في لحظة جهل
للكاتبة meme al katlonea
البارت الاول
تنويه هاي الاحداث بسنة 2016
اعرفكم ع نفسي اسمي نهى من بغداد عمري 17طالبة صف رابع علمي مواصفاتي بيضة وطولي 157 عيوني سود وشعري طولة متوسط يعني ك مواصفات اي بنية عراقية عائلتي متكونة من 7افراد ابوية والي هوة ظابط وامي ربة بيت اخوي الجبير اسمة محمد موظف عمرة 31 متزوج وطالع ابيت وحدة واختي الازغر منة اسمهة شهد عمرهة 26 متزوجة وعدهة 2 اطفال يجي وراهة اخوي سيف عمرة 22طالب كلية قسم هندسة حاسبات ومن بعدة اني ومن بعدي اخوي الزغير اسمة عيسى عمرة 8سنوات
الام : نهى لج نهيوة كومي يلا تاخر الوقت راح يجي الزلمة (ابو الخط)
نهى : اي اي كمت
نهى : كمت غسلت وجهي ورحت لغرفتي دا اريد ابدل بدلت بسرعة اتاخر الوقت واخذت جنطتي ورحت يم امي بالحولي
انداريت دا اشوف الساعة لكيتهة ب 7 الا عشرة باوعت لامي وكلتلهة
يوم ليش هيج جذبتي علية عبالي صدوك تاخر الوقت
الام : مو ادري بيج متكعدين الة هيج
بقينة نسولف اني وامي الى ان اجة ابو الخط سلمت ع ماما وطلعت
صعدت للخط
نهى : صباح الخيرعمو شلونك
ابو احمد : صباح النور بنيتي الحمد لله
وصلت للمدرسة ودخلت اسولف وية صديقاتي
الى ان دك الجرس وصعدنة للصفوف
ومر اليوم ك اي يوم عادي وخلص الدوام واجة الخط ورجعت للبيت
نهى : السلام عليكم
الام : هلا بيج يمة
نهى : ماما شنو غدانة اليوم
الام : كل همج تترسين بطنج انتي
نهى : يوم والله جوعانة حيل
الام : دمشي بدلي وتعالي حتة ناكل اني وياج وعيسى
نهى : صعدت للغرفة بدلت ونزلت
امي صبت غدة وتغدينة
رحت صليت وخلصت بعدين رحت غسلت مواعين
كعدت باوعت بالتلفزيون شوية وبعدين رحت حتة ادرس
فتحت كتبي وبديت احظر شنو عدنة من دروس للساعة 5 اني خلصت دراستي
كلت خل انام شوية
نمت
شوية واجة عيسى كعدني كال محمد يريدج
حيل فرحت لان كولش احب اخوية محمد
نزلت سلمت ع بابا و عليه وع مرتة (حنان )
كعدنة نسولف اني وامي وابوية ومحمد وحنان
ف محمد سئلني ع دراستي كلي شلونج بالمدرسة
كتلة والله الحمد لله زينة
كال اذا نجحتي هل سنة اشتريلج جهاز
طبعا ابوية جان متشدد ويانة يعني ما يقبل يشتريلنة فون
كتلة ان شاء الله
محمد : اباوع لابوي انكلب شكلة من كلت لنهى اذا نجحتي اشتريلج جهاز
كتلة شبيك يابة
الاب : وليدي تدري الدنيا مو امان بهل وكت
واختك بعدهة زغيرة واني خايف عليهة
وانتة جاي تشوف البنات الي دينقتلن من ورة الموبايلات
محمد : بوية نهى تعرف تتصرف ومو زغيرة هية
واني عندي ثقة بيهة واعرفهة ما راح تسوي غلط
الاب : وان يكن محمد الانترنت كلشي ديسوي بهل وكت
لهنا وينتهي البارت الاول
اذا حبيتوهة صوتو ع هل البارت حتة اكمل
و رايكم بيهة حلوة لو لا
اححبكم
meme al katlonea
YOU ARE READING
في لحظة جهل💔
Romanceقصة حقيقية لفتاة عراقية من عائلة متحفظة وشكوكية اعتادت المشاكل في كل يوم ف الى اين ستلجا الفتاة ... بقلمي meme al katlonea
