في لحظة جهل
للكاتبة meme al katlonea
البارت الثالث
الاب: الله كريم بنيتي
عفتة ورحت لغرفتي وبدت الافكار تجي براسي
ليش هيج ابوي متشدد ويانة
يعني لا لبس مثل الناس لا طلعة لا مكياج
لا موبايل
حتة بالعطلة اضل مكابلة الحايط وكاعدة
لان ما شاء الله بالبيت كل واحد محتل تلفزيون الة
واني جني يتيمة حتة محد يذكرني بشي
بس بغسل المواعين
واذا كلت الاهلي خل نطلع
دائما يكون الجواب
الدنيا مو زينة وانفجارات
واذا بالصيف يكولون حارة مو مال طلعة
واذا بالشتاء يكولون باردة كلش وين تردين تولين بهل برد
يعني عذرهم موجود دائما
بحيث ابد ما داخلة مول
يعني حياتي من البيت للمدرسة
ومن المدرسة للبيت ....
وصلت للامتحانات مال اخير السنة
ذبيت حيلي كلة بالقراية
في سبيل انجح
ويشترولي موبايل
واجت العطلة المملة افففف
حتة النوم عدنة حرام يعني اذا ضليت نايمة ل11
لازم يجون يشغلون الضوة ويطفون التبريد علية
من الكهرباء مال بيت
وضروري يكون صوت التلفزيون عالي ضروري
لان حضرتة للاستاذ عيسى مكابل التلفزيون وكاعد
طارشني طرش
يعني حتة عيشتي مو مثل العالم
مرة جانت عطلة وضوجة واني ضالة جني مطي
حاجيت ابوي كلتلة
بابا خل اروح لبيت محمد
هية عطلة واني ضالة وحدي
ومشتاقة لمحمد هم
الاب : وامج منو يضل يمهة منو يساعدهة
بالشغل بالمواعين
نهى : بابا يوم واحد فدوا ما اطول اكثر
الاب : كومي وية امج عاونيهة اخاف تريد شي
رحت يم امي للمطبخ
الام : شبيج كالبة وجهج يا ستاار
ما بية شي اسوي زلاطة ؟
YOU ARE READING
في لحظة جهل💔
Romanceقصة حقيقية لفتاة عراقية من عائلة متحفظة وشكوكية اعتادت المشاكل في كل يوم ف الى اين ستلجا الفتاة ... بقلمي meme al katlonea
