فصلية شيوخ

البارت الثالث

يله حبايب دوسو☆ قبل منبدي وعلقولي وأريدكم اتابعون يعني بطريقكم تاابعوو
user03088877
ادعموو لا تفشلوني يله خلي نكمل❤❤❤❤👇👇👇👇

قيصر: واني دا اطلع واشووف😮 صالح يضرب اب مرة😠 اني رأستن دنكت لأن مو من عوايدنا
انباوع ع نسوان
........
غسق: أي أي أي والله بس عووفني
صالح: لج أمشي لا بارك الله بيج
غسق اني ضليت ابجي وابجي وبوي كلي
صالح: والله أن شفتج رافعه راسج اله ادوس أبطنج
غسق: اني بس اهز رأسي
صالح: شوفي اني راايح اليشخ قيصر أن شفتج رافعه راسج اموتج خلاص ومن اصيحلج تجين  بسرعه
وانتي مدنكه
غسق: أي أي
..................
قيصر: إني صحت ع هذا ألي مايتسمه صالح هو اجه  كتله يله وين الفصلية
صالح: أي أي تأمر
.......
غسق: بعد مااراح ابوي مدري وين واني ضليت مدنكه وأفكر هسة أمي إذا تدري ح شتسوي
معقوله يروح مستقبلي علمود اروح فصلية واني افكر طاحت دمعتي 😢😢 اشوي وابوي صاحني
واني مدنكه امشي الى طريق مجهول مادري شراح  يصير اب أمي اووووف يالله ... واني امشي رفعت
راسي شوي حتى اندل ابوي وين حتى اروحله رفعت راسي وبسرعه نزلته حتى ابوي مينتبه
وصلت يمه هو كال
صالح: شيخ هاي المرة وصارت يمك و....
قيصر: قبل ليكمل حجي كتله قصدك الفصلية ورفعتله حاجيبي
صالح: ها شيخ ع راحت....
قيصر: وقبل ليكمل حجي كتله يله احنه ح نتوكل في امان الله
صالح: الله وياك
..........
غسق: ابوي كلما يريد يحجي هذا يسكته اوووف إذا هيج يحجي وي ابوي لعد شحيسوي بيه😢😢
اووف ماما وينج واني دا افكر هذا لزم ايدي واحسهه حتنخلع كتله...... اووووي ع كيفك هاي شبيك
واني احجي ابجي وهو زاد ضغط ع ايدي واني كمت  ابجي وابجي. .... شمرني شمر بل سياره أحس
جسمي انشل من ورة شمرته هو صعد بل سيارة وكام يسوق ويحجي
قيصر: بت الخراااا( تكرموون) اليوم اله انعل أبو...*..^ بصيييطه
غسق: هو يتوعدلي ويسوق سريع عبالك وحش واني بس أبجي يمكن حوالي ساعا ونص احنه نمشي
وصلنا للبيت هو نزل اني ضليت بل سيارة هو اجاني بس احسه صار بركان نااار
قيصر: بت الن...*...^ شمنتضرة ماتنزلين هه ضحكت بستهزاء وكتلهه بس لا خايفه من الجهنم إلي
راح طبيلهه
غسق: من حجه هيج حقدت علي و كتله هه ضحكت بستهزاء وكتله إني ما أخاف من الجهنم
الجهنم تخاف مني احجي واني ميته خووف شو اني بس حجيت هيج هذا كب ناار
قيصر: جريتتهه من ايدها ونزلتهه من السيارة وشمرتهه بل بيت وكتلهه شوفي وصلتي للجهنم وخلينا انشوف منو إلي خايف من منوو ورفعت حاجبي
غسق: هذا شمرني بل بيت وكام يسلت بل حجي من كمل حجي اني هويت يدي شو هذا لزمني من
شالي رفعني احس شعري انخللع كلله
قيصر: بسيطه ..... ( بصياح) يمممه يممه سارة أيمان وينجن شني  محد بل بيت الكل طلعو
الوالدة أم قيصر: خيرررر يمه شكوو ليش هل صياح ( وهية تباوع ع غسق) يمه هاي مني
قيصر: يمه هاي الفصلية وشمرتهه يم رجليها
........
غسق: بعد ما شمرني يم رجلين مره يجي عمرهه بل خمسينات هيج شي أول مشمراني اني ضليت بس ابجي ولا سكتت
الوالدة: ولك يمه جايبلي فصلية ولك يمه احنه عايزين فضايح
قيصر: عفتهه تحجي  وطلعت
غسق: شو هذا من طلع اجتني بنيه يجي عمرهه بل كلاثينات 30 هيج شي اجتني وكومتي
وكلتلي
سارة: يله كومي حبيبه كومي غسلي وتعاي 
غسق: من كومتني وداني للمغسله وفوك المغسله أكو مرايه  باوعت ع روحي شفت زراك يم عيني
دنكت حتى اغسل وجهي غسلت وكملت وكالت البنيه
سارة : حبيبتي انتي شسمج وشكد عمرج
غسق: باوعت عليهه وكوووة ابتسمت وكتلهه اسمي غسق ع 18 سنه
سارة: عزززززا لج  انتي بعدج صغيرة يله حبيبتي خل اوديج الغرفتج 😊
غسق:😔اممممم وأخذتني البنيه وسألتهه كتلهاا.... و.وووين اغراضي
سارة: هسة ح ودي حامد يجيبهن الج مااشي يعمري
غسق: ابتسمت ودنكت ورة دقائق طبيت الغرفه بدون مقدمات ( تخببببببل😍😍) إني ضليت أباوع ع الغرفه تصميمهه يمووت بس بيهه هدووم رجاليه باوعت ع البنيه وكتلهه ..... انتي شسمج
سارة: إني سارة أخت الشيخ قيصر ألي هو راح يصير زوجج
غسق: من كالت ألي حيصير زوجج حبستني الخنكه  ردة ابجي البينه حست بيه فا كالت
سارة: حبيبتي غسق هاي غرفتج انتي والشيخ قيصر
غسق: من كالت هيج كتلهه لا فدوة خل أجي يمج فدوة الله يخليج ماريد ابقى وياا بنفس الغرفه
سارة: لا حبيبتي ميصير شدكول علينا العالم لا تخافين هسة هو شوي ممتقبل الموضوع بس بعدين
حتتعرفين علي وهو أصلا كلبه طيب وأبيض ويخاف الله
غسق: إني ضليت ابجي اووووف اووووف وينج ماما شوفي حال بتج 😭😭😭
سارة: كافي حبيبتي هسة ح أخلي حامد يجيب اغراضج وصفطيهن بهذيج الخانه ماشي
غسق: واني ابجي هزت راسي أب ( أي) ورادت  تروح كتلهه.... بس انتو بهذا البيت
سارة: لا يعد عندي أخوان واخوات إني متزوجه هسة بس أهل زوجي عدهم شوي مشاكل
فاا إني اجيت عد أهلي ☺
غسق : امممممم
سارة: يله حبيبه اخذي راحتج إني شوي وجايتج
غسق: اممم وهزيت راسي أب ( أي) أول ماراحت سارة كعدت وضليت ابجي وابجي ع حضي
يربي شراح يصير بيه ااااخ يمه وينج ولج يمه هسة إني بطريق مجهول ماعرف وين وشراح يصير بيه
اشوي وأجت سارة وبيدهه صينيه بيهه أنواع الاكل دجاج وتمن أحمر وطرشي وليمون  ولبن أشكال من
الاكل كتلهه. هاي المن
سارة: هاي الج اكلي وهاي اغراضج يله خية اكل
غسق: بصراحه إني جوعانه بس هية خطيه عافتني وطلعت إني ضليت أكل وشبعت الحمد الله
وهيه إجت إني ابتسمتلهه
سارة: ها شبعتي
غسق: هزيت راسي
سارة: عوافي يله  دقايق وجايتج
غسق: هزيت راسلي امممممم اجت وكالت
سارة: يله حبيبه خل نصفط ملابسج
غسق: امممممم هية اخذت الجنطه وراحت يم ااكنتور  إني رحت وراها وهية  بدت تصفط  وتحجي
سارة: شوفي حبيبه انتي لازم تكسبين رجلج وصيري سباعية تراا شيخ قيصر ميحب البنيه الفاهية
ويوميه كلما يريد يطلع  انتي رتبي غرفتج
غسق: وهية ضلت تنصح بيه واني مثل الثوله بس اهز براسي  واكلهه امممم خلصنا تصفيط وكتلهه
ليش لابسه أسود
سارة: ببتسامه ع أخوي وطاحت دمعتي ورأستن مسحتهه حتى متنتبه
غسق: لزمت زندهه وكتلهه بقية بحياتج حبيبتي
سارة: تسلمين
غسق: بس 😔
سارة:بس شنو كملي
غسق: بس وين مسوين الفاتحه
سارة:  بتصنع البتستمه يم بيت جدي 
غسق: بس ليش موهنا
سارة: مو لأن أمي متتحمل الصراخ ولطم
غسق: الله يصبرهه
سارة: أمين.... يله حبيبه انتي ترتاحي أمبينه تعبانه ارتاحي مااشي إني رايحه إذا رايدة شي صيحيلي
مااشي
غسق: هزيت براسي امممم  أول مطلعت نزعت الصاية   وتمددت ع الجرباية وضليت افكر وابجي
ع أمي هسة شنو حالهه اووف ياربي انطيهه الصبر وضليت افكر إلى أن نمت  واني نايمه سمعت
صيااح جووة إني رأستن فزيت كمت من الجرباية ع سريع وردت اطلع بس خفت ورجعت بس نفس الصوت
نفس الصوت رحت جبت شالي ولبسته وفجأة ودخلي ولد أي نفس الولد الشيخ قيصر
هو طب للغرفه  وهو مليان غضب
قيصر : لج انتي شتسوين هنا
غسق: إني ضليت جامدة هو إجه وجرني من شالي ........................................................
.......................................................................
°
°
°
°
°
°
°
°
°إلى هنا وينتهي البارت  حبايب لاتنسون التصويت👇👇👇
وانطوني رأيكم بل بارت وإذا ماكوو تفاعل فاا عذروني ماكدر أكمل
♡♡♡♡♡♡♡♡♡♡♡♡♡♡♡♡♡♡♡♡
☆☆☆☆☆☆☆☆☆☆☆☆☆☆☆☆☆☆☆☆
♢♢♢♢♢♢♢♢♧♧♧♧♧♧♢♢♢♢♢♢
وياكم أخوكم وصديقكم (أحمد☆القريشي)

{فصلية شيوخ}
احبكم💕💞