جَـــــوزاء

مُقـــــدمـــــة

طلعت من الحمام ترجف وتبلعم ..عدلت روب النوم وغطت صدرها المكشوف
باوعتله من فوك ليچوه بطرف عينها من دون ما ينتبه چان نازع قميصه وباقي بس بالبنطرون
اتجرأت وحطت عينها بعينه .. انتبهتله مركز بِجسمها وبعيونه رغبة چبيرة وحُبّ !!

چذبت الي تشوفه
هي تعرفه أكثر مما يعرف هو نفسه وتعرف نظراته شتحچي كلش زين بس مستحيل تصدگ هو يحبها
أكيد متوهمة هالمرة .. يمكن لأن سوه المستحيل حتى تقبل بي وتتزوجه فچاي تتخيل

مشت على اطراف اصابيعها
واتجهت للجانب الثاني من الچرباية وكعدت تهز برجلها بتوتر
فجأة وبحركة سريعة
دفعها ونيمها على الفراش وصار فوگها

انتفض جسمها وغمضت عيونها بخوف ورعب
حسته يقترب على رگبتها ... ريحة القولونيا ترست خشمها
هرب منها صوت تآوه ناصي من لامست شفايفه جلدها
شم رگبتها حيل واخذ نفس عميق وزفر بإرتياح

همس بخدر
لچ اموت عليج .. ما اتحمل خسارتچ شلون انطاچ گلبچ تعوفيني وتروحين

رفع وجهه وباوعلها بهيام
اعشقچ ..
شالها من الچرباية وحضنها وهو يهمس بكُل حبّ
سنا .. انتي رجعتي لحضني

فتحت عيونها على وسعها بصدمة ودفعته بعنف وهستيريا بس ظل مچلب بيها
صاحت بحرگة وهي تضرب على صدره تحاول توخره عنها
لك سنا شنو....أني ميادة ميادة ... انت واحد حقير
تزوجتني لأن اشبهها ؟ من تشوفني تتذكرها مو
حررت نفسها من قبضته رادت تكوم بس لزمها من زندها بعصبية ..

باوعتله بحقد وغل
سنا ماتت افهم ... شايف هاي الشامه الي فوك شفتي
باوعلها زين باوع

وعى على نفسه وعلى الي يسوي من انتبه لشامتها ونتر ايده وكام على حيله
لبس قميصه على عجل وطلع من الغرفة وركع الباب وراه
ظلت تفرك بزندها المحومر وتنحب بصوت عالي

-------

مقدمة بسيطة
اعتذر عن جرأة المشهد
بس كان لازم ههههه

القصة مو جريئة كلش بشكل مبالغ فيه ولا بيه
وصف وتفصيل لحد يجي يسب 😂

المهم
الفكرة ببالي امخمخ بيها على كيف
قررت انزلها لان اذا ما نزلتها يمكن ما اخذها على محمل الجد

احتمال جبير اتأخر حتى انزل الفصل الاول
احبكم