حارسي سرق قلبي@٤@
اختبأت ملك مرة أخري وراء الباب سمعت صوت خطوات يقترب من المطبخ فراحت تبحث عن شئ تحمي نفسهابه لعلهم عرفوا مكانهاوجدت عصاغليظه امسكتها ووقفت خلف الباب تحتمي به .
دخل قصي وجدالبيت بابه مفتوح و خالي بحث عنهافلم يجدها في غرفتها ذهب للمطبخ لكي يري ان كانت إختبأت مكان ماأخبره العميدمحمد.
دخل قصي من المطبخ وفتح الباب السري ببطي ودخل خطوه للداخل يبحث عنهاولكن فوجئ بضربه قويه علي رأسه من الخلف فسقط أرضامتألمايمسك رأسه بين كفيه ويصرخ.
قصي.اااه الله يخربيتك يابنت المجنونه راسي أاااه مش تشوفي مين قبل ماتتغابي يازفته إنتي.
ملك.ههههه هوا انتا إيه إلي جابك هناوبعدين إحترم نفسك انتامجنون بتكلمني كداإزاي.
قصي .تصدقي بالله انا أستاهل ضرب الجزم علشان جيت ألحقك منهم ياريتهم خطفوكي وخلصنامنك بس محمد باشاهوا السبب يلا علشانوهوا والله لولاه كنت ربيتك علي عملتك دي.
ملك.هوابابامالواومين الناس دي هوا باباكويس متكذبش عليا حصلواحاجه.
قصي.لا محمد باشاكويس هوا في إسكندريه ومعاه باقي الفريق بس كلمني قبل ماجيلهم اجيلك الحقك .
ملك.وانتامكنتش معاهم ليه مين دول اصلا وكانوا هيخطفوني ليه.
قصي .والدتي تعبانه شويه وبسببك سبتهاعندالدكتورلوحدهاوجيت ودول عصابه احنابنحاول نمسكهم وكانواعيزين ورق القضيه وإنتي كمان علشان يهددوا محمدباشابيكي لو وصلهم .
ملك .بتفكير في وضعهامع سامر خطيبهاالذي تخلي عنها.يعني سيبت والدتك علشان تلحقني بجد شكرا.
قصي .العفواوالدك له فضل كبيرعلياوأي حد مكاني كان هيعمل كدا.
ملك.لا طبعا ده خطيبي قالي إستخبي وهبلغلك الشرطه هههههه ولسا مجاش لحد الوقتي شوفت البرود.
قصي.ايه انتي كلمتي البوليس ليه احنا في مهمه سريه .
ملك.مش انا ده سامر.
بعدان انهت جملتهاسمعواصوت عربةالشرطه.اسرع قصي بالخروج هواوملك من المطبخ واغلقواباب الڤلا.
ملك.هنعمل إيه سامر شكله بلغ.
قصي.ولا حاجه هتقولي ان محدش جه وان اناكنت جاي اسأل علي والدك وانتي خوفتي لانك لوحدك بس.
ملك .ماشي اقعد واناهروح افتح الباب.
فتحت الباب وجدت البوليس علي الباب ولكن سامرليس معهم.
ملك.خير يافندم في حاجه.
الضابط.جالنابلاغ ان في حد بيقتحم الڤلامن استاذ سامر
ملك.لاحضرتك مفيش حاجه ابدا ده هوا فهم الموضوع غلط قصي كان جاي لبابا وانا مكنتش أعرف فقلقت بس وكلمت سامر وهوافهم غلط.
الضابط.قصي باشا اهلا بيك.
قصي .اهلا معلش اسفين علي سوء التفاهم ده المشكله بس في استاذ سامراتسرع ومفهمش صح.
الضابط.لا ابداإحنا في خدمه محمدباشا في أي وقت واستاذ سامربره مدخلش معانا شكلوابيقلق من الشرطه هههههه
قصي.ههههههه اه دكتور بقا ملوش في شغلنا تسلم ياباشا تعبناكم معانا.
انصرفواوبقيت ملك وقصي بمفردهم
قصي.هواخطيبك ده ظروفه إيه ده خايف يدخل باعت الحكومه تأمنله الاول
ملك.لم تتحدث بقيت صامته تفكر في أفعال سامر التي تخطت كل الحدود
دخل سامر عليهم.وهوا يتحدث بصوت عالي.إيه الجنان بتاعك ده يملك مش تتأكدي مين إلي جاي قبل ماتقوليلي انا سيبت أصحابي وروحت بسرعه ابلغ علشان يلحقوكي.
ملك.انتا إيه يأخي البرود إلي انتافيه ده تصدق اناغلطانه كنت انزل اشوف الأول مين جايلي وبعدين أبقاأعطل جنابك انتا إيه يأخي مش بتفكرفياولا إيه إلي بيحصل معايايوم القسم تسيبني ومتعبرنيش والنهارده تقولي إستخبي وهجبليك البوليس انتافين من كل ده بدل ماتيجي تلحقني بسرعه تبعتلي البوليس وتفضل بره خايف تدخل اناغلط لما وقفت في وش بابا علشانك وانتافعلامتساهلش روح روح ياسامر لصحابك إمشي يلا مش عايزه أشوفك.
سامر.وهوايتجه ناحيتهالا ياملك انتي فهمتيني غلط انابس من خوفي عليكي إتنرفزت اسف ياحبيبتي وإقترب يمسك يدها ابعدته ملك عنهاوهي تصرخ به.
ملك.بطل كدب بقااناكنت عاميه حبك كان عاميني ومش شيفه عيوبك انتامبتحبنيش انتااناني مبتحبش غيرنفسك ومصلحتك خطبتني علشان مصلحتك ومركزك يكبروتعلي بإسم بابابس خلاص انافوقت وعرفتك علي حقيقتك ياسامراحناخلاص خلصنا مبقاش بيناحاجه الحمدلله اني عرفتك قبل مانتجوز انتامبقاش ليك مكان في حياتي اتفضل بره يلا.
سامر .انتي مش في وعيك إيه إلي بتقوليه ده احناجوازنابعد شهرجايه تقوليلي كدا الوقتي وليه بقا أكيد محمدباشاجابلك فرصه أحسن ومش بعيد يكون ده كله تمثيل علشان تخلصي مني ومين ده كمان هوا ده العريس الجديدولا إيه علشان كدا بتلغي جوازنا طبعامهوامجايب ابوكي لازم توافقي عليه ومش بعيد تكونوامشين مع بعض من زمان علشان كدا هواعندك الوقتي وإنتي لوحدك فعلا انتي و....
لم يكمل كلامه بسبب لكمه في وجهه من قصي.طرحته في الأرض.
قصي.ايه ياحيوان الي بتقوله ده انالولا عامل حساب ان في بنت وسطيناكنت عرفتك مقامك يازفت انتا.
سامر.لاياشيخ محموق عليها أوي بكره ترميك لماتلاقي غيرك.
ملك.إخرس يازباله ياسافل انا مش مصدقه اني اتغشيت فيك كدا اطلع بره بدل ما أخليه يخلص عليك مش عايزه أشوفك تاني.
لاستكمال الروايه من هنا
https://m.dreame.com/novel/oTi0kOEARTR6sa2INsJm0g==.html
