في لحظة جهل
للكاتبة meme al katlonea
البارت الثاني
محمد : يصير خير يابة الله كريم
نهى : ضجت من شفت ابوية معارض الفكرة
شوية وطلع اخوية محمد رجع لبيتة
ورحت وية امي دنحظر العشة ورحنة دنتعشة اني وامي واخواني
بالنسبة لاخوي سيف علاقتي بي مو قوية لان هوة حيل عصبي
واكثر الاحيان هوة طالع واذا دخل للبيت ع ابسط شي يصيح
خلصنة عشة ورحت دا اغسل مواعين
خلصت ورحت اراجع للامتحان
خلصت مراجعة ونمت
فزيت الصبح طلعت للحولي دا اشوف ساعة بيش
لكيتة ب7 وثلث
عزا يعني تاخرت وامي ما مكعدتني والخط رايح
رحت بدلت بسرعة وطلعت
طبيت للمدرسة متاخرة رحت للصف لكيتهم ديمتحنون
دخلت بسرعة وطلعت ورقة اخذت نسخة اسئلة من المدرسة وكعدت دا اجاوب
ضربتني منار بايدهة عود تريدني اغششهة
دفعت الجنطة شوي حتة تشوف الورقة
خلصنة امتحان وهية كملت غش
سلمت ورقتهة و وراهة اني سلمت ورقتي
كلتلهة منار الى متى حتبقين ع هل وضع
ليش ما تقرين
منار : مو جنت احاجي كرار
نهى : لج حترسبين من وراه وهوة لو يحبج جان كلالج اقري يالفهيمة
منار : لج هوة سئلني اذا عندي امتحان كتلة لا ما عندي وبقينة نسولف
نهى : انتي متاكدة هوة يحبج
منار : ايي والله شبيج هوة كال بس اتخرج اجي اخطبج
نهى : اخاف جذاب وين اكو واحد يحب ع النت
منار : نهى انتي وين عايشة متكليلي
نهى : دمشي امشي لا نتاخر ع الدرس والمدرسة ما تدخلنة
ومشة اليوم مثل كل يوم وخلص الدوام
طلعت من المدرسة وكعدت انتظر الخط وما اجة
عبالة اني ما مداومة اففففف يعني لازم ارجع مشي واني رجلي تاذيني
اظطريت امشي ما عندي غير حل
شوية وسمعت صوت ولد يشمر حجي
بديت امشي سريع جان يكول باجر تعالي الصبح من وكت
انتظرج ورة المدرسة
عفتة ورحت المهم وصلت للبيت واني خايفة اخاف لحكني
دخلت للبيت اشو امي ماكو شسالفة
دائما اول ما ادخل الكاهة اشو اليوم ماكو
شفت سيف كاعد بالحولي
كتلة امي وين
كال خالو اتخربط وراحولة
كتلة ياا خطية شبي
كال مو وكت استفساراتج امشي سويلي اكل اريد ازقنب جوعان
كتلة دقيقة خل ابدل شبيك
رحت بدلت ونزلت بديت اسوي الاكل ورحت اصلي بين ما يكمل الاكل
خلصت الاكل صبيت ورحت وديتة للاكل وكعدنة دناكل
جان يكلي سمعت محمد يريد يشتريلج موبايل
كتلة ايي كال اذا تنجحين اشتريلج
كال موبايل ماكو حطيهة ابالج
كتلة ليش
كال كلت ماكو لا تلحين وكومي شيلي الزقنبوت ما اريد بعد
شلت الصينية ورحت غسلت المواعين ورحت اقرة
شفت التحاظير قليل كلت بالليل احظر خل انام
واذا اجو اهلي سيف موجود
اول محطيت راسي ع المخدة رحت بالنومة ال1000 هههههه
فزيت العصر لكيت اهلي راجعين
سئلت امي شلون صار خالو
كالت الحمد لله ما بي شي بس شوية جان صاعد الظغط عندة
اجة ابوي سلمت عليه وسئلني ع امتحاني
كتلة الحمد لله
كلي اي شدي حيلج ما بقة شي وتخلص السنة
كتلة بابا بعدك معارض ع انو اشتري موبايل
كال بابا والله علمودج وانتي بعدج زغيرة
كتلة بابا اني من دون البنات ما عندي موبايل
كال
لهنا وينتهي البارت الثاني
واذا حبيتوهة صوتوا ع هل بارت حتة اكمل
ورايكم بيهة حلوة لو لا
اححبكم
meme al katlonea
YOU ARE READING
في لحظة جهل💔
Romantizmقصة حقيقية لفتاة عراقية من عائلة متحفظة وشكوكية اعتادت المشاكل في كل يوم ف الى اين ستلجا الفتاة ... بقلمي meme al katlonea
