مفقود

الحلقه 1 : فين؟

* يونيو 2019 * [ مصر > القاهره > شبرا مصر > سانت تريزا ]
- الساعه 10 بليل -

(بوليس) : يعنى انت متعرفش هو فين اى مكان احتمال يكون فيه؟
(؟؟؟) : لا
(بوليس 2) : انت صاحب سيف ؟
(؟؟؟) : مظبوط
(بوليس 2) : أسمك؟
(؟؟؟) : عبدالرحمن
(بوليس) : ثلاثى
(انا) : عبدالرحمن احمد رضوان
(بوليس) : عندك كام سنه؟ : 17
(بوليس) : وهو؟               : 16
: تعرفه من امتى؟             : من 3 سنين
(بوليس) : عنده قرايب او صحاب غيرك؟
(عبدالرحمن) : قرايب لا ، ساكن لوحده . صحاب معتقدش هو انطوائى مبيتعاملش مع ناس كتير
(بوليس) : اخر مره شوفته امتى؟
(عبدالرحمن) : من شهر
(بوليس) : بلغت بعد شهر ليه؟
(عبدالرحمن) بتوتر : كنت فاكره مسافر وليه كل الاسئله دى اخرج دور عليه احسن !
(بوليس 2) : بنسأل علشان نعرف هنبدأ منين ، اتصلنا بأهله ميعرفوش عنه حاجه و خافوا وجايين هنا يشوفوا الموضوع ... المهم اننا مش هنعرف نعمل حاجه دلوقتى ، ومعتقدش انه مخطوف لان مفيش اى حد اتصل
(عبدالرحمن) : زى ما قولت مبيتعاملش كتير مع الناس ، وكمان بشوفه قليل
(بوليس) : مفيش حاجه بأدينا نعملها غير اننا نستنا اهله ممكن يفيدونا ، لو حصل اى حاجه اتصل بينا
(عبدالرحمن) : طيب ماشى 😐.

سيف خالد مواليد 2002 اتولد فى الجيزه فى فيصل شعره اسود قصير و اسمر خفيف وطوله 167 وتحس ان جسمه اصغر من سنه شويه . عاش فى فيصل (الجيزه) فيها لحد لما جه اجر شقه فى شبرا هنا على بداية الاجازه ومعرفش السبب بصراحه ، ولما سألته قالى علشان نبقا جنب بعض بس كانت حاجه غريبه بالنسبه لشخص زيه مبيتعاملش مع الناس كتير ، لكن كالعاده مدتش اهتمام للموضوع . سيف من نوعيه الدحيح اللى بيطلع الاول على المدرسه كل سنه حقيقة وليس مجازاً و انطوائى ومبيخرجش كتير من شقته فى الاجازات . لدرجه انى ملاحظتش اختفائه غير بعد شهر كامل فى شهر 6 بالظبط ، ورحت عملت محضر اختفاء . مين هيخطفه ؟ لا... هو مين يعرفه اصلا ؟!

انا عبدالرحمن مواليد 2001 اتولدت فى شبرا تحديداً فى سانت تريزا ، شعرى اسود متوسط ناعم ، لونى قمحى وطولى 173 ، جسمى متوسط مش تخين ولا رفيع ، عايش فى شبرا لحد النهارده . علاقاتى عاديه مع الناس لكن مبحبش حد يتدخل فى خصوصياتى ، عندى معارف كتير من المدرسه عكس سيف كان انطوائى مع انه مش معايا فى نفس المدرسه بس ده مجرد كلام بسمعه من حمزه ويعتبر اقرب لسيف منى لانه كان ساكن فى فيصل لكن انتقل لشبرا علشان مدرسته هنا و احنا التلاته فى 3 مدارس مختلفه يعنى محدش بيشوف التانى غيرى انا و حمزه اكتر بحكم اننا ساكنين قريب من بعض . إيجار الشقه ده اللى كان جديد عليا .
حمزه قد سيف وطوله تقريبا نفس طولى وشعره قصير ولون عينه بنى فاتح وجسمه متوسط و اتقل من سيف كطبيعتى .

- الساعه 1 بليل -

- حد بيرن الجرس وبيخبط فى نفس الوقت - فتحت لقيت ابو وام سيف و واحد من بتوع القسم ودخلوا وكانت الام خايفه و الاب متعصب

(الام) : انت لازم تكون عارف هو فين مش انت صحبه !  -  (الاب) داخل بيزعق : مبلغتش ليه من زمان ! انت متخلف !

ولسه هيقول انت وانت ، قطعته فى الكلام

(انا) : بقالك شهر متصلتش بيه ليه مش انت ابوه ؟ بدل ما انت داخل سخن  -  (بوليس) : انت هتيجى معانا على زمه التحقيق

(انا) : انا اللى عامل المحضر  -  (بوليس) : ممكن علشان تبعد عنك الشبوهات كل شئ جايز

لبست ونزلت من العماره وانا بلعن ابو اللى يلجأه للحكومه تانى وبلعن ابو ام حياتى ، اه نسيت اقول انى زهقان من حياتى ومخنوق منها ، حزين فى دوله حزينة