشي بي نوقف القيد متعك بخصوص الموضوع لفتحتهولك قبل اسبوع وتعرفيني كلمتي ماتوليش 2 في الحوش هذا

انصدمت مياسين ومااستوعبت من الصدمة يلي سمعتها من بوها وقالت بي صوت مواطي : ك ككيف ش ششن ببدير؟؟!

بوها : يلي سمعتيه بي نسمحلك تمشي غدوا بس تودعي صاحباتك وتقطعيهم ع الاخر خلاص بي تخشي ف حياة تانيا وبعيدة على هني

بدت مياسين تبكي ومش قادرة مستوعبة رفعت صبعها ف وجه بوها وقالتله :

انت اصلا مش اب ولا عمرك كنت اب كرهتني ف حياتي ان شاء الله نموووت ونفتك ، وخشت وسكرت على روحها الدار لين خداها النوم من البكي وناضت على صوت المغرب يأذن تعودت من الشيطان وناضت تصلي وتدعي لي ربي لعلى وعسى بوها يغير كلامه ،

مياسين : سمعتي ياميسو من قال انا هكا يصير فيا 😔

ميسو : مياوو 😿

مياسين : اي ي قطوستي الغالية ، اكثر وحدة تفهمي عليا 😭

وقعدت مياسين تلعب مع قطوستها لانها اكثر شي ترتاح معاه وتحبه وتعتبر فيها كل شي 💔

* * * * *

اليوم لي بعده في الجامعة
أميرة صاحبة مياسين : غير اسمعيني اهو نقلك شن تمشي ديري مدامه بوك متفاهم تجاهك وياخد ويعطي معاك بري اليوم العشية وتي سفرة قهوة وقعمزي وحدة وحدة وفهميه بالأسلوب والمنطق نعرفك ملسنة وعندك اسلوب 🤷‍♀️

مياسين : مسكر راسه ي أميرة انا بروحي مش مصدقة بوي نوعيته كان سكر راسه على حاجة تم مايقدر حد يقنعه بعكسها 😔

أميرة : معقولة الهم بنته هو بروحه كان يشجع فيك ويبيك تكملي قرايتك وانتي بنت وتعتمدي على نفسك من لعبله ف راسه؟

مياسين : هذا لمخليني مقهورة قال لا الراجل ولد صاحبي وعطيته كلمة والعشرة لي بيناتنا هيا لي خلتني نناسبه ونعطيك وانتي صغيرة 💔

* * * * * * *

يأست مياسين وأميرة من الموضوع وكل وحدة روحت لحوشها ، خشت مياسين لدارها وهي مضايقة وبين نارين بين انها تعصي بوها وترفض وتكمل قرايتها بكل صعوبة ومشاكل وبين انها توافق وتبطل بي رضاها وتنسا حلم حياتها لي من صغرها تبي تحققه،

<طق طق : عمتي منى (مرت بوها)

مياسين : خشي ماما😔

امها : يابنيتي والله لي ديري فيه مايصلح بيك معقولة يومين متقعمزيش تتغدي وتتعشي معانا